Átakið ;hjólað í vinnuna

eða hvað það nú er varð nærri manni að bana á Vesturlandsvegi í gær. Ég er á bílaleigubíl þessa vikuna enda er verið að sjæna Bonzó minn sem alltaf á að vera fallegasti bíllinn á svæðinu. Við krakkarnir vorum á leið til Himma og erum að verða komin að Höfðabakkabrú, erum á Vesturlandsvegi. Inn í miðri bílaþvögunni birtist allt í einu eldri maður, á hjóli og gjörsamlega laus við að hafa hugmynd um lífshættuna sem hann var búinn að koma sér í. Hann hjólar á strikinu milli akreina, þar sem sumir eru að beygja til að komast upp á brúna og aðrir að reyna að komast áfram uppeftir. Shittt hvað mér brá en ég komst að því að það eru góðar bremsur á þessum bílaleigubíl. Ég sem sagt slapp við kallinn en Björn fylgdist með áfram og sá bíl eftir bíl nærri lenda á þeim gamla sem hjólaði í sínum eigin heimi, hjálmlaus og allt.

Við þrömmuðum labbitúr í garðinum og mér var orðið nóg boðið, ég fann hvern á fætur öðrum sem ég þekkti. Á litlu svæði eru 3 vinnufélagar, nei 5 voru þeir. Ég ætlaði að labba til hans Hauks hennar Birnu Dísar en bara fann hann ekki núna, ég hef alltaf fundið hann auðveldlega. Nú verð ég að fara fljótt aftur og finna hann Hauk, þetta gengur ekki hjá mér.

Ég hef ekki farið lengi í garðinn, einhvernveginn finnst mér Himmi ekki vera þar. Mér finnst hann vera hér hjá mér og öllu sínu fólki.

_____________________________________________________________

Ég var að skoða á netinu í gær, síðu frá framleiðanda ryksugunnar sem ég fékk mér. Fyrst einn karlrembubrandari í boði Bjössa.

Mamma ; við verðum að skíra hann eitthvað ? (róbottann)

Björn ; hann ? er þetta ekki hún ? Þetta er í húsverkunum !

Mamma ; Já.........(smáumhugsun) BJÖRN !!!

Hann flissaði sig auðvitað bláan yfir þessu-mamma lengi að fatta djókið

en hérna kemur snilldin sem ég fann á síðunni hjá róbottanum. Það er hægt að fá græju sem skúrar, eina sem tekur til í þakrennunum, eina súperöfluga sem ræður við smíða og bílaverkstæði og svo þessa hérna

róbot

Hrædd er ég um að hundarnir yrðu hissa á þessari. Keli brást við hinni í gær, hann horfði á hana og dinglaði skottinu og vældi og ýlfraði á hana. Hálfhræddur við hana en fullur af forvitni. Í morgun var hann miklu rólegri yfir þessu, rölti á eftir henni og fylgdist með henni af heilmiklum áhuga.

Ryksugan keyrði hinsvegar á rassinn á Lappa í gær og honum fannst það nú ekki mjög snjallt. Hann margfærði sig í morgun til að sleppa við þrælinn og varð mæðulegur á svipinn. Þeir eru báðir svakalega hræddir við venjulega ryksugu en ekki þessa. Hún er ágæt innan um hunda. Hún nær líka rosalega vel hundahárum og ég er alveg hissa á hversu duglegt aparat þetta er.

Nú langar mig í þessa sem skúrar en hún er enn ekki komin til Íslands. Hún hlýtur að fara að koma bráðum.

 

Athugasemdir

[Steinunn Ósk Steinarsdóttir, 20.5.2008 kl. 14:16]

Hvað kostar svona róbotaryksuga?  hljómar alveg ákaflega sniðugt!!!   Ég á reyndar ryksugu sem virkar og sama hvað ég reyni að drepa hana þá lifir hún endalaust! Lifði af framkvæmdirnar í Vogum þar sem við létum hana sjúga upp steinryk, nagla, spænir og ég veit ekki hvað og hvað en hún virkar ennþá þrátt fyrir illa meðferð. Mig langar nefnilega í nýja þessi er svo hræðilega hávær að það nær ekki nokkurri átt.

[Ragnheiður , 20.5.2008 kl. 14:43]

Þessi kostaði rúm 44000 og það er ekkert mikill hávaði í henni, minna en í venjulegri ryksugu

[Jenný Anna Baldursdóttir, 20.5.2008 kl. 14:56]

Ég vil svona ryksugu.  Er til græja sem fer í búðir og þvær glugga?

[Steinunn Ósk Steinarsdóttir, 20.5.2008 kl. 15:13]

hólí moððer off.....  Soldið dýr mar!! En örugglega þess virði, kaupi svona þegar ég verð búin að borga innréttinguna ;)

[Heiður Þórunn Sverrisdóttir, 20.5.2008 kl. 16:01]

Segi eins og Jenný ég vil svona þú verður bara að hlaupa til og setja græjuna í gang næst þegar Gísli á leið til þín .

Er sammála þér að stundum held ég að Himmi sé hjá sínu fólki og hann geti ekki verið kyrr frekar en hér hjá okkur.

Kveðja til ykkar og gaman að fá ykkur í kaffi í gærkvöldi.

p.s ég sendi þér mail í morgunn. 

[Jórunn Sigurbergsdóttir , 20.5.2008 kl. 17:33]

Gaman væri að eiga svona róbót ryksugu. En að hjóla hér út á götu, nei, ég hjóla bara sem gestur á göngugötum. Það gengur vel.

[Linda litla, 20.5.2008 kl. 17:49]

44,000... það er soldið dýrt (fyrir mig) en mér sýnnist hún vera þess virði, er með tvo ketti og fæ oft hunda í heimsókn. Mig langar í svona.... kannski á hún eftir að fara á eitthvað tilboð.. eða ég byrja bara að safna mér fyrir henni.

[Tiger, 20.5.2008 kl. 17:55]

  Uss uss .. ég þarf engan róbóta á mitt heimili - ég ræðst bara sjálfur á allan skít og ryk.

Hjólreiðafólk af eldri kantinum er oft ansi ómeðvitað í umferðinni, því er ver - enda viðbragðsflýtir ekki góður stundum hjá sumum. Um að gera að halda sig á réttum stað í umferðinni en ekki á miðjum vegum sko ... Knús á þig Ragnheiður mín og eigðu ljúfan dag!

[Ragnheiður , 20.5.2008 kl. 18:23]

Helv..var á tilboði um daginn á 33.000 og ég missti af því, það er hinsvegar til dýrari útgáfa sem kostar um 55.000

[Birna Dis Vilbertsdóttir (IP-tala skráð) 20.5.2008 kl. 18:50]

 Garðurinn breitist svo þegar kemur sumar .Verður svo fallegur.

[Ragnheiður , 20.5.2008 kl. 19:19]

Já Birna mín, ég finn Haukinn þinn næst þegar ég fer. Það er öruggt...fer bara ekki heim fyrr !

[Hrafnhildur Ýr Vilbertsdóttir, 20.5.2008 kl. 19:26]

Mig langar í svona róbót.....heyri ekkert nema gott af honum....

Ég verð fyrir sunnan um mánaðarmótin...fer örugglega og kíki á Haukinn minn kíki á Himma í leiðinni...finnst eins og ég þekki hann svolítið...

[Ragnheiður , 20.5.2008 kl. 20:06]

Já það skil ég vel, mér finnst ég þekkja Haukinn svo vel líka.