Óheppileg tilviljun ?

MBL menn fjarlægðu myndbandið eftir að Steinar talaði við þá. Fyrir það er ég þakklát...

 

 

Ég veit það ekki- en ég er fokill yfir þessu. Þarna er eftirförin á eftir Himma heitnum. Ég hefði viljað að hann fengi að hvíla í sinni gröf í friði, einhverntímann !!

Athugasemdir

[Flosi Kristjánsson, 4.2.2010 kl. 21:41]

Enginn hefði vitað þetta hefði þú ekki minnst á það. Oft má satt kyrrt liggja.

[Ragnheiður , 4.2.2010 kl. 21:41]

við erum nokkuð mörg aðstandendur hans sem þekkjum

[Kidda, 4.2.2010 kl. 21:54]

Ég horfði á þetta tvisvar og var einhvern veginn vissum að ég tengdist þessu á einhvern hátt.

Skil þig vel að vera foxill, þeir hefðu alveg getað notað aðra mynd og það þá af einhverjum sem er lifandi. Skil líðan þína mjög vel elsku RAgga mín. 

Knús og klús

[Ragnheiður , 4.2.2010 kl. 21:56]

Það er einmitt lóðið- við erum mörg sem þekkjum og föttum hvað svo sem Flosi rausar. Og jafnvel þó það hefði bara verið ég, móðir hans, má endalaust troða á mér ? Og afhverju er það þá ?

Þetta særir hann ekkert, hann er látinn en þetta særir okkur, fólkið hans !

[Jóhanna Magnúsdóttir, 4.2.2010 kl. 21:57]

Fréttamaðurinn segir að ungi maðurinn hafi verið dæmdur o.fl., en ef fréttamaðurinn hefði unnið heimavinnuna sína til enda hefði hann kannski fundið það út að umræddur ungur maður væri látinn.

Mér finnst það lágmarks tillitssemi við ættingja að vera ekki að endursýna þetta myndband og mamman hefur allan rétt á að kvarta undan því. 

Ég trúi ekki öðru en að Flosi biðjist afsökunar á orðum sínum hér. 

Ef eitthvað mátti kyrrt liggja þá er það þetta myndband. 

Guð gefi látnum frið og líkn þeim sem lifa. 

Knús á þig Ragga mín.

[Ragnheiður , 4.2.2010 kl. 22:04]

Steinar minn náði viðtali við mann hjá MBL. Þeim til hróss þá sýna þér mömmuræflinum mikinn skilning og myndskeiðið er horfið.

Ég er þakklát fyrir það.

Ég er hinsvegar á því að umræða um slíkan glannaakstur sé þörf. En allra best væri ef notað væri myndskeið af ungmenni sem er lífs og allra best ef það væri ungmenni sem hefur snúið af villu síns vegar.

[Hrönn Sigurðardóttir, 4.2.2010 kl. 22:19]

Það er þá til einhvers að rausa um sannleikann

[Ragnheiður , 4.2.2010 kl. 22:23]

*sýna þeir mömmuræflinum* á að standa þarna. Afsakið, ég er ekki alveg með sjálfri mér.

[Kidda, 5.2.2010 kl. 09:03]

Hugsaði mikið um þetta þegar ég var að sofna. Sem betur fer vissi ég að Steinar hafði náð að stoppa þetta.

Svona eltingaleikur hefur verið það sem ég hef óttast einna mest þegar minn hefur farið héðan í vitlausu skapi og kannski dópaður að auki. En að löggan skapi þessa hættu vegna brots við að virða ekki stöðvunarskyldu er mér fyrirmunað að skilja. Þeir hljóta að hafa náð númmerinu og það hefði átt að nægja þeim. Ég fer ekki ofan af því að löggan átti sök á þessum akstri Himma.

En auðvitað þarf að ræða þessa eltingaleiki og þeir eiga á hverfisgötunni örugglega fullt af myndbrotum sem þeir geta sýnt af, held ég viti um 2-3 tilvik alla vega af ungum mönnum sem hafa reyndar ekkert lært af þessu.

Knús og klús

[Guðrún Emilía Guðnadóttir, 5.2.2010 kl. 09:39]

Kærleik til þín ljúfust
Milla

[Ragnheiður , 5.2.2010 kl. 18:16]

Takk fyrir innlegg ykkar

Kidda, ég fæ mig ekki til að kenna lögreglu um hvernig Himmi lét akkurat þarna. Hann tekur kolranga ákvörðun og bregst vitlaust við. Að kenna lögreglunni um að svolítið eins og að kenna bökunarplötunni um þegar maður brennir sig á henni. Sjálfur sagði hann mér eftir á að þetta hafi verið í eina skiptið sem lögreglumenn tóku eitthvað á honum og voru reiðir við hann.

Jóhanna mín, ég held að við búumst ekki við að maðurinn sjái né skilji hvað og hvar hann skrifar. Þú ert hinsvegar yndisleg og sérð það góða í fólki, þó það sé ekki þar :)

Ég var að spá í hvort ég ætti að fela þessa færslu en komst að því, að meira að segja hún á að standa hér áfram eins og allar hinar. Held að ég hafi aldrei fjarlægt nema eina færslu héðan, færði hinsvegar sumar á hitt bloggið hér, Bók Hilmars og svo eitthvað annað blogg sem ekki einusinni ég rata á..

[Kidda, 5.2.2010 kl. 18:43]

Ragga, þegar þeir sjá fram á að það gæt orðið hættulegur eltingaleikur þá eiga þeir ekki að ögra bílstjóranum. Þeir geta náð honum síðar, þeir hafa jú bílnúmmerið. AUðvitað tekur hann kolranga ákvörðun að virða ekki stövunarskyldu og stoppa ekki. En þessir bílastrákar hugsa sem svo að þeir ætli sér að stinga lögguna af. Minn hefur margoft sagt að þeir muni aldrei ná honum lifandi sama fyrir hvaða brot hann hefur framið og ég trúi honum. Minn var heppinn að þeir týndu honum árið 2007, ef þeir hefðu náð að elta hann á útopnu er ekki víst að hann útúrruglaður hefði verið hérna í dag. Hann var þá búinn að vera að keyra út fyrir, yfir hringtorg og fleira. Og í æstu skapi. Það þarf að stoppa þá en ekki færa þetta í eltingaleik, leik sem flestir bílastrákar fá kikk út úr því jafnt sem sumar löggurnar eða ökumennirnir. Það er eitt gott við bensínhækkunina, hraðskreiðu bílarnir eyða svo miklu að það kostar mikið að leika sér á þeim.

Knús og klús

[Ragnheiður , 5.2.2010 kl. 18:45]

Já þeir verða að meta þetta. Ég man eftir máli fyrir nokkrum árum, þá  hætti lögregla eftirför og fékk á sig mikla gagnrýni.

Ég myndi ekki vilja vera í þeim sporum að taka einhverja svona ákvörðun

[Jenný Anna Baldursdóttir, 5.2.2010 kl. 21:34]

[Birna Dis Vilbertsdóttir (IP-tala skráð) 6.2.2010 kl. 11:44]