Happy camper

Ég kom heim áðan, af kvöldvakt ....hvuttar voru farnir inn að sofa með "pabba". Ég stóðst ekki mátið að opna til að fá þau hugheilustu knús sem um getur.

Hann Keli minn verður alltaf svo hjartanlega glaður þegar ég kem heim. Hann endasendist horna á milli í húsinu, í taumlausri gleði. Klessir á allt sem fyrir verður og ber skottinu í restina.

Ég hef verið að taka hann í gegn með að flaðra og nú reynir þetta grey af öllum mætti að setjast bráðlega á rassinn, á tjúllaða rófu sem dinglast svo mikið til að lífsins ómögulegt er að sitja á henni.

Hann situr og ég beygi mig niður til hans, eldsnöggt sleikir hann mig í framan og æðir svo af stað í meiri víðavangsgleðihlaup.

Þið getið hæglega séð hann fyrir ykkur. Lokið augunum og hugsið um...........................Plútó !

Þeir eru ansi líkir.

(ég er annars enn að hlæja að Bjarna Harðar framsóknarmanni. Þessi Framsóknarflokkur þarf enga óvini, hann á þá sjálfur)

Athugasemdir

[Jóhanna Magnúsar- og Völudóttir , 11.11.2008 kl. 00:34]

Oh, hvað mig langar í voffa!

[Jóna Kolbrún Garðarsdóttir, 11.11.2008 kl. 00:45]

Minn hvutti er kurteis með eindæmum situr og bíður eftir klappi á kollinn svo eltir hann mann á röndum og vill fá meira klapp og smá samræður líka

[Guðrún Jóna Gunnarsdóttir, 11.11.2008 kl. 02:25]

Það er fátt sem toppar hundana okkar, það er á hreinu.  Þeir bregðast sjaldan og ást þeirra skilyrðislaus.

[Hrönn Sigurðardóttir, 11.11.2008 kl. 09:19]

Já ég þekki svona fögn!! Þau eru eitt það bezta.

[Sigrún Óskars, 11.11.2008 kl. 10:32]

já það er gaman þegar það er tekið svona á móti manni. Hundurinn sem við áttum fyrir mörgum árum hét Plútó og fagnaði okkur af lífi og sál - svo ég kannast við þessa tilfinningu.

knús yfir til þín  

[Birna Dis Vilbertsdóttir (IP-tala skráð) 11.11.2008 kl. 10:42]

800 grömminn lætur svona líka nema henni tekst ekki að skemma neitt með skottinu.Já hver þarf óvini með svona meðlimi hehehehehe.Ég elska hunda

[Inga María, 11.11.2008 kl. 16:08]

Minn ektakarl flaðrar svona upp um mig...enda með ofnæmi fyrir hundum og drulluhrædd við þá!

[Helga Magnúsdóttir, 11.11.2008 kl. 19:04]

Kisa mín kemur stundum til mín og leyfir mér náðarsamlegast að klappa sér. Fyllist stolti í hvert skipti því eins og þú veist eiga hundar húsbændur en kettir hafa þjóna.

[Jórunn Sigurbergsdóttir , 11.11.2008 kl. 20:12]

Það er nú fráært að fá svona móttökur.

[Tína, 11.11.2008 kl. 21:50]

Getur verið að hundurinn þinn sé bróðir tíkinnar minnar????? Hún er nákvæmlega eins. Þetta er bara ekki alveg jafn sniðugt þegar gesti ber að garði

[Kristín Katla Árnadóttir, 12.11.2008 kl. 10:47]

Svona er blessaðir hundarnir góðir.

[Anna Margrét Bragadóttir, 12.11.2008 kl. 21:12]

Það er aldrei leiðinlegt að koma heim þegar maður fær svona mótökur ;)

[Kidda (IP-tala skráð) 12.11.2008 kl. 21:59]

Mesta furða að skottin skuli ekki brotna í þessum hamgang við að bjóða okkur velkomin heim.

Knús og klús

[Jóna Á. Gísladóttir, 12.11.2008 kl. 23:07]

Jesús hvað ég þekki þessa ofvirkni vel hahaha. einmitt þetta þegar þeir reyna af veikum mætti að hafa hemil á sér... baaara krúttlegt

[Veraldarálfurinn (IP-tala skráð) 13.11.2008 kl. 11:23]

Vá! Fundust hundavinir á blogginu!

Þið eruð öll frábær. 

[Huld S. Ringsted, 13.11.2008 kl. 17:35]

Hahaha ég sé Kela (Plútó) alveg fyrir mér þegar mín 3 stykki fagna mér við heimkomu þá þarf ég stundum á öllum mínum styrk að halda svo að ég endi ekki kylliflöt á gólfinu en mikið ofsalega er nú gaman að láta taka svona á móti sér