Fyndnir kallar

í miðjum mótmælunum í dag fór vindurinn úr mínum mönnum, þeim fannst þeir ekki rata um sína eigin borg og klóruðu sér mikið í hausnum yfir þessu. Þeir voru ekkert vissir hvernig þeir ættu að taka þessum ósköpum. Einum datt það snjallræði í hug að fara heim að sofa, ég hló svo mikið að það hrökk ofan í mig kaffið. Sólin skein glatt og ég sá kallana fyrir mér stórmóðgaða upp í bæli - í mótmælalegu. Það má nú breiða upp fyrir haus, sögðu þeir.

Hér er kominn lítill maður sem á að vera hjá ömmu sinni í nótt. Hann er að óþægðaðast og vill ekki fara að sofa. Hann skammaði ömmu í ræmur áðan og endaði með á að vekja mömmu sína sem var að reyna að leggja sig.

Nú er að sjá hvernig amma spjarar sig og hvort ömmu tekst að horfa á Gurrí sína í útsvarinu.

Farin í bili.

Athugasemdir

[Birna Dis Vilbertsdóttir (IP-tala skráð) 28.3.2008 kl. 20:22]

[Anna Einarsdóttir, 28.3.2008 kl. 20:53]

Kannski maður taki mótmælalegu, þeim til samlætis, fyrir hádegi á morgun.      Kysstu ömmugutta frá mér. 

[Heiður Þórunn Sverrisdóttir, 28.3.2008 kl. 21:09]

Mótmælalega frábært heheheh,

Knús til ykkar og á ömmustrákinn líka. 

[Jenný Anna Baldursdóttir, 28.3.2008 kl. 21:54]

Afhverju í ósköpunum sýna leigubílstjórar ekki samstöðu með hinum bílstjórunum og taka þátt eftir helgi?  Er engin stéttarvitund í gangi.  Helst vildi ég sjá ALLA taka þátt, einkabílana líka.  Hækkunin er gengdarlaus.

Knús á barnið.

[Ragnheiður , 28.3.2008 kl. 22:06]

Þeir gera það inn á milli en verða svo taugaveiklaðir hina mínútuna yfir því að sitja fastir í umferðarhnút með geðillan farþega sem verður að afhenda íbúðina sína við leiðarlok.

Mér skilst að það séu fyrirhuguð almenn mótmæli 4 apríl en það skýrist vonandi seinna.

[Huld S. Ringsted, 28.3.2008 kl. 22:34]

Knús til þín og ömmustráksins

[Ragnheiður , 28.3.2008 kl. 23:06]

Já flott mál, tek daginn frá. Það er þó ekki í fyrsta sinn sem ég tek þátt í mótmælaakstri gegn bensínverði en vonandi verður hlustað núna.

[Vally (IP-tala skráð) 28.3.2008 kl. 23:38]

Já þetta er flott hjá  bílstjórum.

Munið eftir þegar mótmælin voru fyrir mörgum árum og allir áttu að flauta  KL 19 30.

Haha ég er  með  einn ömmuprins og ömmuprinsessu  í nótt voða stuð  í kotinu

[Linda litla, 28.3.2008 kl. 23:46]

Mótmælalúr..... það líst mér vel á

Góða nótt

[Tiger, 29.3.2008 kl. 01:01]

Já - það væri nú miklu nær að almenningur hreinlega hætti að versla bensín í einn eða tvo daga. Skrílslæti í umferðinni og það að blokka helstu umferðagöturnar í bænum geta skapað stórhættu ef t.d. myndi kveikna í eða stórslys yrði.. þá kæmust sjúkra - og slökkvilið hvorki afturábak né áfram vegna stórra trukka um allt. Hætta bara að kaupa bensín - þannig virka almennileg mótmæli sem stóru kallarnir finna mest fyrir, enda eru þeir örugglega heima hjá sér núna að spila bridge og hlægjandi að heimskunni í alþýðunni sem ropar um allar götur sjálfum sér til ergelsis...