er það

ekki rétt hjá mér að nú hafa allir bankar fallið með þessu.

Eða sleppur sparisjóður strandamanna enn ?

Endilega ef einhver veit þetta með vissu

Ríkið yfirtekur Byr og Spkef

Ofstækið í allar áttir

og það hræðir mig.

Ég sá slitrur úr mynd sem sýnd var á stöð 2 fyrir fréttir í gær, í opinni dagskrá. Maður fer nú ekki að játa á sig áskrift þar opinberlega..tíhíhí

Ég á mína trú, trúi að ég hitti Himma aftur- einhvernveginn. Minn Guð er samt ekki svona óumburðarlyndur eins og þessi Guð þessarar fjölskyldu (most hated family in america- Westboro babtist church) Þeirra Guð er bara hreinlega vondur- illur.

Minn Guð er nú ekki að æsa sig yfir öllum sköpuðum hlutum, hommum fóstureyðingum og hvað það nú allt er sem fer í taugarnar á Guði þeirra sértrúarsafnaðarmanna.

Boðorðin eru hins vegar viðmiðunarlínurnar. En þau þurfa svosem ekki að fylgja trú. Þau og svipaðar reglur ættu einfaldlega að vera mannleg viðmið. Reglur um hegðun og framkomu við aðra. Ekki til að setja sig á háan hest eins og sumir í sértrúarsöfnuðum gera, þykjast voða góðir en það er bara á meðan þú ert sammála þeim í ofsanum- svo ertu bara ónýtt apparat ef þú vilt ekki ganga um afhausandi fólk sem er þó alltaf að reyna að leysa úr sínum aðstæðum.

Vonandi er þetta ekki of ruglingslegt og best að taka þetta að lokum saman í eina línu.

Ég er skíthrædd við ofsatrú !

Öskuskýið var heilög refsing

Já takk

ég er alveg til í að láta þessum eldgosum lokið, orðið meir en nóg.

Það er þegar orðið stórtjón á mörgum jörðum fyrir austan.

Vonandi hættir þetta og verður hægt að hefja uppbyggingu þarna á svæðinu.

Þið vitið að það er sagt að skoðanir séu eins og rassgöt, allir séu með þannig.

Í kvöld komst ég að því að ég má helst ekki hafa mína skoðun, ætli ég sé þá ekki með......? Jiminn farin í næsta spegil. Vill til að ég er orðin liðug eftir allt bröltið í ræktinni.

Syðri gígurinn er óvirkur

you ain´t seen nothing yet !

var einmitt ekki það sem við vildum heyra, aftur.

Mörg fyrirtæki lifa á ferðaþjónustunni og hafa hangið á horriminni í vetur í þeirri von að ferðamenn kæmu í sumar. Sérstaklega vegna þess að gjaldmiðillinn er hagstæður fyrir túristana nú um stundir.

En nei þá er tekið viðtal við forsetann!

Ég held ég hendi inn handklæðinu bara !!

Ég nenni ekki að fréttatengja en þið getið séð fréttina á www.visir.is og viðtal við Ernu hjá Ferðamálaráði eða hvað það nú heitir. Fréttin er með mynd af forseta Íslands...

Psst..hvenær á að kjósa næst í það embætti ?

Ég hef brugðist eins og aðrir

það eru fáir í þessu þjóðfélagi græðginnar sem héldu haus.

Í mörg ár kaus ég sjálfstæðisflokkinn, taldi mig vera að kjósa stöðugleika.

Ég naut þess að auðvelt var að fá bankalán.

Við erum nú í gömlu einbýlishúsi og eigum tvo bíla sem eru notaðir í vinnuna, bílarnir verða báðir tíu ára í desember.

Í einhverju varúðarkasti borgaði ég næstum alveg niður annan -nokkrum dögum áður en Himmi dó.

Það með átti ég ekki varasjóð til að borga útförina og tók yfirdrátt. Við erum enn með hann.

Í fyrsta skipti núna erum við að draga milli mánaða verulegar upphæðir skulda.

