gleymdi mér

ég má ekki loka hérna, var ég ekki búin að lofa ættingjum, vinum og kunningjum Himma að allir mættu taka myndir af honum hér ?

Þetta er heldur eiginlega ekki mitt blogg, þetta er meira hans blogg...eða já, þið skiljið sum og önnur ekki.

Ég ætlaði bara að skrifa meðan það væri vit í því, vitið er farið.

Að leiðarlokum fáið þið knús á alla heilu línuna, ég lofa ekki að ég sé hætt, ég lofa ekki að ég komi ekki aftur...en þið sem saknið Himmans okkar...hér er hliðarblogg sem heitir bók Hilmars - þar eru færslurnar síðan hann dó og eitthvað fram eftir árinu 2008..ég á eftir að sortera betur og sjá hvort eitthvað meira héðan eigi að fara þar yfir eða bara í glatkistuna.

Ég vil sérstaklega óska þeim alls hins besta sem hér hafa lesið, þeim bloggvinum sem eru hér ekki lengur óska ég alls hins besta (vissuð þið að hér voru rúmlega 300 bloggvinir þegar mest var ?)

Helgu Valdimarsdóttur bið ég sérstaklega afsökunar á að hafa afritað færslu hennar inn á facebook án hennar leyfis. Það var ekki flott hjá mér.

Fyrir nokkru stofnaði ég aðra síðu sem átti að vera meira svona fyrir mig persónulega, en ekki fyrir konuna sem var mammahansHimma... Verið velkomin að kíkja á hana...slóðin þangað er www.gledibankinn.blog.is

Aðrir sem eru móðgaðir við mig ..ég veit ekki hvað skal gera við þá...nú er ég eins og Geir..get svosem beðist afsökunar en það kemur ekki frá hjartanu enda veit ég ekki hvað ég ætti að hafa gert þeim svosem....

Farin á spítalann.

Athugasemdir

[Birna Dis Vilbertsdóttir (IP-tala skráð) 1.4.2009 kl. 19:50]

Þú ert yndi

[Guðrún unnur þórsdóttir, 1.4.2009 kl. 19:51]

knús og kram til þín Ragga mín

[Anna Einarsdóttir, 1.4.2009 kl. 20:03]

Engin leiðarlok kerla mín..... tek það ekki í mál.

Hef þá samband eftir öðrum leiðum. 

[Auður Proppé, 1.4.2009 kl. 20:05]

Elsku hjartans Ragga mín, þú ert yndisleg.

[Katla (IP-tala skráð) 1.4.2009 kl. 20:10]

Hafðu það gott Ragga mín og ég sendi þér fallegar kveðjur þín er sárt saknað kær kveðja.

[Guðrún Emilía Guðnadóttir, 1.4.2009 kl. 20:20]

Farðu vel með þig elsku Ragga mín og við sjáumst hressar er þú kemur aftur.
leifðu okkur vinum þínum að fylgjast með Öldu og þér elskuleg.
Milla.

[Jenný Anna Baldursdóttir, 1.4.2009 kl. 20:20]

Hm.. hvað skal segja?  Jú þú ræður þessu sjálf en þú getur frussað upp á það að ég sleppi þér ekki kelling.

[Ía Jóhannsdóttir, 1.4.2009 kl. 20:48]

Æ nei Ragga ekki loka við sem vorum rétt að kynnast. En auðvitað er þetta alfarið þín ákvörðun en vertu viss það koma margar kvartanir og þér ekki sleppt svo auðveldlega.  Knús inn í nóttina.

[Erna, 1.4.2009 kl. 20:51]

Knús Ragga mín, ég mun halda áfram að tendra ljós fyrir þig og þína

[Ragnheiður , 1.4.2009 kl. 21:16]

Takk elskurnar, ég kom frá Öldu núna..svipað ástand. Mig langar að biðja ykkur allar sem eina að kveikja ljós fyrir hana og telpurnar hennar þrjár og biðja þann sem þið trúið á að aðstoða Öldu og hennar fólk í þessum þrengingum og veikindum..

