Besta niðurstaðan

að mínu mati.

Þetta fólk var fólkið sem þjóðin kaus.

Þau eiga einfaldlega að halda áfram. Það verður ekki nokkur leið að ætla að þvæla þessu og Icesave kosningunni saman, allt of viðamikið og flókið mál.

 

Ekki kosið til stjórnlagaþings

Hverju breytir það ?

Í raun og veru að við missum tugi manns á hverju ári í sjálfsvígum ?

Hvers vegna er ekkert verið að gera til að auka árvekni fólks ?

Á bakvið hvern einn er fjöldi fólks. Ég er ein þeirra, ég er mamman. Tíminn læknar ekki. Þetta breytist þó með tímanum en steinninn er þarna enn. Stór, fjandi þungur, steinn. Samviskan hefur sko löngu unnið alla skynsemi í því.

Þessi steinn er samansettur úr því að vita að ég brást, hann er bryddaður með heilmikilli reiði út í þennan hræðilega atburð. Lengi var heillings skilningsleysi með en það er svosem farið.

Ég bæði skil og veit.

Það skuluð þið muna, þið sem á honum brutuð...fyrr og síðar. Ég veit.

Ivesave hvað ?

Og hvað

gerist þá næst ?

Hver er til hér á landi sem almenningur treystir til að kynna fyrir sér möguleikana ?

Hér er allt fullt af óánægjufylgi og radikölum...

og meira að segja rólyndisskepnur eins og ég geta ekki upphugsað nokkurn mann sem ég treysti til kynningarinnar.

Þjóðin kýs að nýju

sárt að horfa á eftir

bókabúðinni eins og ýmsu öðru sem hefur orðið undan að láta í kreppunni.

Ég er t.d. enn ekki búin að sætta mig við að sparisjóðinn vanti á Skólavörðustíginn.

Já já ég veit, ég er alveg svakalega íhaldssöm !!

Bókabúð Máls og menningar gjaldþrota

talandi um

fráveitugjöld.

Við fengum eins og aðrir eitthvað rukkunarbréf frá Orkuveitunni strax í byrjun janúar. Við lögðum það bara til hliðar í bréfabunkann enda vissum við alveg hvað málið var.

Við fengum svo fyrstu afborgun af fasteignagjöldum, mér fannst þau nú standa í stað þrátt fyrir að fráveitugjaldið væri innheimt öðruvísi að þessu sinni.

En svo kom bréf frá sveitarfélaginu. Þá ákváðu þeir vegna þess að Orkuveitan hefði sagt einhliða upp samningum þá ætluðu þeir að innheimta LÍKA fráveitugjaldið !

Ma ma ma ma maður er bara margrukkaður um það sama !!

Spurning um að fara að skíta í fötu og bjóða upp gumsið !

"hér er ró og hér er friður ....NOT"

Fá afslátt á fráveitugjöldum

beðið eftir

að ölduganginn lægi.

Nú er þetta Icesave mál komið enn á Bessastaði. Mér finnst ég hafa lesið að síðast hugsaði hann í 6 daga eða voru það 6 vikur ?

En hvernig sem það var þá er ágætt að sjá fyrir endann á þessu.

Miklu fyrr hefði þurft að opna augun og fara að fylgjast með þessu, koma útibúunum í dótturfélög þannig að viðkomandi land fylgdist þá með þeim...ekki þeir sofandi sauðir sem hér voru og áttu að gæta að þessu.

en það sem ég hef verið að bíða eftir er bjartsýni gleði og hamingja. Skemmtilegir eiginleikar íslenskrar þjóðar sem hafa alveg horfið í svartsýnisbölmóði.

Við eigum að vera kát þrátt fyrir allt. Hrundindlarnir eiga ekki að hafa þessi völd yfir heilli þjóð - að leggja hana í þunglyndi.

Við önsum ussum ekki.

Síðan sem ég skrifaði um í síðasta bloggi er víst horfin.

Líklega hrekkur

eða viðkomandi nokkuð við skál.

Það er nóg að skoða yfirlýsinguna eða "hausinn" á síðunni til að sjá að þetta er ekki allt með felldu.

