Óleyst ráðgáta

er hvers vegna fólk fremur sjálfsvíg. Ég er að horfa á frábærlega vel gerða mynd á Rúv, frásögn konu sem reynir að skilja hvers vegna bóndi hennar fellur fyrir eigin hendi.

Afar margt sem hún segir skil ég.

Samuel, ég sakna þín ekki segir hún. Þú hefur aldrei verið nær mér. Og ég sat og hugsaði. Himmi lifir í hjartanu á mér og er mér nærri hverja stund. Ég þarf aldrei lengur að óttast um hann, hann er alla tíð á vísum stað. Ég þarf ekki að blygðast mín fyrir gerðir hans, þær eru engar lengur.

Ég hef reynt að festast ekki í sorginni, ég tel mig hafa leyfi til að gleðjast. Ég á fjögur önnur börn, gleðigjafa. Ég á gott líf. Ég á heilmikla hamingju og ég má gleðjast. Það er engin ástæða fyrir mig að flytja í táradalinn þó ég hafi haft þar viðdvöl um hríð.

Mér ber að vera almennileg og láta gott af mér leiða. Það tekst þó misvel.

Mér ber ekki að ganga um með höfuðið undir væng og líta aldrei glaðan dag meir. Ég get ekki orðið föst í þjáningunni.

Þessi mynd er á frönsku- mikið er franska fallegt mál.

Nú akkurat lauk myndinni. Þá er best að éta skjaldkirtilspillurnar og gigtarpillurnar og reyna að fara að sofa.

Nýjasti bloggvinur minn hér er þessi ; www.keh.blog.is en þarna er Stjáni bróðir minn.

Athugasemdir

[Jóna Kolbrún Garðarsdóttir, 11.3.2010 kl. 00:29]

[Steingrímur Helgason, 11.3.2010 kl. 01:07]

*dúllz*

[Kidda, 11.3.2010 kl. 10:14]

Knús og klús

[Anna Einarsdóttir, 11.3.2010 kl. 11:00]

Fallegur hjartnæmur pistill.  Ég er ánægð með þig. 

[Christine Einarsson (IP-tala skráð) 11.3.2010 kl. 13:29]

Þú hefur svo sannarlega leyfi til að gleðjast elsku hjartans vinkona. Og hefur einnig margt til að gleðjast yfir.

Knús á þig

[Birna Dis Vilbertsdóttir (IP-tala skráð) 11.3.2010 kl. 14:53]

Þekki allt sem þú segir.Ég varð svo döpur er ég horfði á þáttinn.Þjáning mannsins var svo mikil.Þannig voru síðustu ár míns stráks.Gat bara horft stutt á þáttinn og finn enn fyrir depurð og sorg.En það fer og ég gleðst á nýjan leik.Faðmlag til þín

[Hrönn Sigurðardóttir, 11.3.2010 kl. 16:48]

Ég er líka ánægð með þig! Enda.... hvernig væri annað hægt?

Af hverju borðarðu skjaldkirtilspillur á kvöldin? Er það betra?

[Helga Magnúsdóttir, 11.3.2010 kl. 20:21]

Svo satt, svo satt.

[Sigrún Óskars, 11.3.2010 kl. 20:54]

þú orðar hlutina alltaf svo vel.

[Valdís Skúladóttir, 13.3.2010 kl. 22:46]

[Ragnheiður , 13.3.2010 kl. 22:53]

æj Hrönn..ég er alger sauður í að muna að taka pillur og hef tekið þær á þeim tíma sem ég er örugglega heima og það er auðvitað þegar ég er að gefa á garðann.

Núna var ég næstum búin að gleyma að taka þær enda svo hundlasin að það er alveg svakalegt ...

[Ragnheiður , 13.3.2010 kl. 22:54]

Takk öll fyrir innleggin, þið eruð yndi

[Ásthildur Cesil Þórðardóttir, 15.3.2010 kl. 09:08]

Missti af þessu.  En ég skil hvað þú ert að segja með Himma.  Ég hugsa það sama með minn.  Finn nærveru hans og finnst hann reyna að tala til mín þegar ég er langt niðri.  Ég held að okkur sé öllum ætlaður ákveðin tími hér.  Þegar hann er liðin, ekki fyrr og ekki seinna förum við.  Hvernig við gerum það skiptir ekki máli.  Heldur að við höfum afplánað okkar pligt og fáum að fara.  Ég hélt einhverntímann að svona inngrip frá eigin hendi væri eitthvað sem seinkaði ferli manns, en ég held það ekki lengur.  Ég held að við verðum að virða vilja þeirra sem kjósa þessa leið út. 

Knús á þig elsku Ragnheiður mín. 

[Kristján Hilmarsson, 17.3.2010 kl. 22:09]

Þú ert ótrúleg !