ég veit ekki hvað mér tekst að vera á morgun hér, ég er enn í vinnunni og get kíkt inn á meðan

[Hrönn Sigurðardóttir, 1.4.2009 kl. 21:33]

Ég kveikti ljós - eitt á hvern

[Auður Proppé, 1.4.2009 kl. 21:33]

Búin að kveikja á kerti hér við tölvuna mína og bið innilega fyrir Öldu og börnunum hennar Ragga mín.  Láttu mig líka vita ef þú vilt að ég fylgjist með kertasíðunni hans Himma.

[Ásdís Emilía Björgvinsdóttir (IP-tala skráð) 1.4.2009 kl. 22:18]

Kveiki á kertum inni á kertasíðunni hans Himma

[Helga Magnúsdóttir, 1.4.2009 kl. 22:27]

Þú ert gull og gersemi. Elti þig hvert sem þú ferð með færslurnar þínar.

[Ragnheiður , 1.4.2009 kl. 22:42]

Takk elskurnar...

Helga..vúhú...minns eigins stalker..kúl..Hef ekki átt svoleis lengi..best að æfa þá aðeins flóttaviðbragðið hehehe

[Ragnheiður , 1.4.2009 kl. 22:43]

Takk fyrir ljósin elskurnar mínar, ég ætla að segja henni frá þeim þegar ég fer á morgun. Ég veit að hún verður glöð.

[Anna Einarsdóttir, 1.4.2009 kl. 22:53]

Ljós hér líka.... 

[Jóna Kolbrún Garðarsdóttir, 2.4.2009 kl. 01:00]

Hér er líka ljós og fyrirbænir. 

[Einar Indriðason, 2.4.2009 kl. 08:04]

Ef þú getur ekki sagt eftirfarandi við þá sem eru móðgaðir, þá skal ég segja það fyrir þig.

Hey, þið , sem hafið móðgast:  "Þetta er bloggið hennar Röggu, og ef þið eruð ekki sáttir, þá megið þið fara út í móa og éta það sem úti frýs, sérstaklega núna þegar vorið er að koma og allt að bráðna!  Og hana nú!"

Svo færðu *KNÚS* bæði á þig og eins á Öldu.  Deildu þessu knúsi milli ykkar að eigin vali.

[Sigrún Jónsdóttir, 2.4.2009 kl. 12:28]

[egvania, 2.4.2009 kl. 13:41]

Neiiii, ekkert svona ég kom hingað inn til að skoða og biðja þig um bloggvináttu þú opnar auðvita aðra síðu og hefur yfirskriftina aðra.

En þú mátt ekki seyða þessari síðu ég á eftir að lesa svo margt hér um lífið.

[Linda Linnet Hilmarsdóttir, 2.4.2009 kl. 18:18]

Innlitskvitt og ljúfar notalegar kveðjur

[Jórunn Sigurbergsdóttir , 2.4.2009 kl. 21:11]

Knús á þig.

[Kristín Katla Árnadóttir, 5.4.2009 kl. 15:06]

Ljós til þín hugsa tiil þín.

[Sigrún Óskars, 7.4.2009 kl. 13:40]

knús til þín  

ertu alveg hætt að blogga??

[M, 8.4.2009 kl. 12:20]

[Kidda (IP-tala skráð) 9.4.2009 kl. 11:13]

Ragga mín viltu senda mér allar slóðir, ég tapaði öllu þegar talvan var mölvuð.

Knús á ykkur öll

[Rósa Aðalsteinsdóttir, 9.4.2009 kl. 15:52]

Sæl Ragga mín

Gleðilega páska.

Megi almáttugur Guð umvefja þig af kærleika sínum og einnig fyrir Öldu  og fyrir allri þinni fjölskyldu.

VIÐ ERUM SÁTTAR.

Guð blessi ykkur öll

Kær kveðja/Rósa

[Rósa Aðalsteinsdóttir, 9.4.2009 kl. 15:54]

Christian Glitter by www.christianglitter.com

[Ragnheiður , 9.4.2009 kl. 16:23]

Takk Rósa mín fyrir þessa fallegu mynd og ég ætla að taka undir það með þér, við erum sáttar og það mega allir sjá það.

Ég ætla að skreppa núna til hennar Öldu, maðurinn hennar er sko fertugur í dag og þau eru öll hér fyrir sunnan

[Ragnheiður , 11.4.2009 kl. 23:15]

Gleðilega páska

Ég ætla ekki að loka henni ..

Kær kveðja