Það er ekki nóg

að hér hafi öllu verið riðið á svig og allt keyrt í kaf.

Það þarf enn að pukrast og fela og vesenast.

Það er allt í lagi - auðvitað ekki. Ég hef ákveðið að kjósa (ykkurvarðarekkiumþað) og ekkert sem þetta fólk segir og gerir kemur mér á óvart.

Þegar ég pikka þetta inn þá hlusta ég að ræðu Vilmundar Gylfasonar - og sakna hans gríðarlega.

Ég býst við spennandi kosningum í Reykjavík, það verður fjör að fylgjast með þessu

Miðað við kannanir þá mun Besti rúlla þessu upp.

Ég missti alveg úr slag í gær þegar ég horfði á myndbandið með mótmælendunum, myndbandið sem sannar að þingverði var ekki hrint á ofn - myndbandið sem SÝNIR að ekki er sagt satt, hver tilgangurinn er ...nú get ég ekki svarað. Átta prósent örorka - trygging í vinnunni - nei hvað veit maður. Mér finnst viðkomandi þingvörður hafa gert alvarlega skyssu og rétt væri að hann bættist í raðir atvinnulausra. Það hlýtur að vera hægt að velja einhvern annan úr þeim bunka sem er sæmilega heiðarlegur. Maður veit þó ekki - lengi má menn reyna og svo hef ég grun um að sótthreinsa þurfi húsið. Það gengur lygabrandur þarna ljósum logum um allt.

Það segi ég satt. Löggan hefði átt að snúa hinsegin í búsáhaldabyltingunni !

Njótið hvítasunnuhelgarinnar - það ætla ég að gera, af lífi og sál :)

Skýrsla um Álftanes birt eftir kosningar

lætur lítið yfir sér

eins og flestar fréttir sem geta leitt til einhvers verra. Ég er hrædd um að það brjótist út stríð milli þessara lands...get ekki sagt landa ! - sama landið ,bara sitthvor endinn .

Tundurskeyti grandaði skipinu

ohh ég vona það svo sannarlega

Eins og Fimmvörðuháls gosið var fallegt og í raun meinlaust umhverfislega séð - þá er þessi "ljótikall" grettinn og andstyggilegur. Það eru allir komnir með nóg og sér í lagi þeir sem búa við þetta

Gosvirkni hefur minnkað

sem betur fer ?

alveg finnst mér forkastanleg þessi hugsun að allt eigi að vera falt fyrir peninga. Auðlindirnar okkar eiga alls ekki og aldrei að vera seldar úr landi - sama hvaða álit fólk hefur á Íslandi þess fyrir utan.

Hvar er Sigríður í Brattholti nú ?

Hverjir skrifa undir samninga á sunnudögum ? Ég bara spyr !

Ég vil ekki hafa þetta !!!

(stafsetningarvilla leiðrétt)

„Sem betur fer ráða þeir ekki för í þessu máli"

ekki alltaf nægilegt

að fylgjast með heima. Ég vandaði mig við að kaupa og samþykkja bara leiki sem hentuðu viðkomandi aldri. Það gerði nú takmarkað gagn. Sumir fóru bara til einhvers vinar sem átti þá þennan leik sem mamman ekki samþykkti.

Heimilistölvan var svo höfð á almannafæri líka. Og mamman alltaf að kíkja hvað væri verið að gera. Áreiðanlega leiðinlegasta mamman í heiminum ...

 

Tölvuleikir barna: Foreldrar lítið meðvitaðir

fyrir öllu er

nú hægt að tryggja sig. Ég hefði kannski getað fengið tryggingu, krepputryggingu vegna minnkandi vinnu ? Ja.. kona spyr sig.

Ég hef svosem ekki mikla trú á að endurheimtur hjá þessum fyrrum hetjum Íslands verði miklar. En það næst mögulega eitthvað útúr þessari tryggingu.

Ég verð alltaf örlítið vonbetri um að hlutirnir lagist. Kannski ekki hjá mér persónulega en í þjóðfélaginu almennt. Ég er bæði einstaklingur og svo hluti af heild .

Riftun vegna 90 milljarða

ýmsar hugleiðingar

Þessi hefur verið í fréttum undanfarið, hann hagar sér svipað og aðrir menn í svipaðri stöðu og hann er í. Samúð mín liggur hjá fórnarlambi hans og að hafa hann svo áfram á hælunum hefur verið hrein skelfing. Hér er fréttin

Það er afar erfitt fyrir bændur að koma ekki lambfé út og þrengslin verða alveg gríðarleg. Það minnst tvöfaldast í húsunum og lömbin eru uppátækjasöm og prakkarar, erfitt að henda reiður á þeim ræflunum. Nú skil ég þetta með búfjársjúkdómalínurnar en mér finnst að það ætti að reyna að koma þessu fé burt þaðan, á ómengaða afrétti. Það mætti skoða rollurnar áður til að vera viss um að ekkert ami að neinni þeirra. Þetta eru vondar aðstæður hjá bændum og hér er sú frétt

Ragna dómsmálaráðherra talar um að fjölga dómurum, það er nú eitt og sér ekki nægilegt. Það vantar ritara og senditíkur með pappírana. Það er nú ekki nema 3 mínútna gangur milli héraðs og hæsta og þá geri ég ráð fyrir brekkunni upp Hverfisgötuna. Við svona verður ekki unað og hér er frétt sem vakti upp þessar pælingar

Rúv er að spara og endurvinnur af krafti gamlar upptökur. Nú um stundir les Indriði G. Þorsteinsson söguna "norðan við stríð" . Það er nú nokkuð langt síðan sá ágæti rithöfundur safnaðist til feðra sinna. En ég er sátt við þetta. Í eigu útvarpsins eru margar slíkar perlur og það er um að gera að endurnýta þær.

Af okkur hér er allt ágætt að frétta. Lífið gengur sinn vanagang nema auðvitað fjármálin í veseni eins og hjá ansi mörgum öðrum í þessu landi. Venjulega hef ég verið nokkuð vongóð um að þetta reddist en núna er ég alls ekki svo viss. Og óvissan er vond.

 

 

Höfum í huga

og verum dugleg að sýna samhug og reyna að hjálpa.

Sjá hérna

Litla vinkonan okkar allra...blessað barn.

Hæstiréttur birti ekki úrskurðinn

til að spilla ekki rannsóknarhagsmunum.

Mér er spurn, hvað er þá þessi frétt og hvaðan kemur hún ?

Og trúir einhver því í raun að Óskar fréttastjóri stöðvar 2 hafi ekki verið beittur þrýstingi ?

Vísa á blogg Egils Helgasonar til nánari skýringar.

Mál án hliðstæðu

Inga kennari

var jarðsett í dag, áreiðanlega að viðstöddu fjölmenni.

Hún var dásamlegur kennari. Hún fékk mig til að elska sögu, læra fingrasetningu í vélritun og skrautskrift. Hún kenndi mér líka að rétta úr mér :)

Hún var annar tveggja mikilla uppáhaldskennara.

Blessuð sé hjartans minning hennar Ingu.