Bloggfærslur mánaðarins, september 2010

Getum við hjálpað ?

hér kemur afrituð frétt af öðrum vef ;

Bankanúmer 0326-13-007171 og kt. 281071-5649

Söfnun fyrir einstæða móður sem er ein á erlendu sjúkrahúsi: Vírus í hjarta, nýtt hjarta og gangráður

Fjársöfnun er hafin fyrir fertuga einstæða móður sem fékk nýtt hjarta í vor en liggur ein á erlendu sjúkrahúsi eftir að hafa fengið nýtt hjarta sem ekki virkaði sem skyldi. Hún þarf nú að fá gangráð á hjartað.

Pálfríður Sigurðardóttir greindist með vírus í hjarta árið 2000 og varð að hætta vinnu tafarlaust. 29 ára gömul með ársgamalt barn varð hún tekjulítil, meðan heilsan versnaði stöðugt. Virkni hjartans var komið í um 15% og blóðflæði um 10% af því sem eðlilegt telst. Var svo komið að hún gat ekki lengur sinnt barni sínu vegna veikindanna og enga vinnu stundað. Læknar fundu enga lausn á vandanum aðra en að skipta um hjarta í henni og eftir margar mánaða dvöl á sjúkrahúsum hérlendis þar sem hún var nær ósjálfbjarga af ýmsum fylgikvillum hjartavandamálsins, gekkst hún undir hjartaskipti í Svíþjóð í vor.

Eftir margra vikna dvöl á gjörgæsludeild sjúkrahúss í Svíþjóð kom í ljós að gjafahjartað virkaði ekki sem skyldi og þyngdist Pálfríður um 13 kíló af vökva í kjölfarið sem leiddi til nýrna- og blóðrásarvandamála. Enn stóðu læknar ráðþrota frammi fyrir vandamálinu og finna þá lausn eina að setja hjartagangráð á nýja hjartað.

Í Skessuhorni er fjallað um veikindi Pálfríðar, sem eins og gefur að skilja hefur ekki aðeins misst heilsuna, heldur er hún orðin gríðarlega illa stödd fjárhagslega. Þarf hún að dvelja á sjúkrahúsi í Svíþjóð í að minnsta kosti í mánuð til viðbótar. Systir hennar hafði verið úti um nokkurra vikna skeið, en nú er Pálfríður ein í Svíþjóð. Segir í Skessuhorni:

Pálfríður er því ein í Svíþjóð og segist kvíða því að þurfa að vera ytra ein í mánuð hið minnsta til viðbótar og ekki síður að ferðast ein heim. Fátt vill hún frekar en að fá að hafa einhvern hjá sér og hafa einhvern sem hún þekkir og treystir með sér á heimleiðinni. Sigurður sonur Pálfríðar er 11 ára og býr, á meðan hjá ömmu sinni í Staholtsey, og sækir skóla í sveitinni.

Eins og gefur að skilja af ofangreindu er Pálfríður í afar erfiðri aðstöðu fjárhagslega og verður flestar bjargir bannaðar næsta árið í það minnsta. Því er leitað til landsmanna um aðstoð. Þeir sem eru aflögufærir og hafa áhuga á að styrkja Pálfríði á þessum erfiðu tímum í hennar lífi geta lagt inn á eftirfarandi:
0326-13-007171 og kt. 281071-5649


smá saman opnast umræðan

en þegar elsti sonur minn greip til þessa óyndisúrræðis þá hafði ég ekki hugmynd um hversu algeng sjálfsvíg eru. Í raun hugsar maður líka mest um þann sem maður missti. Þegar aðeins líður frá þá fer maður að sjá glitta í heildarmyndina. Þessi tala er þó áreiðanlega of lág, mörg sjálfsvíg eru hreinlega skráð sem annað.

Guð geymi alla okkar sem ekki gátu verið með okkur í lífinu. Megi allt sem gott er styrkja þá sem eru í þessum erfiðu sporum, að vera aðstandandi þess sem fyrirfer sér.


mbl.is 351 féll fyrir eigin hendi á 10 árum
Tilkynna um óviðeigandi tengingu við frétt

hrein náttúruafurð

hann Ómar Ragnarsson og hjartanlega til hamingju með afmælið. Vel viðeigandi að nú sé dagur íslenskrar náttúru til heiðurs Ómari.

