skordýrafræðingur !

eða eitthvað.

Hvað er að birkitré sem verður svona ?

Þetta er eins og eftir spuna, þegar verst lét þá var ekki grænt blað á trjánum hér. Svo hreinsaðist þetta af og trén eru ágæt nú. Mér dettur í hug einhverskonar fiðrildalirfur ?

Athugasemdir

[Ásdís Sigurðardóttir, 31.7.2009 kl. 19:08]

Er þetta ekki ryðsveppur sem leggst á ýmsan gróður? mér dettur það helst í hug.

[Ásthildur Cesil Þórðardóttir, 31.7.2009 kl. 19:10]

Já Ragnheiður mín þetta eru fiðrildalirfur sennilega haustfeti.   Hann vefur sig inn í blöðin og étur þau svo í rólegheitum ótruflaður.  En það er hægt að nota permasect á hann, það er eitur og má alls ekki fara í niðurföll eða vötn, þar sem það er algjört skaðræði í vatnsríkinu drepur öll dýr með kalt blóð.  Það er hálf kerfisvirkt og situr lengi á blöðunum, þannig að það virkar vel.  En annars er alltaf best að hafa plönturnar í góðu ástandi, þá hrinda þær betur af sér svona ásókn, vökva vel og bera á helst reglulega í maí júní og fram til 15 júlí, eftir það er má ekki bera áburð á, vegna þess að upp úr því fara plönturnar að vetra sig og ljúka vexti.  Þú getur samt bjargað heilmiklu með því að láta liggja vatn á plöntunni.  Þó það rigni svolítið, þá gerir það sára lítið ef jarðvegurinn er orðin þurr.  Þú getur líka bjargað heilmiklu með því að nota grænsápu snemmsumars, það þarf að nota þessa sem er ekki blönduð út, og blandan má vera sterk, grænsápan setur húð yfir brumin, svo dýrin komast ekki eins greitt út til að valda skaða. 

[Sigrún Óskars, 31.7.2009 kl. 23:26]

þetta hefur líka komið í mín tré - en ég opna blöðin og gef  þessum lifrum "selbita" - svo spúla ég þau reglulega. Ég hef ekkert eitrað þetta árið, en venjulega þá eitra ég sjálf eða fæ mann sem gerir þetta á "nóinu"

[Jóna Kolbrún Garðarsdóttir, 1.8.2009 kl. 00:43]

Ég eitra aldrei í mínum garði, Birkið mitt hefur aldrei litið svona illa út. 

[Ragnheiður , 1.8.2009 kl. 14:58]

þetta kom ekki í fyrra né hittifyrra, þess vegna var ég að spyrja. Núna eru trén gullfalleg og ekkert að þeim enda lirfan farin burtu. Ég vil helst ekki eitra í garðinum.

Takk fyrir innlegg allir, ráð og álit