Heiða er öflug

og miðað við svipinn á henni þarna þá efast ég um að lögreglumaðurinn sé með nógu há laun! Það þyrftu að vera til margar fleiri Heiður.....

Annars er ég að spá í geðheilsu formanns Framsóknarflokksins...hann öskrar og argar úr ræðustól Alþingis, sturlaður úr reiði.

Hvenær hefur reiði leyst nokkurn skapaðan hlut ?

Farin að fá mér fisk, með kettinum

Honum finnst ég flottust núna, hann fékk smá hráan fisk áðan....nú liggur hann á saumavélinni hennar mömmu heitinnar og horfir á mig ástaraugum....svoooooo góður strákur segir hann

Nokkrir handteknir

Athugasemdir

[Ásdís Sigurðardóttir, 15.6.2009 kl. 19:46]

 Hún mætir allavegana, ég get víst ekki montað mig að því.

[Já einmitt sko (IP-tala skráð) 15.6.2009 kl. 20:03]

Thjódin vaeri ekki med allt nidrum sig ef fólk nennti ad hugsa svolítid.  Í raenuleysi sínu kaus fólkid spillingarflokkinn og framsóknarspillinguna aftur og aftur thrátt fyrir fáránlega kvótakerfid sem grafid hefur undan sidferdi thjódarinnar og ad endingu gert thjódina gjaldthrota.

Fólk eins og H.B.H. thorir ad koma skodun sinni á framfaeri thótt nú sé sennilega of seint í rassinn gripid thví sennilega eru raenulausir íslendingar neyddir til thess ad samthykkja eitthvad sem er theim mjög á móti skapi.  En thad voru íslendingar sjálfir sem komu sér í thessa slaemu stödu med raenuleysi sínu.

[Jóna Kolbrún Garðarsdóttir, 15.6.2009 kl. 20:20]

Við sem mættum á mótmælin í dag, vorum allt of fá. 

[Jenný Anna Baldursdóttir, 15.6.2009 kl. 20:47]

Heiðan er krútt.

En ég fékk alveg hland fyrir hjartað þegar Bjartsýnisformaðurinn trylltist í ræðustólnum.

Vó hvað ég vildi ekki vera gift svona ofstopamanni.

[Ragnheiður , 15.6.2009 kl. 23:28]

Jenný, grínlaust fannst mér ég þurfa að þurrka af sjónvarpinu, mér fannst hann vera búinn að frussa á það allt

Heiða er mesta mótmælakrúttið

[Guðmundur Gunnarsson (IP-tala skráð) 16.6.2009 kl. 00:55]

Sæl.

Því miður virðast þessir 32.000 aðilar sem hafa skráð sig á móti Icesave samningnum vera búin að missa alla trú á að getað haft nokkur áhrif á stjórnvöld og þingheim til að forða þeim frá landráðinu. Hugsanlega er það offramboð af fréttum af glæpahyskinu, spilltum embættismönnum og myrkraverkum þeirra sem hefur skollið yfir þjóðin látlaust seinustu vikurnar sem lamar fólk og fyllir það vonleysi og framtaksleysi? Búin að gefast upp? Stundum virðist eins og fjölmiðlar gangi sérstaklega erinda þeirra sem hafað skammtað þeim nýjum “skúbbum” til að draga athyglina frá ruglinu í þeim sjálfum.

Því miður var mætingin á Austurvöll ekki góð. Samt var nokkuð harður hópur sem settist á götuna fyrir framan Alþingishúsið og lögreglan fjarlægði þau með valdi og væntalega upp á lögreglustöð.  Umferðin var engin.  Einnig segja fréttir útvarps að einhverju hafi verið grýtt í Alþingishúsið að sögn lögreglu.  Einhverjir unglingar hentu nokkrum vatnsblöðrum eins og börn nota til leikja.  Aðgerðir yfirvalda voru fullkomlega óþarfar og í engu samhengi við aðstæður að mínu viti, og einungis til þess fallnar að hleypa mótmælunum í óþarfa hörku og þá ekki síður af mótmælendunum frekar en yfirvalda.  Aðeins einn póstbíll vildi nýta sér veginn á þeim tíma sem setuverkfallið stóð, og bílstjórinn lagði bílnum og hljóp með pinkil yfir Austurvöll til viðtakanda án nokkurs drama.  Málið dautt.

Mótmælin á morgun hefjast um kl. 16.30 og það er hæpið að við sem höfum mætt á hverjum degi getum mótmælt fyrir ykkur öll og fjölskyldurnar sem og ófædda afkomendur. Við erum öll að vilja gerð, en því miður dugar þessi litli hópur varla. Betur má ef duga skal.

[Enn einn Íslendingurinn (IP-tala skráð) 16.6.2009 kl. 03:50]

Ég veit ekki hvort ég eigi að vera sammála eða móti IceSave samningnum. Það er svo margt sem þarf að skoða.

Eitt er auðvitað að þetta er GÍFURLEG upphæð en sem ?? eitthvað ?? fæst svo upp í með sölu eigna Landsbankans (það er svo óráðin stærð þar að enging veit hvort það dugi fyrir 10% eða 90% af skuldinni þó flestir hallist að 70-75%).

Hitt er svo alþjóða samfélagið þar sem við getum lent í VERULEGUM hvremmingum með því að borga ekki. 

Síðan er 3 atriðið. Eru ekki einhverstaðar "FALDIR" peningar? Eru ekki nokkrir einstaklingar sem hafa komið undan MIKLU hærri upphæð einhvert sem við getum ekki nálgast það? Þarf ekki að "Sækja" það fé og láta það borga skuldirnar? Þurfa stjórnvöld ekki hreinlega að búa til "Neiðarlög" til að sækja þetta fé? Eigum við bara að samþykkja að setja okkur annaðhvort í OFBOÐSLEGT skulafangelsi eða ÚTSKÚFUNAR úr alþjóðasamfélaginu á meðan NOKKRIR menn "geyma" miklu hærri upphæðir einhverstaðar og það má ekki snerta!!

Fyrir 2 dögum fór ég fyrir tilviljun inn á http://www.baugsmalid.is og lesturinn þar gerði mig svo reiðan. Ég var svo ofsalega reiður hvernig þetta hefur verið hægt ÖLL þessi ár.

Í staðin fyrir að gera ekki neitt að þá henti ég upp vefsíðu og vona (þó það sé ekki mjög líklegt) að eitthvað gerist. En við verðum að gera eitthvað.

http://icelandmoney.webs.com/

Látum þá sem  "eiga" þessa peninga borga skuldirnar sínar. Eru þetta ekki sömu mennirnir sem kölluðu það rán þegar ríkið vildi fá 75% hlutafé í bankanum "þeirra" fyrir 80 milljarða lán á sama tíma og þeir voru að "græða" miklu hærri fjárhæðir með sölu eigna. Ættli þeir hafi bara ekki vitað hver staða bankans var og í staðin fyrir að setja milljarðana "sína" í bankan földu þeir þá og ættlast til að við borgum allt. Nei nú er nóg komið. Finna þessa peninga þessara manna og láta þá borga skuldirnar sínar STRAX. 

Kveðja

Enn einn Íslendingurinn 

[Heiða B. Heiðars, 16.6.2009 kl. 11:21]

;) xxx