 

Mér finnst verulega vafasamt að vera sífellt skrifandi á einhverja lista sem fæstir vita hver stendur í raun á bakvið.

 

Icesave Já Takk opnar síðu

Er samúð neikvæð ?

Fólk hefur afar misjafnar skoðanir á Eurovision keppninni, sko þessari keppni sem enginn horfir á. Nú fór svo sviplega að einn keppandinn lést í upphafi keppninnar eins og alþjóð veit. Ég horfði ekki á undanúrslitaþættina en sá lögin þegar þau komu sem innslög í sjónvarpinu.

Þau vöndust ágætlega fannst mér. Strax fannst mér lagið sem Magni flutti mjög gott, Jógvan líka ágætur en svo fannst mér lagið hans Sjonna glaðlegt og áheyrilegt. Þegar upp var staðið þá gat ég ekki gert upp á milli þessara tveggja laga.

En upp hefur risið einhver mótmælaalda. Fólk vill meina að lagið hafi einungis unnið vegna kringumstæðnanna. Það er ömurlegt að lesa sum kommentin á DV.

Samúðaratkvæði tuðar einhver þar.

Þá fór ég að spá, síðan hvenær er það neikvætt að við sýnum náungum okkar samúð og kærleik í erfiðleikum ? Afhverju á fólk að skammast sín fyrir að sýna skilning, samúð og hlýhug ?

Þórunn stóð sig algerlega frábærlega á sviðinu með strákunum í kvöld, strákarnir stóðu sig svakalega vel.

Vinsamlega munið það að alveg sama hvaða lag vinnur, það eru ekki allir sammála um ágæti þeirra en ljót orð eru svo innilega óþörf við þessar aðstæður.

Verum góð.

12 febrúar 2011

Ég hef verið að hugsa um vinkonu mína undanfarið, vinkonu segi ég, aldrei hist né heyrt rödd hvor annarrar, en vorum góðar bloggvinur. Mig dreymdi hana meira að segja, Ía í æfintýraskóginum. Man að hún smaug sífellt á undan mér í draumnum. Og enn gerir hún það.

Ía lést í gær.

Sérstöku böndin okkar þurfa nú að teygjast milli heimanna.

Guð geymi þig mín kæra. Bið að heilsa í æfintýraskóginn. Ég mun ekki gleyma þér.

(www.iaprag.blog.is) Hérna er bloggið hennar.

Í leit að gleðinni

Ég horfði á myndina mótmælandi Íslands í gær. Hún var sýnd um miðjan dag á Rúv og ég hafði séð það auglýst. Eins og sést er ég enn að hugleiða þennan mann, Helga Hóseasson. Sérstakur karakter.

Í gærkvöldi var vesen að komast inn og út úr götunni minni. Ég þurfti ekkert að fara, sem betur fer :)

Þetta var gleðiefni númer eitt.

Í dag þegar ég fór í hænsnakofann þá voru fimm egg. Unghænurnar mínar eru að byrja varp en hinar þrjár hafa verpt nokkurn tíma.

Þetta var gleðiefni númer tvö.

Ég greip mús í standljósi sem ég hef á ganginum. Ég náði næstum að komast með hana út í ljósinu en munaði metra haha. Ég bilaðist ekki úr hræðslu. Mýsla skaust inn í herbergi og .......

Þetta var gleðiefni númer þrjú

.....kattaherdeildin er að veiða hana þar. Kettirnir mínir eru flottir.

Þetta var gleðiefni númer fjögur.

Annað kvöld fer ég í vinnu og kemst vonandi fljótt inn í rútínu.

Þetta var gleðiefni númer fimm.

Garðurinn minn var svo fallegur í dag

þetta var gleðiefni númer sex.

 

-afhverju öll þessi gleðiefni  ?

Í dag hefði ungur maður átt afmæli eða sko hann á afmælið. Hann hefði orðið 29 ára. Ég sé hann fyrir mér, með Himmanum mínum, svipaðir gaurar. Ég er að reyna að bægja frá sorginni og reiðinni yfir tækifærunum sem þeim hlotnuðust ekki í lífinu.

Haukur, þú gengur ekki einn. Fólkið þitt er með þér. Ég líka .

Guð geymi ykkur strákar mínir.