saltaustur,jarðskjálfti,tiltektir og sólskin, smá aulaháttur líka

Byrjum á saltinu. Hér kom Björn og var á leiðinni að taka bílprófið. Móðir hans fylgdi honum til dyra og henti saltlúku á eftir honum í heillaskyni ! Svo sjáum við hvort það virkar. Ég rak hann til að snúa baki í mig svo saltið færi nú ekki í glyrnurnar á honum, vitavonlaust að taka bílpróf tárvotur og hálfblindur.

Það kom jarðskjálfti og öll komment frá Hrönn líka svona út  augabrúnirnar hristust hérumbil af henni. Skjálftinn var upp á rúmlega 3 á richter en ég fann ekkert hérna megin. Á svo marga bloggvini hérna á milli okkar Hrannar að þeir hafa dempað höggið eins og oft áður.

Búin að eyða deginum í tiltektir, gasalega fínt hjá mér núna. Keli náði að setja ryksuguna sjálfur af stað áðan, hann þrammaði ofan á takkann og vegna þess að hann er svo klár (lappastór) þá ýtti hann líka á takkann sem sendir hana heim af sofa. Ryksugan fór bara smáhring í kringum Arnar vin hans Bjössa og háttaði sig svo aftur ofan í bæli.

Hér er Kelmundur fastur í keðju og viðrar sig í afburðagóðu veðri hérna á Nesinu. Lappi kemur inn og fer út eftir hentugleikum. Það er gat á girðingunni hérna að ofan verðu en Lappi veit að hann má ekki fara útfyrir og hann gerir það ekki. Kelmundur hinsvegar fer ekkert eftir reglum nema það henti honum sérlega vel og helst ef það er kaup í boði (hundanammi)

Ég sé á þessum síðuteljara að ég er auli. Er ekki lágmark að maður fylgist með þegar enn einn hundraðþúsundin eru lögð að baki? Jæja, það er greinilega ekki trendið á þessu bloggi. Hér er utanviðsig bloggari.

--------------------------------------------------------------------------------------------------------------

Obbz

búin að eyða stórfé og það er ekki komið hádegi, rats....Foringinn er áreiðanlega ekki að fylgjast með, hann er kominn í sumarfrí með öllum hinum litlu þingmönnunum ....Jenný sjaldan hitt naglann betur á höfuðið þegar hún talaði um Núllið í gær..ég held að þingið hafi ekki gert baun í bala í allan vetur !

En aftur að mínu persónulega rausi...

Ég var með handklæði í nokkrum gluggum í vetur og fékk lánaðan mann hér í vor til að kíkja á gluggana. Ég taldi sjálf að lekinn stafaði af slæmum frágangi glers sem er að öðru leyti ónýtt. Hann tók undir þá greiningu og við treystum áliti hans. Gluggarnir sjálfir eru semsagt ekki ónýtir. Í allan vetur hefur litla músin reynt að safna saman aurum til að eiga nú fyrir endurbótum á holunni sinni. Áðan borgaði ég glerið...jibbýskibbý...

Lárus hennar Öldu ætlar að vinna þetta fyrir okkur, hann getur nefnilega komið með allt sitt fólk með sér í það.

Ég verð gríðarlega glöð þegar ég verð komin með nýtt gler í húsið

Svo ætla ég að reyna að einbeita mér að því að gegna henni Millu minni á Húsavík (þar er einhver alfallegasta kirkja í heimi) og reyna að hvíla mig aðeins. Ég er svo gjörsamlega búin með orkuna, ég skil nú ekki þennan brandara !

Ég þarf samt að þurrka rykið af hérna og svoleiðis en það fer svo sem ekki neitt. Ekki þarf ég að spá í gólfin, hér sést ekki hundahár. Hohohoho..montrass.

Í kvöld verða haldnir tónleikar fyrir austan til styrktar Öldu. Mér datt í hug að við sem ekki komust á þá gætum kannski lagt inn hjá henni andvirði miðans ? Miðinn á að kosta 1000 krónur. Reikningsnúmerið hennar er fast hér í höfundarboxinu hjá mér.

