Jæja

Þá kom loksins nafn sem mér finnst dálítið flott, Úlftýr. Það er svona dulúðugt og stórt nafn. Hefði passað vel með nafni afa míns eða bróður hans. Þeir hétu Mýrkjartan og Elliðagrímur og áttu svo systur sem hét látlausu nafni, María. Hún lifði ekki lengi held ég. Þeir urðu gamlir kallar.

Nöfnin Ermenga og Úlftýr samþykkt

Athugasemdir

[Sigurður Hreiðar, 20.2.2012 kl. 11:07]

Hún hefði átt að heita Melkorka. Eða Megingerður. -- Sá í Íslendingabók að ein formóðir mín hét Skólastika. Afar feginn að það nafn hefur kulnað út.

[Margrét Birna Auðunsdóttir, 20.2.2012 kl. 12:08]

Einhver forfaðir minn hét Íkaboð, held að ég myndi ekki skíra það, Úlftýr er hinsvegar mjög töff, Úlftýr Elliðagrímsson eða Mýrkjartansson, barn með slíku nafni getur ekki annað en orðið mjög sérstakt Var langamma þín svona áhugasöm um fornkappana?

[Ásthildur Cesil Þórðardóttir, 20.2.2012 kl. 17:11]

Já þetta er á einhvern hátt stórt nafn. Annars legg ég til að þessi mannanafnanefnd verði lögð niður.  Ótrúlegt að þessi nefnd skuli vera ennþá starfandi árið 2012. 

[Ragnheiður , 21.2.2012 kl. 04:50]

Skil þig Sigurður hahaha

Bidda það hlýtur bara að hafa verið legið í fornsögunum á þeim bænum :)

Ásthildur, miðað við skrípin sem þeir hafna þá sýnist mér full þörf fyrir nefndina :D

[Ásthildur Cesil Þórðardóttir, 21.2.2012 kl. 12:53]

Já en skrípin sem þeir samþykkja?

[Ragnheiður , 21.2.2012 kl. 22:51]

Þau eru skárri finnst mér. Prufaðu bara að lesa það sem þeir eru að hafna :)

[Ásthildur Cesil Þórðardóttir, 22.2.2012 kl. 11:06]

Það er furðulegt að fólk skuli vilja bjóða börnunum sínum upp á einhverskonar fígúrunöfn,  hélt að fólki þætti yfirleitt vænt um börnin sín. 

[Ragnheiður , 22.2.2012 kl. 21:41]

Já sammála því :)

[Kidda, 23.2.2012 kl. 18:12]

Ég skil oft ekki nöfnin sem eru leyfð og svo ekki heldur sum sem eru bönnuð. Skilst að það kosti mann ekki mikið að breyta nafninu sínu og að það sé auðvelt að gera það.

Kannski eiga einhver börn eftir að breyta sínum á 18 ára afmælinu sínu, það er alla vega gott að þau hafi möguleikann á því að gera það.