Ég held að ég hafi gert skammir

Mér sýnist að ég hafi farið alla leið heim með vestfirsku vegina ! Annars er ég ágæt, eina sem truflar mig er að ég hefði alveg verið til í að hendast beint vestur aftur. Sjúga í mig orkuna sem er fyrir vestan og hvíla mig, þvælast fyrir í sauðburði og áreita ættingjana langt fram á sumar hehehe.

Hérna koma myndir af skammarstrikinu.

Annars er Steinar svo búinn að mæla fyrir rúðunum í gluggana og hann er greinilega að búa sig í að fara að gera við hérna heima. Næsta mál er að færa hitaveitugrindina út í skúr en líklega þarf eitthvað að laga til í skúrnum áður. Kannski er Orkuveitan með einhvern pípulagningameistara sem þeir geta bent á. Það er frekar óheppilegt að vera lengi með vatnslaust hús ef enginn finnst til að tengja saman aftur.

Í dag á Gísli afmæli, hægt að skella afmæliskveðjum inn hjá konunni hans www.snar.blog.is

Svo ætla ég að koma með þetta myndband sem mér fannst ekki vilja virka um daginn...sem á að spila fyrir mig þegar ég er komin í kassann.

 

Athugasemdir

[Hrönn Sigurðardóttir, 13.5.2008 kl. 11:28]

Hrikalega flottir - kallarnir alltsvo - ekki vegirnir sem þú stalst.....

[Ragnheiður , 13.5.2008 kl. 11:30]

Já þeir eru sko flottir..óvenjuleg útgáfa af þessu lagi en flott. Ég bíð bara eftir að héraðssamband vestfjarða hringi í mig og skammi mig fyrir vegaþjófnað, ég ætti kannski að skila þessu bara beint í samgönguráðuneytið?

[Marta smarta, 13.5.2008 kl. 11:38]

Já þeir eru alltaf til fyrirmyndar á þessum tíma vestfirsku alparnir.  Húsbóndinn hér fór á Þingeyri (hans "klakstöðvar") í fermingar-uppákomur, ég ákvað hins vegar að sitja heima.

Hann kom semsagt með restina af vegunum á okkar bíl til baka, skildi þá (vegina)  svo eftir á þvottastöð í Borgarnesi.

Auðvitað ertu að vestan, nú skil ég hvers vegna er svona gaman að húmornum þínum.  Sjálf er ég frá Ísafirði.

[Ragnheiður , 13.5.2008 kl. 11:45]

Fyrir mörgum árum var yngsti bróðir mömmu sendur í Breiðavík, systur hans tvær fylgdu honum til eftirlits. Hann var svo vistaður hjá afbragðsfólki á Sellátranesi við Patreksfjörð. Systir hennar mömmu giftist bóndanum þar og þaðan koma vestfjarðatengslin mín, en hinsvegar gæti ég sem best verið að vestan sjálf. Ég er ekki eins hrifin af neinum stað eins og þessum fyrir vestan og gæti alveg hugsað mér að búa þar.

Ég er hinsvegar sjálf "bara auli að sunnan" hehehe

[Kidda (IP-tala skráð) 13.5.2008 kl. 11:52]

Takk fyrir að deila þessum gæsahúðarsöng með okkur. Margföld gæsahúð.

Held þú ættir bara að fara aftur vestur og skila vegarefninu. Taka langa viku í að skila efninu.

Það er eitthvað við vestfirðina sem laðar mann að þeim aftur og aftur, mitt uppáhalds landsvæði.

Knús og klús

[Heiður Þórunn Sverrisdóttir, 13.5.2008 kl. 13:27]

Frábær fæsla gaman að skoða þetta vegaefni sem ég þekki svo vel.

Já ég er alveg sammála þér þú ættir að skreppa og anda að þér meira af vestfisku lofti það er alveg eðal loft það þekki ég svo vel.

Kveðja til ykkar. 

[Ásdís Sigurðardóttir, 13.5.2008 kl. 15:22]

Þessir hjólbarðar minna mann á vegina fyrir norðan í den.  Hef aldrei heyrt þessa útgáfu, en maðurinn minn fær alveg hóla á handleggina af gæsum þegar hann hlustar á Sinatra vin sinn syngja þetta, vill láta spila það fyrir sig.

[Jenný Anna Baldursdóttir, 13.5.2008 kl. 15:32]

Frú Ragnheiður, ég sé ekkert að þessu dekki.  Enda ekki að marka, ég er bílablind.  Hehe.

Knús.

[Ragnheiður , 13.5.2008 kl. 15:44]

Hehehe Frú Jenný, dekkið er fullt af jarðvegi og svoleiðis á það ekki að vera hehe en ég veit, og ég veit líka að það er dagsatt. Þú ert bílablind.