Takk fyrir hrósið á hjartamúsina hennar ömmu sinnar. Hann vaknar brosandi og sofnar eins, rosalega geðgott og glatt smábarn. Hann er nánast alveg farinn að sitja einn og er kominn í skriðstellingar líka. Hann ætlar að vera fljótur til þessi elska. Á einni mynd sést glitta í tennurnar hans tvær sem hann er kominn með. Bara flottastur.

 

Meira myndaflóð og smá af Dindind

Það er svooooo gaman að monta sig af fallega ömmusnáðanum, hjartamúsinni hennar ömmusín sem kom eins og heilandi engill þegar amma átti voðalega bágt.

----------------------------------------------------------------------------------------------

Alda byrjar í lyfjameðferð á föstudaginn og hún er komin heim til sín í bili. Svo kemur í ljós hvernig henni gengur að vera heima. Ég vona það besta.

Ætti að vera bannað !!

Ég sjálfur skrapp að láta klippa mig og svo tók mamma mynd.....amma í yfirliði....ég er heimsmeistari í að vera sætastur !

28 maí 2008

Mér finnst ég vera suma daga heldur ómöguleg. Ég þarf heilmikla aukaorku þessa dagana og það er eitthvað í gangi núna, eitthvað dösuð. Ég er sem betur fer að verða búin að vinna skylduvinnuna mína þessa vikuna og það verður ágætt að hafa það að baki.

Eins og ég skrifaði í gær þá var erfitt að fara austur, hunderfitt. Samt ætla ég að fara austur bráðum aftur, ég ÆTLA að hitta Hrönn og Ásdísi og smíða mér jákvæðari ímynd af Selfossi.

Flesta daga er ég í afneitun, mér finnst hann enn vera inni fyrir austan og ég sé bara enn og aftur að bíða eftir að hann komi heim. Þetta er örugglega vont ástand en ég rata bara ekki út úr því alveg.

En jæja, þetta hlýtur að lagast-eða versna eða eitthvað. Ég kann ekkert á þetta &%)$(#

Ég veit bara að þessi spor eru andstyggð og það er enginn í heiminum öllum sem mér er nógu illa við til að óska viðkomandi þessara spora.

---------------------------------------------------

Dindind mín hittir krabbalækninn í dag og svo má hún prófa að fara heim, svo kemur í ljós hvort hún getur verið heima eða hvað. Mikið held ég að telpurnar hennar og Lalli verði ánægð að fá að hafa hana aðeins heima. Í dag fær hún að vita planið sem læknirinn er með, hvenær hún byrjar í lyfja og svoleiðis. Ég held að greiningin sé alveg komin á hreint en nú er bara verið að fara yfir árásartæknina á þetta.

Allar góðar óskir þigg ég fyrir þessa stelpu mína, sem alltaf hefur verið mér nærri, vinur minn og félagi í áraraðir. Alltaf eins og besta dóttir.

Smáferðalag

Fór á Selfoss í dag en sem betur fer bara rétt aðeins inn í bæinn, þarna á Toyota bílasöluna sem er í jaðri bæjarins.

Það var hunderfitt að fara á Selfoss..þangað hef ég ekki komið síðan eftir hádegi sunnudaginn 19 ágúst 2007 og þá í verulega vondum erindagjörðum.

Núna varð ég fegnust að komast þaðan enda á hraðferð, átti að mæta í vinnuna. Gerði samt ráðstafanir til að láta leysa mig af enda varð ég 10 mínútum of sein..það er skandall !

Núna eru Dindind og co komin með bílhró til að komast milli staða á..svoleiðis apparat var ekki til.

Gamli seigur er kominn heim aftur og bíður rólegur næsta verkefnis bara.

Langsætastur er 6 mánaða í dag.....

Ha ? Amma,sagðirðu eitthvað ?

Átti ég að lúlla ? Nenni því ekkert amma mín *bráðn*

Sko hornfirðingana !

Styrktartónleikar í íþróttahúsinu 29. maí

þriðjudagur, 27 maí 2008

Næstkomandi fimmtudagskvöld verður efnt til styrktartónleika í íþróttahúsinu á Höfn. Tónleikarnir hefjast kl. 20:00. Þar koma fram hornfirskir listamenn, með fjölbreytta dagskrá.  Það er von þeirra sem að þessum styrktartónleikum standa að sem allra flestir sjái sér fært að mæta og leggja þessu málefni lið.
Allur ágóði af tónleikunum rennur til Öldu Berglindar Þorvarðardóttur.

