Gömul mistök endurtekin

Þegar Björn var lítill þá var hann áberandi rólegur og góður snáði. Hann er enn rólegur og góður en alls ekki lítill. Móðir hans endurtók í kvöld gömul mistök.

Þegar hann var lítill þá gleymdi ég honum í innkaupakerru í búð. Það var ekki fyrr en Solla hnippti í mig í bílnum og sagði : Mamma, en Bjössi ? að fyrirmyndarforeldrið áttaði sig og rauk inn og sótti snáðann sem sat hinn þægasti í kerrunni.

Í kvöld hringdi Björn í mig í vinnuna og bað mig um að sækja sig þegar ég væri á heimleið. Við Steinar vorum næstum komin heim þegar ég áttaði mig á raunveruleikanum........

Ooops I did it again

og við snerum við í ofboði og sóttum Bjössa. Á bakaleið meðgekk maðurinn minn að hann hefði verið að spá í að setja mig úr bílnum við Hrafnistu í Hafnarfirði (við snerum við hjá þeim afleggjara) en Björn taldi öll tormerki á að skilja móðurvesalinginn eftir þar og benti á notagildi téðrar móður í deild eldamennsku og hreingerninga.

Ó boj, ég er fegin að ég á þó inni það mörg prik hjá syninum að ég slapp við elliheimilið að þessu sinni.

Góða nótt

Athugasemdir

[Ásdís Sigurðardóttir, 24.3.2008 kl. 00:23]

Já, heppin varstu, Björninn elskar þig greinilega þrátt fyrir gleymsku ofl.   Þú verður að strjúka Steinari réttsælis svo hann fyrir gefi þér.  Knús á ykkur elskuleg.

[Ragnheiður , 24.3.2008 kl. 00:24]

Hehe já takk Ásdís mín, ég slapp með skrekkinn þarna.

[Anna Einarsdóttir, 24.3.2008 kl. 00:41]

Ahhhhhh........ óheppnir voru þeir á Hrafnistu núna.  Þeir hefðu haft svakalega gaman af að fá þig inn.  En það þarf víst að nota þig í eldhúsinu heima ..  ... a.m.k. fram yfir páska.  *dæs*

  Skemmtileg færsla.

[Elísabet Sóley Stefánsdóttir, 24.3.2008 kl. 00:42]

hehe gleðilega páska elsku vina

[Steingrímur Helgason, 24.3.2008 kl. 00:47]

Ég eldaði páskalambið heima hjá mömmu í kvöld, þannig að ég náttúrlega hefði tekið undir 'Dassssið' ...

[Brattur, 24.3.2008 kl. 00:54]

... þetta minnir mig á sögu af konu sem ég þekkti... hún átti mann og hjá þeim bjó nokkuð fullorðinn sonur... þau þvældust mikið um á bíl um landið... einu sinni fóru þau til Þingvalla og röltu um í góðu veðri. Héldu svo ferð sinni áfram í sumarbústað sem þau áttu á Þingvöllum, en úpps... feðgarnir gleymdu konu greyinu á Þingvöllum... 

...það var orðið frekar hvasst í henni þegar karlarnir mættu, heldur lúpulegir að sækja hann löngu seinna...

[Jóna Kolbrún Garðarsdóttir, 24.3.2008 kl. 01:06]

Ég hef oft þurft að telja börnin til þess að öll sem ég fór með, komi með heim  Ég man samt ekki eftir því að gleyma barni

[Birna Dis Vilbertsdóttir (IP-tala skráð) 24.3.2008 kl. 09:08]

[Helga skjol, 24.3.2008 kl. 11:03]

Frábær færsla hjá þér,eins og alltaf.

knús á þig 

[Hrönn Sigurðardóttir, 24.3.2008 kl. 11:27]

Heppin ertu Britney hvað Heimsljósið þitt er umburðarlyndur Bangsi

[Ragnheiður , 24.3.2008 kl. 11:30]

Hehe já ýmislegt fyrirgefur Björn...sem betur fer.

[Kristín Katla Árnadóttir, 24.3.2008 kl. 11:36]

Fékkst þú meilið frá mér Ragga mín.

[Sigrún Óskars, 24.3.2008 kl. 11:36]

Gott að þú mundir eftir honum áður en þú sofnaðir!

Hafðu það nú gott í dag, Ragnheiður.

[Ragnheiður , 24.3.2008 kl. 11:38]

Já Katla mín, ég fór að kíkja í pósthólfið mitt. Kærar þakkir.

Já segðu Sigrún, ég mundi þó eftir honum fyrir rest hehe

[Jenný Anna Baldursdóttir, 24.3.2008 kl. 11:52]

Þetta er matarástin Ragga mín sem liðið hefur á manni.  Ef ekki væri fyrir hana værum löngu komnar í spennitreyju.

[Kidda (IP-tala skráð) 24.3.2008 kl. 12:04]

Björnin er yndislegur

Knús og klús

[Hrafnhildur Ýr Vilbertsdóttir, 24.3.2008 kl. 13:35]

minnir mig á mitt eigið húsband.....hann man ekki alltaf hvort hann er að koma eða fara og hver er með í för.....

[Hugarfluga, 24.3.2008 kl. 14:06]

Hehehe, frábær færsla!

[Heiður Þórunn Sverrisdóttir, 24.3.2008 kl. 15:15]

Æj Bjössinn minn....ég er alveg sammála þér að Björn er rólegur og hefur alltaf verið mér datt bara eitt í hug til að bæta við þetta eins og hann sagði svo oft þegar hann var lítill þegar hann vildi eitthvað líka.....íííggggaaa..... en það vantar bara hans bassa tóní þetta....knús á ykkur Kveðja Heiður.