Á þessari skemmtun hefði ég viljað vera


mbl.is Ómar skemmtir sér og gestum
Tilkynna um óviðeigandi tengingu við frétt

beðið með öndina í hálsinum

en ég slepp en bíð spennt samt. Ég vildi ekki svona þegar ég keypti græna bílinn minn sem ég seldi í fyrradag. Bílasalinn horfði á mig með brosviprur við munninn og sagði að ég væri eiginlega asni og þverhaus. Ég brosti bara til baka og sagðist alveg kannast við það.

En lánið mitt stendur þannig í dag að það er á núlli og bíllinn seldur í fyrradag eða settur upp í annan bíl.


mbl.is Dómur í gengislánamáli í dag
Tilkynna um óviðeigandi tengingu við frétt

til fyrirmyndar

að fylgjast vel með. Sum svæði eru viðkvæm fyrir mannlegum ágangi og það þarf að passa. Höfum við ekki gleymt okkur hér að því leyti ? Gullfoss og Geysir til dæmis ?

Við megum ekki sofna á verðinum. En við þurfum að fá inn alla þá aura sem við getum í gegnum ferðamenn. Ráðstefnur eru til að mynda arfasnjallar.


mbl.is Bútan opnar landamæri sín ferðamönnum
Tilkynna um óviðeigandi tengingu við frétt

Þessi frétt og hin

um manninn sem klikkaðist þegar eggin hans voru of köld hafa vakið undrun hjá mér í dag - mig skortir bara algerlega hugmyndaflug í svona vitleysu !

Sem betur fer !

Góða nótt


mbl.is Feðgar flýðu land vegna hótana
Tilkynna um óviðeigandi tengingu við frétt

Einmitt það sem ég held

bara einhver platgerningur svo fólk þegi og hætti að tala um þessa ábyrgð ráðamanna. Það er ég svo innilega handviss um. Það er bara verið að leita leiða til að grafa yfir málin.

Hitt er annað og ég hef lengi haft þá skoðun að við eigum að einbeita okkur að framtíðinni og eyða sem minnstum tíma og púðri í fortíðina. Við breytum henni ekkert heldur. Við eigum að einbeita okkur að því að koma í veg fyrir að svona gerist aftur - það er þarft verk !


mbl.is Landsdómur er sjónarspil
Tilkynna um óviðeigandi tengingu við frétt

ekkert dulbúin auglýsing

en á morgun verður haldin minningarstund í Dómkirkjunni - til að minnast þeirra sem fallið hafa fyrir eigin hendi.

Sjá hérna

Vonandi komast sem flestir. Þetta er falleg athöfn, ég fór í fyrra.

Ég hangi hér heima en þykist  vera á leið út. Við Rómeó köttur erum eitthvað hálflasin og ekkert í neinu stuði til neins nema sofa bara.

Eigið góðan dag :)


hva...smá gola!

einn sem ég hitti í dag taldi víst að viðkomandi skipstjóri hefði aldrei siglt um úfnara haf en gerist í næsta vaskafati !

hvað veit ég ?

ég nenni sjaldnast að hanga á bryggjunni


mbl.is Prinsessan siglir á brott
Tilkynna um óviðeigandi tengingu við frétt

allt að falla í vetrarfarið

og rútínuna sem fylgir. Björn byrjar í MK og heldur áfram námi sem tilvonandi kjötiðnaðarmaður. Hjalli var að fá vinnu, bara áðan. Þökk sé pabba þeirra, hann er sko hæst skrifaður hér þetta kvöldið.

Mamman heldur áfram með sitt og vonar að allt verði vandamálalaust.

Ég ætlaði bara að setja minningargreinarnar um Himma inn á hitt bloggið, Bók Hilmars en var svona klaufsk og setti það óvart inn hér líka.

Maður er stundum svo ótrúlega laginn !!


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband