Frú Pendúll

er auðvitað óttaleg dúlla en það vissuð þið auðvitað.

Ég sé að hér á Moggabloggi játar fólk eða neitar hvort það skrifaði undir Indefence- nú haldið þið áreiðanlega að ég ætli að gera eins en það er nú bara ekki til umræðu hér.

Hér hef ég verið á blárri línu í kvöld, það eru bara sum kvöld svona. Horft á Himmaskáp og talað við hann og kvartað þessi býsn yfir að hafa hann ekki. Nú hafa liðið 2 heil ár, allt árið 2008 og allt árið 2009 - sem hann tók engan þátt í með okkur hér sem elskuðum hann. Ég gekk aðeins um í Sóllandi, nýja duftreitnum fyrir neðan Perluna. Þar er Hjalti Hafsteinsson vinur minn jarðsettur. En hann var einn þeirra sem kvöddu á nýliðnu ári.

Annað sem fólk er að tjá sig um hér er Skaupið. Mér fannst það skemmtilegt. Allt saman.

Nýi besti vinur minn er Rómeó, hann veit að ég á harðfisk í boxi inn í ísskáp. Harðfiskurinn er að boxa við hangikjötið.

Jólin og áramótin liðu eins hratt og þau gera hjá svona gamlingjum eins og okkur Steinari. Jólin fóru í vinnu hjá mér, við borðuðum í vinnunni og Hjalti og Siggi borðuðu með okkur. Á jóladag þurfti ég ekki að mæta fyrr en klukkan 20 en á 2og 3ja í jólum vann ég heilar vaktir. Svo kom 2ja daga pása sem fór mest í að hvíla sig og svo voru það morgunvaktir milli áranna. Heilsan hefur hrekkt mig að undanförnu og ekkert lát á því, ég þrælast í vinnuna og bíð niðurstaðna úr rannsóknum. Þetta kemur allt í ljós seinna.

Ég strengi aldrei áramótaheit en ég lofaði þó sjálfri mér að á þessu ári, 2010, skyldi ég næra það sem gleður -og horfa á jákvæðar hliðar lífsins. Lífið er einfaldlega of stutt til að eyða því í svartsýni.

Gleðilegt ár elskurnar og takk fyrir yndisleg komment við næstu færslu við

Athugasemdir

[Valdís Skúladóttir, 3.1.2010 kl. 01:19]

[Jóhanna Magnúsdóttir, 3.1.2010 kl. 01:29]

Gleðilegt ár Ragga mín, gott að setja sig í girinn í upphafi árs og svo að hanga bara í honum.

[Rósa Aðalsteinsdóttir, 3.1.2010 kl. 01:42]

Sæl Ragnheiður mín

Gleðilegt nýtt ár. Þakka samfylgdina á blogginu.

Ragnheiður skrifar: "Ég strengi aldrei áramótaheit en ég lofaði þó sjálfri mér að á þessu ári, 2010, skyldi ég næra það sem gleður -og horfa á jákvæðar hliðar lífsins. Lífið er einfaldlega of stutt til að eyða því í svartsýni."

Mikið líst mér vel á þessi áform og ætla að hugleiða þetta fyrir sjálfa mig. Lífið er nefnilega stutt og við þurfum að njóta og njóta alls þess góða sem í boði er til að byggja okkur upp.

Guð veri með þér

Kær kveðja/Rósa

[Birna Dis Vilbertsdóttir (IP-tala skráð) 3.1.2010 kl. 01:48]

 já þú ert dúlla.Ég er líka búin að vera blú,áramótin voru erfið,en samt hef ég það gott og er svo rík að eiga svona góða vinkonu og samferðamann sem þú ert.

[Guðrún Emilía Guðnadóttir, 3.1.2010 kl. 10:34]

Elsku Ragga mín satt er að lífið er allt of stutt til að hugsa annað en í jákvæðar áttir og gera allt sem manni langar til, sko svo fremi sem maður hefur efni á.

Vona að þú verði betri á heilsunni þinni Dúllan mín

[Kidda, 3.1.2010 kl. 12:02]

Alveg sammála með skaupið, það var gott í ár.

En mér líst vel á þetta loforð sem þú gefur sjálfri þér í sambandi við 2010. Lífið er svo stutt að við þurfum að læra að njóta hverrar stundar.

Knús og klús

[Sigrún Óskars, 3.1.2010 kl. 12:17]

mér fannst skaupið gott - hló helling.

Í dagbókina mína skrifaði ég í upphafi árs 2010: jákvæðni og gleði - ætli þetta sé eitthvað Blikastígs-mottó??

Allavega sendi ég þér knús yfir

[Ásthildur Cesil Þórðardóttir, 3.1.2010 kl. 18:28]

Knús á þig Ragga mín og ég er alveg sammála þér með skaupið það var mjög gott.  Bestu kveðjur

[Hrönn Sigurðardóttir, 3.1.2010 kl. 18:57]

Skaupið var gott - ég hlæ alltaf meira eftir því sem ég sé það oftar.