ég var að koma úr jarðarför

sem sló öll met í mínum huga. Hún var svo gjörsamlega sniðin að hinum látna, Hjalta Hafsteinssyni vini mínum og þá meina ég vini. Við erum að tala um rallýbíla fyrir utan, flotta athöfn sem sr Pétur í Óháða stýrði...svo kom rúsínan í pylsuendanum. Í minningu vinar okkar allra ók líkbíllinn fyrstur gamla rallýslóð sem liggur gegnum Öskjuhlíðina, rallýbílar fylgdu og áreiðanlega synir hans í þeim fyrsta, svo skröltum við öll hin niðureftir og okkur var fyrirskipað að gefa í og láta helst spóla á leið okkar að hótel Loftleiðum. Karlarnir sem stóðu á þakinu á háskólabyggingunni horfðu hissa á þessa undarlegu hersingu.

Þetta var bara snilld !

Hjalta vin minn kveð ég með sorg í hjarta. Ég hitti hann laugardaginn fyrir veikindin sem skullu á honum á mánudeginum, hann knúsaði vin sinn og á því lifi ég nú. Tónlistin í kirkjunni var frábær, Þursaflokkurinn og Ellen og KK...ég sat uppi og langaftast og tárin láku.

En ef allir sem Hjalti gerði greiða í gegnum árin hefðu mætt þá hefði þurft nokkrum sinnum stærri kirkju undir mannfjöldann.

Ég horfði í kringum mig í erfidrykkjunni og hugsaði með mér ; Innan um þessa kalla ætti hann Hjalti að vera sjálfur..

Guð geymi þig hjartans vinur og styrki Dísu og krakkana...Minning þín lifir með okkur, gömlum félögum og vinum.

Athugasemdir

[Ásdís Sigurðardóttir, 14.7.2009 kl. 16:37]

og nú ertu komin í 1999939

[Ásdís Sigurðardóttir, 14.7.2009 kl. 18:08]

1999976 farin út að fá mér fisk.

[ég sjálf (IP-tala skráð) 14.7.2009 kl. 18:42]

ég sjálf 1,999,988

[Anna Einarsdóttir, 14.7.2009 kl. 18:49]

Samúðarkveðjur. 

[Anna Einarsdóttir, 14.7.2009 kl. 18:51]

Frá upphafi: 2000007

[Ragnheiður , 14.7.2009 kl. 18:58]

og núna er það þotið í ooo25..frábært Anna mín, þú komst næst þessu !

[Ásdís Sigurðardóttir, 14.7.2009 kl. 19:07]

Búin að borða  2000029 til hamingju.

[Linda Linnet Hilmarsdóttir, 15.7.2009 kl. 00:38]

Knús og kossar og ljúfur faðmur....:O)

 No 2000377..:O)

[Sigrún Jónsdóttir, 15.7.2009 kl. 01:56]

[Birna Dis Vilbertsdóttir (IP-tala skráð) 15.7.2009 kl. 11:01]

Snilld.Það á að vera partý þegar ég fer heim til míns stráks.Jarðaför er ávallt sorgleg stund en það er hægt að gera svona kveðjustundir magnaðar með einmitt svona rúnti.Það verður erfitt að flytja mig á mótorfáki til grafar en það má rúnta á þeim á eftir bílnum mínum. Ég votta öllum samúð mína.

[Jóhanna Magnúsar- og Völudóttir , 15.7.2009 kl. 11:16]

Ég er búin að panta Dancing Queen í mína útför! Já, já..

[Einar Indriðason, 15.7.2009 kl. 13:07]

*Knús* !!

[Rósa Aðalsteinsdóttir, 18.7.2009 kl. 23:03]

Sæl og blessuð

Þetta hefur verið jarðarfjör en ekki jarðarför. Séra Pétur er mjög skemmtilegur náungi og get ég ímyndað mér að hann hafi getað létt hug þeirra sem voru að kveðja með einhverjum skemmtilegum atvikum úr lífi vinar ykkar sem þið voruð að kveðja.

Guð veri með þér kæra vinkona

Kær kveðja/Rósa