Þetta er algerlega undarlegt

Þessir kallar sitja bara og fabúlera í allar áttir, þeim að kenna ? Nei alls ekki sko ...meiri aularnir !

Á meðan það var góðæri þá dekraði ég aðeins við mig og sendi í þvottahús rúmfatnað heimilisins. Við fengum frá hreinsuninni sérstaka poka til að safna í og vorum með einn poka fullan hér heima, í herberginu hans Kela. Þar geymi ég ýmiskonar dót sem er ýmist á leið annað eða bara á ekki sinn stað eins og sakir standa. Og þarna var rúmfatapokinn.

Nú er kreppa og ég ákvað að gerast afar húsmóðurleg og þvo rúmföt og hengja á snúruna bakvið. Ég geri þetta áðan, svo tek ég seinni skammt úr vélinni og eitt nýjasta sængurverið er ekkert nema göt, misstór en afar óregluleg. Þá hefur skrattans músarhelvítisfávitabjánafíflið......*dreg að mér andann* nagað sængurverið mitt !!!!

Skrambinn !

Nú þarf ég að fara í Ikea og þangað hef ég ekki farið síðan þeir hækkuðu vörur að meðaltali um 25%..línið sem þeir nota í sængurfatnað er bara æðislegt..

Einhversstaðar úti í móa er músarfífl með hiksta frá helvíti...áreiðanlega á leið á Bessastaði. Þar hefur verið svo mikil umferð í tvo daga að músin hefur áreiðanlega tekið eftir því.

Svo til að skerpa aðeins á húsmóðurgenunum þá afþíddi ég frystiskápinn í dag, fór í verslanir og erindi í allar áttir og neita að fara í búðir aftur fyrr en í mars ...hvaða sauður fann upp búðir ? Oj..

Atlaga felldi íslenska kerfið

Athugasemdir

[Ásdís Sigurðardóttir, 27.1.2009 kl. 20:58]

Það er þá ekki kraftur í minni, skemmtilega saga af músinni þinni, kannski heldur hún vöku fyrir ÓRG með hikstanum í sér.  Hef ekki heldur farið í IKEA síðan allt hækkaði, utan einu sinni í hangikjöt með pabba gamla.  Kær kveðja til þín og þinna.

[Hrönn Sigurðardóttir, 27.1.2009 kl. 21:07]

Ég sé glitta í samsæri.......

Keli og músin hafa verið að plotta eitthvað og nú er hún farin á Bessastaði! Hvar er Keli?

[Anna Einarsdóttir, 27.1.2009 kl. 21:18]

Heldur þú að músarhelvítisfávitabjánafíflið hafi ekki bara verið étin af kattarrúsínudúlluskottinu ?

[Jóna Á. Gísladóttir, 27.1.2009 kl. 22:09]

hikk!

[Ragnheiður , 27.1.2009 kl. 22:47]

Hehe já finnst þér nokkuð Ásdís

Hrönn ; Keli er upp í rúmi, búinn að hugsa yfir sig í dag

Anna ; nei ég held að kvikindið hafi flúið áður (með sængurver í trýninu!), þær komast inn og út hérna, bjánarnir

Jóna; fáðu þér vatn addna

[Anna Margrét Bragadóttir, 27.1.2009 kl. 23:24]

Þetta er alls ekki gott ,þó ég verði að viðurkenna að ég gat ekki annað en helgið. 

Þetta er svona grát broslegt

[Ragnheiður , 28.1.2009 kl. 00:03]

Anna Margrét ; já það er þó alveg satt, súrsætt grín

[Guðmundur Ásgeirsson, 28.1.2009 kl. 00:49]

Talandi um samsæri, þá var Sigurður reyndar búinn að telja upp "lista yfir grunaða", svo ég ákvað að rannsaka málið sjálfur svolítið.