Fór í fýlu!

Skýring hér :

Lopapeysur ófáanlegar í landinu

Handprjónaðar lopapeysur eru ófáanlegar hjá helstu framleiðendum landsins. Lítil endurnýjun í greininni og mikil söluaukning meðal ferðamanna skýrir skortinn.

Kona í Hveragerði komst að raun um þetta þegar hún ætlaði að kaupa lopapeysur til að selja í nýrri búð sem hún hyggst opna á næstunni. Hún hefur leitað víða en hvergi fást peysur. Á vegum Handprjónasambands Íslands prjóna vel á annað hundrað konur hundruð peysa á mánuði en það dugir ekki til.

Bryndís Eiríksdóttir framkvæmdastjóri sambandsins bendir á að gríðarleg söluaukning hafi orðið meðal ferðamanna. En að minnsta kosti 8500 peysur voru keyptar frá september í fyrra til janúar á þessu ári í þeim búðum sem selja eingöngu ullarvörur.

Langt yfir tíu þúsund peysur hafa þá líklega selst síðan í haust. Bryndís segir að konur í eldri kantinum sjái að mestu um framboð og endurnýjun í greininni sé ekki mikil, fólk sinni lítið prjónaskap nú til dags.

°°°°°°°°°°°°°°°°°°°°°°°°°°°°°°°°°°°°°

enn reyklaus og hef það fínt. Á á lager nokkrar peysur og það má hafa samband í emailum

Athugasemdir

[Ásdís Emilía Björgvinsdóttir (IP-tala skráð) 20.2.2009 kl. 21:32]

Já, skrýtið er þetta með lopapeysurnar!

Glæsilegt hjá þér með reykleysið, þú segist hafa það fínt, þá líður þér náttúrulega vel og ert ekkert á fremsta hlunni að byrja aftur - frábært!

Kær kveðja

[Hrönn Sigurðardóttir, 20.2.2009 kl. 21:40]

hahah "konur í eldri kantinum"

[Auður Proppé, 20.2.2009 kl. 22:13]

Ja hérna, ég ætti kannski að fara að prjóna lopapeysur á fleiri en fjölskylduna   Þú verður bara að prjóna hraðar Ragga mín.  Þú stendur þig frábærlega vel í reykleysinu mín kæra

[Jóna Kolbrún Garðarsdóttir, 20.2.2009 kl. 23:16]

Það eru yfir 15.000 manns atvinnulausir, kannski væri lausn fyrir einhverja þeirra að læra að prjóna.  Það er verst hvað tímakaupið við það er lélegt. 

[Jenný Anna Baldursdóttir, 20.2.2009 kl. 23:43]

Áfram í reykleysi með peysur á prjóninum.

Á maður að fara að fá sér lopa?  (sko peysu, ekki garn).

[Kidda (IP-tala skráð) 21.2.2009 kl. 11:17]

Gott hjá þér með reykleysið

Mér hefur skilist að ullin heilli alltaf túristana meira en aðrir listmunir, kannski vegna þess að ullarverkin eru ekki unnin á góðu tímakaupi. Það mætti nú alveg skoða það mál. Þegar ég var hérna um árið (langt síðan) að selja hjandverk í túristabúðum þá fékk ég 250kr á tímann þegar það var almennt 5-700 á tímann hjá lægst launuðu.

Knús og klús 

[Birna Dis Vilbertsdóttir (IP-tala skráð) 21.2.2009 kl. 12:54]

Ha????? ELDRI KANTINUM?????????????Ég prjóna peysurlopapeysur

[Guðríður Hrefna Haraldsdóttir, 21.2.2009 kl. 13:05]

Hahahahhahaah

[Linda Linnet Hilmarsdóttir, 21.2.2009 kl. 22:25]

Innlitskvitt og kveðjur:=)

[Sigrún Óskars, 21.2.2009 kl. 22:50]

ekki vera í fýlu - það eru ekki bara eldri konur sem sjá um að prjóna peysurnar, það eru líka ungar eins og þú

dugnaðarforkur ertu svona reyklaus - ég er stolt af þér

[Ía Jóhannsdóttir, 22.2.2009 kl. 10:50]