Tilraun til að koma pistli, um alhæfingar, á "blað"

Fólk kemur með á facebook ýmsa tengla, bæði frá sjálfu sér og öðrum. Stutt er síðan ég las einhvern slíkan tengil og fjallaði hann um moggabloggið og hnignun þess. ,,"Flóttamennirnir" af M-bloggi fóru þar mikinn og sögðu að eftir að Davíð hefði tekið við væri sko Morgunblaðið ónýtt og bloggið þar með, þar væru ekkert nema hægriöfgamenn- stórhættulegt lið,,

Takk fyrir pent.

Við erum enn mörg hérna sem erum ekki æsingamenn að neinu leyti og skrifum yfirleitt ekki langa pistla um stjórnmál né hrunið. Morgunblaðið er að mínu mati enn besta blaðið sem gefið er út, með frábæru starfsfólki. Mér finnst ekki rétt að ætla að úthúða öllum þó fólk sé ekki hrifið af Davíð Oddssyni.

Fólk eins og ég hefur nánast orðið utanveltu- ég hef alveg mínar skoðanir á stjórnmálum og hruni en nenni ekki að deila þeim með öðrum. Til hvers ætti það að vera ? Skoðanir eru skoðanir- allir hafa þær. Sumir virðast hinsvegar fá eitthvað út úr því að troða sínum skoðunum ofan í aðra..

Sumir flóttamenn héðan hafa mikið fyrir að plögga síðuna sína og tengja í frá þessu eitraða M-bloggi. Það finnst mér afar spes. Er M-bloggið minna eitrað ef maður setur bara einn fjórða af blogginu sínu inn á ? Sleppur maður með helming ? Hvar eru mörkin ?

Mér leiðast mikið alhæfingar og mér leiðist líka óþarfa upphrópanir og hávaði út af litlu. Hvað ætlar fólk þá að segja lendi það í alvöru mannraunum ?

Mér er hollast að koma mér í að brjóta saman tauið -vinna framundan.

Athugasemdir

[Guðrún Emilía Guðnadóttir, 20.2.2010 kl. 13:51]

Flottur pistill hjá þér Ragga mín og ég tek svo sannarlega undir það að maður nennir ekki að vera troða sínum skoðunum um pólitík og annað rugl upp á aðra svo úr verði kannski leiðinda komment manni til handa.
Knús til þín

[Kidda, 20.2.2010 kl. 14:19]

Þakka pent líka fyrir að flokkast undir öfga hægri eitthvað. Stundum verð ég að blása út um hvað mér finnst um ástandið hérna en myndi seint kalla það hægri öfga eitthvað.

Það er fínt að vera hérna á moggablogginu hvað sem öðrum finnst um það. Ég fer ekki í burtu þó svo að DO sé ritstjóri moggans. Persónulega hef ég ekki þolað manninn í mörg ár, skki síðan hann var borgarstjóri og annar guttana minn spurði hvort hann héldi að hann væri Guð. 

Læt mér nægja að lesa mbl.is er hætt að nenna að lesa annað en það sem kemur á netið. Vildi helst losna við Fréttablaðið svo að pappírsúrgangurinn væri minni.

Knús og klús

[Margrét Birna Auðunsdóttir, 20.2.2010 kl. 22:48]

Það hefur alltaf virkað þveröfugt á mig þegar hópur manna er að hvetja mann til að gera eitthvað. Mér finnst DO alveg ömurlegur karakter en ég leiði hann bara hjá mér. Ég sé Moggann aldrei og Fréttablaðið berst ekki hingað til Egilsstaða svo að ég hef ekki annað en mbl.is og svo visir.is til að lesa fréttir. Bæði finnst mér óskaplega þunnt, sérstaklega mætti mbl.is vera skemmtilegra stundum. En ég færi aldrei að hætta að blogga hér bara fyrir einhvern hópþrýsting. Þetta er einfaldlega þægilegasta netsvæðið og DO átti ekki heiðurinn af því að koma því á fót

[Jóna Kolbrún Garðarsdóttir, 21.2.2010 kl. 02:17]

[Hrönn Sigurðardóttir, 21.2.2010 kl. 06:25]

Sammála þér! Ég hef alveg mínar skoðanir á pólitík og hruninu algjörlega án þess að vera hægri öfga eitthvað......

