Páskajátning og smá uppdeit á eldri færslu

Nú ætla ég að gera yfirbót og játningu. Fyrst ætla ég að leiðrétta smá vitleysu sem er í færslunni hér á undan, ég hlusta á Rás 1 ekki Rás 2. Ég hlustaði í morgun á kvennamessu í kirkju sem er í Fossaleyni í grafarvogi, hef ekki heyrt um kirkju þar fyrr en á eftir að skoða málið betur.

Jæja.....

 

eruð þið spennt ?

Játningin er aaaaalvvveeeeeeg að koma.......!

Sko, þetta hérna finnst mér alveg hroðalega vont -svo vont að ég þoli ekki lyktina af þessu heldur. Ég er ekki ein um þessa sérvisku, Björn og Hjalti eru jafnlítið hrifnir af þessu.

Marga daga fyrir páska þá hraða ég mér framhjá búðarhillum sem þessi óbjóður er staðsettur og reyni að anda ekki á meðan.

Nú á ég alveg til að borða súkkulaði en má ekki borða mjög dökkt súkkulaði, þá fæ ég hausverk. Eitthvað er það við lögunina á páskaeggjasúkkulaðinu sem veldur þessum viðbjóði hjá mér.

En hey, meira handa ykkur bara....verði ykkur að því..

Konan sem ég vitnaði til þegar ég var að fjalla um líknarmorð er látin, hérna er fréttin . Ég man ekki hvort það var í þessari frétt eða annarri sem ég las áðan, að dánarorsök sé ekki kunn....ja hérna.

Athugasemdir

[Heiður Þórunn Sverrisdóttir, 20.3.2008 kl. 12:55]

Mér finnst Nói sírius bestur og þegar var farið í páskaeggja leiðangur í gær fannst ungafólkin hér ekki spurning hvaða grömm stóð á egginu það var talan sem kipti mestu máli 10 var rosalega flott tala .

Kveðja til ykkar á Álftanesið. 

[Birna Dis Vilbertsdóttir (IP-tala skráð) 20.3.2008 kl. 13:01]

Nói Sírius hér.Messan trúlega frá Íslensku kristkirkjunni.Sú kirkja er í Fossaleyni.Ég þekki ungt fólk sem er þar og þau eru frábær.Knús á þig

[Hrafnhildur Ýr Vilbertsdóttir, 20.3.2008 kl. 13:03]

Ha ha....vildi að ég hefði sama hroll fyrir páskaeggjum.....gæti borðað þau í öll mál.....er súkkulaði fíkill.....og er alveg að fara  taka á því

[Jórunn Sigurbergsdóttir , 20.3.2008 kl. 13:26]

Líkami þinn segir þér að þú viljir ekki þetta súkkulaði og það er gott.

Gleðilega páska.

[Ásdís Sigurðardóttir, 20.3.2008 kl. 13:31]

Mér dugar eitt lítið egg á ári, eitthvað sérstakt bragð sem gerir það að verkum eins og þú segir     

[Sigrún Óskars, 20.3.2008 kl. 14:37]

Ég borða heldur ekki súkkulaði! En ég fæ mér kókosbollur í staðin fyrir páskaegg og borða allann pakkann þ.e. 4 stk. - verði mér að góðu!

[Hugarfluga, 20.3.2008 kl. 15:02]

Merkilegt þetta með páskaeggin. En hva ... sumir borði eitt og ekki annað. Þannig er það nú bara. Og blessuð konan þarna í greininni sem þú vitnar í. Þvílíkt og annað eins að þurfa að þjást svona. Ég fæ bara kökk í hálsinn yfir þessu. 

Knús á þig, Ragga mín. 

[Hrönn Sigurðardóttir, 20.3.2008 kl. 15:19]

Nú langar mig í kókosbollu............ Og kók með lakkrísröri

Páskaegg langar mig hinsvegar ekkert í - allavega ekki núna! Spurning hvað verður þegar Jóhannes í Bónus er búinn að loka og Páskadagur runninn upp........ 

[Jenný Anna Baldursdóttir, 20.3.2008 kl. 15:39]

Mig langar líka kókosbollu Hrönnsla en ég má það ekki.

Mér kæmi ekki á óvart að konan hafi tekið líf sitt eftir að úrskurðað var að hún fengi ekki að deyja líknardauða.  Er sammála systur þinni, mig verkjar undan samúð með vesalings konunni.  Þvílík örlög.´

Knús á nesið.