Takk kæri vísir, nú hló ég

Vísir, 20. okt. 2008 10:57

Áflogaseggur og málfarslögga á Akranesi

Lögreglan á Akranesi átti um helgina við áflogasegg sem væri kannski ekki í frásögur færandi nema fyrir íslenskuáhuga hans.

Maðurinn hafði verið áflogum við skemmtistað og hugðist lögregla koma honum heim til sín sökum ölvunar. Það gekk hins vegar ekki því hann neitaði að gefa upp nafn og heimilisfang. Hann var því látinn sofa úr sér í fangageymslu. Við yfirheyrslu daginn eftir kannaðist maðurinn svo ekkert við að hafa lent í átökum og var stórlega misboðið vegna afskipta lögreglu.

Hann neitaði síðan að undirrita framburðarskýrslu, þó ekki vegna þess að hann væri ósáttur við innihald hennar heldur vegna þess að að hans mati var greinamerkjasetning og notkun atviksorða röng í skýrslunni.

¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨

Ætli skemmtistaðurinn hafi slegið til baka ?¨

Fréttin var samt urrandi skemmtileg fyrir utan þessa "meintu" villu

Athugasemdir

[Hrönn Sigurðardóttir, 20.10.2008 kl. 11:29]

hehehe góður þessi!

[Einar Indriðason, 20.10.2008 kl. 11:38]

Fyrir nokkrum árum var frétt.  Fyrirsögnin var:  "Árekstur milli Laugarvatns og Apavatns."

(Hvort vatnið var í rétti?  Var biðskilda?  Hvernig var árekstrarskýrslan fyllt út?)

[Svanhildur Karlsdóttir, 20.10.2008 kl. 12:26]

Hehe já góður þessi

[Jenný Anna Baldursdóttir, 20.10.2008 kl. 13:08]

[Linda Linnet Hilmarsdóttir, 20.10.2008 kl. 13:43]

Knús á þig elsku Ragga mín

[Steingrímur Helgason, 20.10.2008 kl. 13:46]

Skrítnir skemmtistaðir skagamanna, lemja kúnnana ?

[Nanna Gunnarsdóttir (IP-tala skráð) 20.10.2008 kl. 16:42]

Þetta er bara ögn skemmtilegra en ungi fréttamaðurinn á RÚV sem sagði í fjögurfréttum í gær að lögreglumenn hefðu verið "yfirliði bornir" í slagsmálum í Hraunbænum í fyrrinótt. Við skulum nú bara rétt vona að þeir hafi ekki verið í yfirliði, blessaðir. Nóg er nú samt!