Mér sem þjóðfélagsþegni, bar að fylgjast betur með mínu umhverfi. Ég mátti vita að allt væri komið á yfirspan. Ég átti ekki endilega að treysta öðrum til að fylgjast með.

Ég svaf ekki alveg á verðinum, ég hef verið minnt á það að ég hélt því fram í vinnunni að þetta fólk ætti ekkert þessa peninga- þetta væru allt pappírsturnar. Þá var skellihlegið að mér.

Ég vil hinsvegar leggja fram mig í uppbygginguna. Ég er að hugsa um hvað sé best að gera og hef byrjað á að aftengja mig frá hrunfólkinu, hrunfólkið er þeir sem aldrei tala um annað né hugsa um annað. Ég mun forðast að lesa slík blogg.

Ég mun hinsvegar njóta þess að hlusta á uppbyggilegar -glaðar raddir sem vilja skapa leið áfram.

Mig langar að búa hér áfram en geti ég það ekki þá verður að hafa það. Að tapa peningum er ekki endalok alls. Það þarf að breyta hér ýmsu - ég hefði viljað að húsnæðislánin hefðu farið með í þrot bankanna.

Í mínu uppeldi þótti ekki fínt að vera fallít - þessu viðhorfi berst ég við að breyta og vil minna mig á að missi fólk ofan af sér þá er ekki endilega við það að sakast. Kerfishrun og forsendubrestur er ekki neinum að kenna, beinlínis. Ekki frekar en eldgosið sem virðist ætla að gera útaf við vinnuna mína.

Nú verður leiðin að liggja upp á við. Hrunbloggarar ættu að sjá sóma sinn í að telja kjark í sína þjóð, við höfum öll overdósað á svartsýni undanfarið .

Hetjurnar mínar eru bændur og íbúar fyrir austan. Hugur minn er hjá þeim.

Einn bóndinn tók sig til og fór að plægja, hann er ekki af baki dottinn og sýnir þarna að sama í hvaða aðstæðum maður er. Það er þó óþarfi að gefast upp.

Ég var óskaplega hreykin af þessum samlanda mínum áðan.

Nú er ég farin

 

Sé dansað á línunni

Hef nú setið með tölvuna mína í fanginu í rúman hálftíma og skoðað hinar og þessar frétta og bloggsafnsíður.

Bæði í gærkvöldi og í kvöld var ég að vinna þannig að ég fylgdist takmarkað með en reyni svona að drekka þetta í mig með hraði áður en ég fer að sofa.

Ég var að spá í áðan, ætli bloggarar þurfi almennt fræðslu um meiðyrðalöggjöf ? Sumir dansa alveg á línunni og eru jafnvel farnir yfir strikið í fúkyrðaflaumi.

Heldur fólk að það megi bara segja hvað sem er ? og hvernig sem er ?

Ja hérna...

Farin í draumaland, þar eru blóm og ský og sveppir ! eða eitthvað..

Veit ekki alveg

í hvora áttina ég á að fara í dag.

Í dag er ár síðan Alda mín, dindind, dó.

Í dag er líka afmælisdagur Steinars.

En ég verð að muna að ég hvíslaði í eyra hennar, hún rænulaus, að ef hún þyrfti þá mætti hún nota afmælisdaginn hans Steinars.

Alda var yndisleg. Mikið sakna ég hennar.

Ég er að hlusta á upplestur leikaranna í Borgarleikhúsinu. Þetta er snjallt hjá þeim.

Meðan ég var á brettinu

þá horfði ég og hlustaði á þessa menn tala og fréttamenn spyrja. Enn hef ég svosem ekki rekist á neitt sem kom mér á óvart en hló mig alveg máttlausa áðan þegar "fréttamaður" útvarps Sögu  spurði ábúðarmikill Kristínu Ástgeirsdóttur um meinta vanhæfni hennar og vinskap við ISG og fleira í þeim dúr. K.Á. var fljót að svara honum og benti honum kurteislega á að hann væri að rugla henni saman við nöfnu hennar Árnadóttur. Mér fannst ég heyra niðurbælt fliss í salnum.