En fjárinn eigi það að ég nenni að lesa endalausar samsæriskenningar og láta troða ofan í mig skoðunum annarra daginn út og daginn inn! Það er líka svo skondið að hver og einn hefur algjörlega rétt fyrir sér - að eigin mati......

Allar þessar skoðanir og sannfæringar eru líka að æra óstöðuga og mér sýnist flóttafólk almennt vera búið að týna gleðigeninu.

[Helga Magnúsdóttir, 21.2.2010 kl. 20:34]

Þetta er alveg rétt hjá þér. Mér finnst DO síðasta sort en mér finnst bloggið mitt bara ekki nógu merkilegt til að halda að það myndi breyta einhverju ef  ég flytti mig um set.

[Steingrímur Helgason, 22.2.2010 kl. 01:18]

Við erum gjörzammála hérna um þetta, zem & annarztaðar & meira að zegja Hrönnzlan tekur undir.

& hún býr í ölfruzzandi Zelfozzzkríri, viljandi !

Við bloggum kát hérna áfram & látum ekki leiðindin fýla okkur frá !

[Hrönn Sigurðardóttir, 22.2.2010 kl. 09:12]

Viljandi..... Bíddu bara Steini litli þar til ég næ í skottið á þér!

[Guðrún Emilía Guðnadóttir, 22.2.2010 kl. 12:10]

Það er nú eins hjá okkur hér á Húsavík, við fáum ekki fréttablaðið, nema að kaupa það og það dettur mér ekki í hug þar sem það er frítt meira að segja á Akureyri, skömm að þessu.

Mér finnst nú selfoss flottur bær, ekkert að því að búa þar, er það ekki annars rétt?

Knús í daginn til ykkar allra

[Birna Dis Vilbertsdóttir (IP-tala skráð) 22.2.2010 kl. 21:50]

Ég er hér enn og er sammála þér með moggann.Ég er íhald en er ekki sátt við alla þar.Það væri óeðlilegt að vera sammála öllum .En ég hangi hér eins og þú og verð þangað til mér verður hent út.Stefni á að vera hér með sögur frá BergenÉg bý í vesturbænum og flutti þangað fyrir rúmum 3 vikum.Hef fengið 1 fréttablað eftir mörg símtöl.Tími ekki að eyða fleiri símtölum í svona blað.

[Brattur, 22.2.2010 kl. 21:55]

Ég held ég hafi aldrei áður verið kallaður hægri öfgamaður áður... veit ekki hvort ég á að hlægja eða gráta... ég held ég hlægi bara, það er skemmtilegra... en svo er ég líka stórhættulegur... úpps eins gott að ég mæti mér ekki í myrkri...

[Ásthildur Cesil Þórðardóttir, 23.2.2010 kl. 11:27]

ÉG er sammála þér og þeim sem hér skrifa.  Mér líður vel hér og sakna enskis.  Hér á ég góða yndæla vini.  'Eg nenni ekki að ergja mig á Dabba, nema ef honum skyldi láta sér detta í hug að loka blogginu. 

En ég er líka sammála því að það er ákveðin árátta fólks að reyna að fá fólk til að fylgja sér ef það ákveður að fara eitthvað.  Ég sé ekki að Eyjan sé hótinu betri en moggabloggið.  Og hér eru margir frábærir pennar, og allar skoðanir, rétt eins og á Eyjunni.  Svoleiðis er þetta bara.

[Sigrún Óskars, 26.2.2010 kl. 14:02]

góð