Þeir sem koma fram eru:

1. Kvennakór Hornafjarðar
2. Hilmar og fuglarnir
3. KUSK
4. Blásarakvartett
5. Vigil
6. Hulda Rós og Rökkurtríóið
7. Hljómsveit Gunnlaugs Þrastar
8. Stakir Jakar, félagar úr Karlakórnum Jökli
9. Atriði úr Rocky Horror
10. Parket
11. Sigríður Sif.

Kynnir er Björg Erlingsdóttir.
Aðgangseyrir er kr. 1000. Ekki er hægt að greiða með korti.
Gengið er inn um aðaldyr íþróttahússins.

Verkefnum fækkað og smábíltúr fyrirhugaður

Það var haldinn fundur í vinnunni minni í gær og ég sem gjaldkeri starfsmannafélagsins fékk lausn frá störfum að eigin ósk. Það var ansi kærkomið að fá að sleppa við þetta embætti sem ég tók við í maí 07. Þetta gekk ágætlega til að byrja með en svo fór ég í sumarleyfi, svo dó Himmi, svo var ég lengi ekki til í neitt áreiti og núna er Alda lasin, þannig að ég bað um að losna við þetta.

Fjúkk!

Steinar hinsvegar hélt áfram í sínu embætti en það á ekki að koma neitt niður á mér.

Í dag er fyrirhugaður bíltúr, ég þarf aðeins að aðstoða Öldu og Lalla. Bíllinn þeirra hrundi nefnilega og við það verður ekki unað eins og sakir standa. Þá er ekki um annað að gera en að bretta upp ermar og redda því. Lárus er búinn að finna annan bíl sem vonandi dugar til að komast milli Rvk og Selfoss. Þau hafa verið undanfarið á Höfðingjanum okkar, gamla voffanum sem ætlar að endast og endast, hann er rétt að skríða í 440.000 þúsund kílómetra og hann er bíllinn sem við tökum þegar við förum saman eitthvað utanbæjar. Traustur jaxl sem seiglast áfram.

Pósthólfið mitt gerir ekki annað en að fyllast af vöktunartilkynningum vegna bloggfærslna. Það er eitthvað hak sem maður á að taka úr þegar maður kommentar til að losna við þetta og ég gleymi því í annað hvert skipti. Mér finnst að þetta eigi að vera öfugt. Að maður geti sett hakið í ef maður vill fylgjast með athugasemdum á ákveðinni færslu.

Man ekki meira til að segja ykkur......

 

Afmæli í dag

Dindind á afmæli í dag. Í tilefni dagsins fékk hún að vera heima í dag og gista þar í nótt. Það er auðvitað mikil gleði, enda smátelpurnar hennar ofsalega beygðar yfir þessu mömmuleysi...skinnin litlu.

Ég veit ekki hvort eitthvað er að skila sér inn á söfnunarreikninginn hennar en vil endilega minna á hann. Það þarf ekki neitt stórt frá hverjum, bara smávegis og þá kemur þetta saman vel og fallega.

 

Elskuleg Alda mín

Til hamingju með afmælið elskan mín

Klús

Hin mamman þín

Ekki alveg í stuðinu núna

Tvær myndir af Himma sem eru nýkomnar til mín. Hann er svoddan prakkararófa....

Í kvöld fór Lalli með stelpurnar sínar heim á Selfoss. Hann kom við á óeirðabensínstöðinni við Rauðavatn. Þaðan komst hann ekki af stað strax aftur. Hann fann eina rófuna sína, Guðmundu,háskælandi í bílnum. Hún skilur ekki afhverju mamma getur ekki komið heim, þetta litla skinn. Mamma hefur alltaf verið heima með þær og nú kemur ekki mamma heim.

Skrapp aðeins til Öldu áðan og tók hjá henni þvottinn, Ragga amma þvær tauið og þess vegna er ég enn á fótum. Vélin var að klára og nú get ég sett í þurrkarann og hallað mér.

Andstyggilegur dagur á morgun, allt of mikið að gera hjá mér...dæs....

Takk fyrir allan stuðninginn elskurnar og góða nótt