orkusparandi aðgerðir

eftir vinnuna. Ók heim í hreinum sparakstri og lagðist svo til öryggis í sófann, át afganga síðan í gær . Mikið rosalega held ég að Foringi Haarde sé sáttur við mig.

Annars er allt við það sama, ég hef mikið að gera um þessar mundir og tölvan er þá sett í kuldann.

Ég er annars alveg hugmyndalaus, ég ætti kannski að gleðja Foringjann og slökkva á öllu og fara að sofa ?

Mér hryllir náttúrlega við þessu máli á Selfossi og líka máli háskólakennarans. Ég skil ekki svona kalla með nokkru móti. Hinsvegar er ég enn afar efins um nafn og myndbirtingar meðan mál eru á rannsóknastigi. Sjáið til dæmið fréttaflutningana af þessum tveimur íslensku málum, annar maðurinn er settur framan á dagblöð og nafn hans stöðugt í umræðunni. Hinn er ekki nafngreindur enn og engin mynd af honum komin nema svona "blörruð" á forsíðunni.

Hvað veldur þessu misræmi ?

Nú skal það tekið fram, miðað við fréttir af málunum þá er mál þess blörraða mun alvarlegra en hitt.

Ég hallast ekki að myndbirtingum fyrr en dómur er fallinn !

En mikið djö fannst mér málflutningur lögmannsins lélegur, klína þessu á kvennabaráttuna. Andskotans auli er maðurinn að segja svona.

----------------------------------------------------------------------

Annað sem hefur verið hugsað um á þessu heimili er borgarstjórinn og liðið hans. Ég hlustaði á alla orðræðuna um daginn um skipulagstillöguna og ég skil ekki hvar er verið að mistúlka orð Ólafs ? Hann rífur niður þessa tillögu en hann sagði allt annað þegar tillagan vann á sínum tíma. Er það ekki að skipta um skoðun?

Svo verja Sjallagreyin hann af áfergju, bara til að halda völdum. Mér fannst málflutningur Gísla Marteins og Hönnu Birnu afskaplega lélegt yfirklór.

---------------------------------------------------------------------------------------

Um ríkisstjórnina ræði ég ekki, þvílíkt glatað lið að öllu leyti. 

Athugasemdir

[Ásdís Sigurðardóttir, 6.5.2008 kl. 21:24]

Góður pistill Ragga mín, ég held ég kvitti bara undir með þér, segir allt sem ég hefði viljað segja.  Kærleikur til þín

[Mummi Guð, 6.5.2008 kl. 21:40]

Það er stór munur á þessum málum að eini leyti. Háskólakennarinn er grunaður um að hafa misnotað börn sín. Með því að birta mynd af honum þá vita allir hver börnin eru.

Ég held að ástæðan fyrir því að hann er hvorki nafngreindur né birtar myndir af honum sé sú að það er verið að  reyna að vernda fórnarlömbin.

[Ragnheiður , 6.5.2008 kl. 21:43]

Mér var búið að detta það í hug Mummi. En hvað með fórnarlömb hins ? Þau fórnarlömb eru auðvitað ekki tengd eins og fórnarlömb hins....

Líklega er þetta samt skýringin, ég er til í að sættast á hana amk

[Guðrún B. (IP-tala skráð) 6.5.2008 kl. 22:56]

Tek undir heilshugar.  Þú ert frábær.

[Guðríður Hrefna Haraldsdóttir, 6.5.2008 kl. 23:04]

Algjörlega sammála þér, frú Ragnheiður. Í öllu! Tek þó undir orð Mumma því að börnunum þarf að hlífa, hafði ekki hugsað út í það fyrr.

Knús í bæinn.

[Ragnheiður , 6.5.2008 kl. 23:50]

Já svona er gott að eiga einn Mumma í horninu, hann kom með einu skýringuna sem ég get samþykkt en að hinu málinu þá er ég á móti nafnbirtingum þar til dómur fellur...

[Linda litla, 7.5.2008 kl. 01:04]

Góð færsla hjá þér og tek undirmeð þér.

Góða nótt Ragga mín og dreymi þig fagra drauma.

[Jóna Kolbrún Garðarsdóttir, 7.5.2008 kl. 02:03]

Mér finnst að myndbirtingu megi aðeins nota eftir að dómur er fallinn.  Ekki birta myndir af grunuðum mönnum/konum   Ég er sammála Mumma Guði, með börnin

[Guðrún Emilía Guðnadóttir, 7.5.2008 kl. 09:05]

Uss ég sötra bara teningasúpu og drekk vatn með, og minnstu nú ekki á aulabárðana í ríkisstjórn, eða trúðana í borgarstjórn að þessir menn skuli ná svona langt, nú bíðum við bara eftir slitunum.
                            Knús kveðjur
                              Milla.

[Hugarfluga, 7.5.2008 kl. 09:44]

Vel mælt, Ragnheiður!!

[Kristín Katla Árnadóttir, 7.5.2008 kl. 10:54]

Góður pistill Ragga mín

[Sigrún Óskars, 7.5.2008 kl. 12:23]

Ég er sammála ykkur varðandi það að nafngreina ekki fyrr en eftir dóm. Það er ósanngjarnt að nafngreina manninn á Selfossi og að hann gefi viðtal við sig í blöðunum finnst mér alveg út í hött. Það má tala við hann eftir dóminn - hvernig sem hann fer. En eitt finnst mér skrítið - af hverju þarf kirkjan eitthvað batterí sem tekur á kynferðisafbrotum? Eru leikskólar kannski með svona batterí eða einhver önnur stofnun?

Kveðja til þín Ragnheiður

[Tiger, 7.5.2008 kl. 15:31]

   Bara grátlegt að fylgjast með hverju nýðingsmálinu á fætur öðru koma upp á yfirborðið - þvílík illska að gera börnum eða minni máttar svona nokkuð.

Sammála með að myndbirtingar ættu aldrei að líðast fyrr en í fyrsta lagi eftir að dæmt hefur verið í málum. Hvert og eitt mál er auðvitað mismunandi og fara verður varkár með sum en önnur, en hlífa verður þó ætíð börnunum.

Vonandi mun borgarstjórinn ekki verða til þess að borgin tapi miklum fjármunum á meðan hann hringsnýst svona um sjálfan sig - því ekki er hann með neitt lið með sér, allir einhvern veginn sjálfir með sjálfum sér þarna í þessum meirihluta... knús á þig Ragnheiður mín og eigðu yndislegan dag!

[Valdimar Melrakki, 7.5.2008 kl. 17:30]

Mér fynnst að þegar það er búið að finna svona fólk sekt þá sé bara 1 dómur til fyrir þetta pakk og það sé að lóga þeim.

[Ragnheiður , 7.5.2008 kl. 18:07]

Sammála Sígrún, það er ekki til "fagráð leigubílstjóra gegn kynferðisbrotum" frekar en "fagráð hjúkrunarkvenna gegn kynferðisbrotum"

[Mummi Guð, 7.5.2008 kl. 20:47]