Skipulagslagaskógurinn

Er greinilega verulega undarlega vaxinn, líklega eins og skógurinn í æfintýrinu um Hans og Gretu. Hér innst í minni götu er hús, sannkallað góðærishús. Það var byggt þegar allt var í full sving...en seldist ekki þó það lækkaði úr 115 millum niður í 99.9 og boðið væri langt hagstætt lán á 75 millur . Nú er nýjasta spilið, þarna á að koma sambýli fyrir aldraða...flott mál. Seint verð ég á móti slíkum húsum en ég fór að spá. Nú er ég fremst í götunni og öll umferð inn götuna verður að fara framhjá mér. Grenndarkynningin vegna þessa sambýlis var í 3 næstu húsin við það. Nú gefur auga leið að einhver slík starfsemi innst í götu bætir miklu við umferð. Ég vona að íbúar þessa húss verði ánægðir hér í götunni okkar en lýsi frati á svona skringileg skipulagslög. Ég hefði hinsvegar alveg samþykkt þessa starfsemi, bara svo það sé á hreinu.

 

(3.     0811078 - Blikastígur 19 - sambýli fyrir aldraða.Lögð fram niðurstaða grenndarkynningar um umsókn á breytingu á notkun húsnæðis úr íbúðarhúsi í sambýli fyrir aldraða að Blikastíg 19 skv. fyrirliggjandi umsókn Einars Jónssonar dags. 24.11.2009.  Ein athugasemd barst.  Erindið var grenndarkynnt skv. 7. mgr. 43. gr. skipulags- og byggingarlaga. Frestað.  Skipulags- og byggingarfulltrúa falið að afla nánari gagna um málið)

Athugasemdir

[Birna Dis Vilbertsdóttir (IP-tala skráð) 26.4.2009 kl. 22:48]

Skrítin vinnubrögð þetta.

[Ragnheiður , 26.4.2009 kl. 22:51]

Birna mín, ég var að koma ofan að og kom við hjá Hauksa líka. Þeir lágu þarna bara fallegir og góðir þessar elskur.

[Huld S. Ringsted, 26.4.2009 kl. 22:56]

Alltaf jafnmerkilegar þessar grenndarkynningar og hvernig að þeim er staðið ef ég vissi ekki hvar þú byggir þá hefði ég getað haldið að þetta hefði verið á Akureyri!!

[Ragnheiður , 26.4.2009 kl. 23:08]

Hehe já ..ég botna ekki í þessu, hefði skilið þetta ef umræðuefnið væri skjólveggur.

[Jóna Kolbrún Garðarsdóttir, 27.4.2009 kl. 02:25]

Spúúkí vinnubrögð. 

[Linda Linnet Hilmarsdóttir, 27.4.2009 kl. 14:21]

Innlitskvitt og kveðjur....:0)

[Birna Dis Vilbertsdóttir (IP-tala skráð) 27.4.2009 kl. 15:52]

[Kidda (IP-tala skráð) 28.4.2009 kl. 20:18]

Það mætti halda að þú byggir í Kópavoginum. Manni finnst nú samt lágmark að kynna þetta öllum íbúum götunnar þó svo að líklegt væri að allir myndu samþykkja svona breytingar.

Knús og klús

[Sigrún Óskars, 29.4.2009 kl. 22:24]

Það skríta við þetta er að skv. lögum þá þarf ekki grendarkynningu vegna sambýlis fyrir geðfatlaða eða þroskaheftra.