Ég eignaðist rosa marga vini áðan enda átti ég lifrarpylsukepp, bæði Keli og kisurnar vildu ólmar fá bita. Svo var Keli að horfa hérna út stofumegin, ég sé að hann fer að ókyrrast mikið og urrrar. Þá er strákur þar að tala við Rómeó. Keli ætlaði alveg yfirum, einhver að taka hans kisustrák, það gekk ekki.

Og nú er smáfugl að gera grín að Rebba kisu, hann hoppar skríkjandi grein af grein og kisi litli kann ekkert á þetta.

En nú er það sturta og skella sér svo út að vinna. Vonandi verður heilsan til friðs núna, náði mér í magapest á laugardaginn og leið ekkert vel í gær

Fyrsta eintakið afhent

Nýjasti bloggvinur

minn má bara ekki segja orð þá er hann forsíðufrétt mbl hahaha. Nýbúin að bæta honum við enda maðurinn hafsjór af fróðleik um eldfjöll..!

Kristján bróðir segir það sem ég vildi segja um skýrsluna www.keh.blog.is

Farin að sofa....

gúdd næt.

(þetta var blogg í feisbúkk stíl)

Eldgosinu að ljúka?

í fortíð, framtíð og nútíð

hafa sporin legið í dag.

Fólk segir að maður eigi ekki að skeyta um fortíðina, hún sé liðin. Það er nokkuð til í því en hafi fólk áhuga á að læra og þroskast þá verður það að skoða fortíð sína öðru hvoru. Framtíðin er óskrifað blað og maður getur ekki ráðið hverjum staf sem þar skráist. En sumu ræður maður þó.

Stundum spái ég í hvort kom á undan, hænan eða eggið. Samhengið er þetta ; ég hef félagsfærni á við fisk -gullfisk í kúlu- og geri mér alveg grein fyrir því. Hef þ.a.l. afar takmarkaðan áhuga á fólki í sjálfu sér, það er betra í fjarlægð. Svona hef ég alltaf verið og hef stundum tekið smá aríur í að laga þetta en alltaf endað með að sárna við einhvern og bara farið á öryggissvæðið aftur og kann best við mig þar. Búin að læra að ég þarf engan nema mitt fólk og það er nóg. En hvort kom á undan, þessi félagslega fötlun eða eineltið í skólanum ? Ég hef gert upp marga kafla í lífinu, fyrirgefið eða verið fyrirgefið eftir hentugleikum en skólann hef ég aldrei gert upp.

Áðan var ég að hugsa um þetta og komst þá að því að ég man ekki hvað bekkjarfélagar mínir heita, ég myndi ekki þekkja þau. Er þá ekki tilgangslaust að vera sár út í skólann ? Kona sem ég kannaðist við bjó við hliðina á skólanum, ég fór tvisvar eða þrisvar til hennar. Fyrsta skiptið þorði ég ekki að horfa að skólanum, kíkti á hann í næsta skipti en stóð svo lengi og horfði á hann í þriðja sinnið. Þá var einhver farinn að stara á móti þannig að ég forðaði mér bara haha.

Um þetta leyti hef ég búið hér í sæta hverfinu mínu í 3 ár. Ég kann ofsalega vel við mig hér.

Fólk er að tala um þessa skýrslu sem á að koma á morgun. Ég hef ekki trú á að í henni verði neitt sem ekki hefur komið fram áður. Ég mun varla nenna að spá í hana. Ég er orðin leið á sporgöngumönnum kreppunnar. Ég vil áfram, ég á erindi við framtíðina, ekki kreppuna.

Ég held að ég hafi ekki ætlað að segja meira hér.

Ég er önnum kafin við að hreingera herbergið okkar Steinars - vorhreingerning.

Þið sem eruð vinir á Facebook, ég ætla að setja inn myndir þar af ástandi mála hér í morgun. Facebook síðan mín á að vera opin öllum þannig að þið hin getið leitað að mér þar :)