Feðgar

eru merkileg fyrirbæri. Mínir eru ekki líffræðilega skyldir en þeir hafa búið saman í mörg ár. Þeir eru líka í sama stjörnumerki fyrir þá sem trúa á svoleiðis.

Björn hefur verið að heiman undanfarið, ég veit alveg svosem hvar hann er en það er sama hann á að láta vita. Í kvöld brá svo við að kallinn skilaði sér ekki úr vinnunni, klukkan varð 20-21-22....það var farið að síga í bókhaldarann á heimilinu. Fyrst kom strákur, svo kom kall.

Kallinn fékk skammir fyrir að láta ekki vita af sér, gerði að vísu heiðarlega tilraun til að snúa afbrotinu yfir á bókhaldarann sem hefði getað hringt til að forvitnast....Sú tilraun lést í fæðingu.

Fyrst bókhaldarinn var byrjaður að skammast þá fékk Björn áminningu um að láta vita um sinn verustað.

Stuttu síðar röltir Björn fram og finnur gamla settið við púslið.

B. Ég veit alveg að ég á að láta vita af mér ,ég skal passa þetta

M. Já ok, ég var að skamma Steinar og ákvað að skamma þig í leiðinni?

B.Nú ? Kom hann heldur ekki heim í marga daga ???

Gamli bilaðist úr hlátri og báðir horfðu á mig með skelmissvip.

 

Svona standa kallar saman þegar á reynir en þessir tveir ættu að varast að skopast mikið að bókhaldaranum sem á til að hefna sín þegar síst skildi......

Góða nótt.

Athugasemdir

[Signý, 21.4.2008 kl. 23:40]

Hahaha... góður!

[Mummi Guð, 21.4.2008 kl. 23:42]

hahaha. Þessi er það sem er kallað priceless.

[Ásdís Sigurðardóttir, 21.4.2008 kl. 23:43]

Þú ert yndisleg elskan mín, kallar standa alltaf saman, feðgarnir hjá mér eru ekki blóðskildir en ekki eru þeir verri fyrir það. Góða nótt elskuleg og sofðu nú vært.

[Linda litla, 21.4.2008 kl. 23:50]

hehehe góður

[Jenný Anna Baldursdóttir, 21.4.2008 kl. 23:53]

Blóð og ekki blóð, hef séð jafn innileg sambönd milli skáforeldra og skábarna.  Líka milli skáafa og skábarna.  Skiptir engu.

[Steingrímur Helgason, 21.4.2008 kl. 23:59]

Við aumt karlfólk reynum alltaf afsakanir af veikum mætti.

Eru þeir máske svona ljónaflón eins & ég & strákarnir mínir ?

[Heiða Þórðar, 22.4.2008 kl. 00:05]

Góða nótt - góða kona

[Guðríður Haraldsdóttir, 22.4.2008 kl. 00:08]

Þetta eru greinilega mikil krútt sem þú átt. Góða nótt, krúsídúllan mín.

[Jóna Kolbrún Garðarsdóttir, 22.4.2008 kl. 00:56]

 Góðir feðgar

[Bárður Örn Bárðarson, 22.4.2008 kl. 01:06]

Yndisleg saga, góður endir á deginum að fá að brosa svolítið.

[Tiger, 22.4.2008 kl. 03:28]

  Hahaha ... æðislega skemmtileg færsla hjá  þér Ragnheiður mín. Um að gera að láta karlana á heimilinu heyra það af og til svo þeir haldi sig á mottunni en ekki rottunni ... eða þannig. Æðislegt knús á þig elskulegust og eigðu yndislegan dag á morgun!

[Hrönn Sigurðardóttir, 22.4.2008 kl. 08:47]

[Heiður Þórunn Sverrisdóttir, 22.4.2008 kl. 10:51]

Hahaha frábær fæsla ég hló mikið ég sé líka Björn Gísla fyrir mér.....

Eigðu góðan dag  

[Guðrún Emilía Guðnadóttir, 22.4.2008 kl. 11:06]

Þetta er bara frábært, sko þeir segja nú ekki mikið þegar þeir eru einir með okkur, en tveir saman eða fleiri þá eru þeir svo miklir menn þessar elskur.
Ég hef sko reynslu af því.

[Ásta Björk Hermannsdóttir, 22.4.2008 kl. 11:32]

lol

[Helga Magnúsdóttir, 22.4.2008 kl. 12:36]

Maðurinn minn og eldri sonur minn eru ekkert skyldir. Þeim hefur þó komið alveg sérstaklega vel saman í þau 27 ár sem þeir hafa þekkst og aldrei slest upp á vinskapinn hjá þeim.

[Ragnheiður , 22.4.2008 kl. 12:38]

Þessir 2 mínir eru svo hörmulega eins að ef annar fer í taugarnar á mér þá er eins víst að hinn geri það líka*dæs* en ég elska þá báða til alheimsins og til baka.

Þeir geta tuðað hvorn annan bláan en þá dugar oft smá urr frá gömlu, þá hætta þeir

[Sigrún Óskars, 22.4.2008 kl. 18:28]

Skemmtilegir feðgar. Ég bý líka með skemmtilegum feðgum (kallinn og sonurinn) og þeir eru svo líkir og samtaka - oftar en ekki eru þeir tveir á móti mér einni.  

[Ragnheiður , 22.4.2008 kl. 18:35]

Hehe já örugglega eins og mínir, svakalega hugaðir sem par hehehe