Manni leggst eitthvað til

en maður verður oft bara að sjá það.

Um daginn var ég ekki stór upp á mig andlega, óttalega kjarklaus og þreytt.

Minn maður bauð í bíltúr.

Það eru oft yndislegar stundir, talað um allt og ekkert, höldumst í hendur.....

Nema hann segir ; sko sérðu lóurnar ?!

Ég sé engar lóur og varð eiginlega smá spæld, hugurinn þreyttur og þolið í skuld.

Minnstu munaði að hann sneri við svo ég sæi þessar árans lóur.

En hann gerði það ekki

ég var spæld í þessar lögbundnu fimm mínútur

í dag fórum við aftur í bílinn, að sækja minn bíl og þá sá ég lóurnar, ekki þessar tvær sem hann sá um daginn heldur heilu breiðurnar af lóum hér á Bessastaðatúninu.

Jeyj...þá er vorið komið

°°°°°°°°°°°°°°°°°°°

Rómeó fjöldamorðingi er móðgaður. Hann er kominn með bláa glimmeról með bjöllu. Honum finnst hann hálf ræsknislegur með þetta og stórhneykslaður á hávaðanum sem kemur þegar hann hreyfir sig.

Rómeó er æði, ég er svo ánægð með að hafa fengið þennan kisa.

Athugasemdir

[Jóna Kolbrún Garðarsdóttir, 17.4.2009 kl. 00:56]

Kisur eru ótrúlega næm og góð gæludýr, ég get ekki hugsað mér lífið án kattanna minna.  http://www.ii2.org/user.php?nick=huxa&s=images&img=7861860   Hún Rúsína mín drepur ekki bráðina, hún kemur með sprellifandi mýs og fugla til mín.  Ef einhver er veikur hjá mér verða kisurnar sérstaklega góðar við þann veika. 

[Jón Arnar, 17.4.2009 kl. 01:06]

gleðilegt vor - lóan er jú ykkar vorboði svo það er líka komið til ykkar

[Erna Friðriksdóttir, 17.4.2009 kl. 01:31]

Ó ég vona að ég sjái Lóuna hér, annars kannast ég ekkert við þessa fugla :(           

[Ía Jóhannsdóttir, 17.4.2009 kl. 08:17]

Lóan komin til ykkar og Svölurnar til okkar.  Þetta verður gott sumar!!!!!

[Einar Indriðason, 17.4.2009 kl. 08:41]

Litli kisinn á heimilinu, hér í den... Hann færði björg í bú, eins og lög (og kettir) gera ráð fyrir.  Hann náði ekki fuglunum, ekki ennþá..... svo hann lét duga að veiða ánamaðka, og kom með þá mjög hróðugur á svipinn.  Einstaka sinnum færði hann hunangsflugur í búið.........

[Birna Dis Vilbertsdóttir (IP-tala skráð) 17.4.2009 kl. 10:01]

Spörrarnir og mótorhjólin eru mínir vorboðar.Ég vakan snemma þessa dagana þar sem ástarlífið í trjánum er hávært.En það er svo gaman af þessum krílum svo það er gott að kettir hafi bjöllur.Faðmlag til þín frá mér.

[Guðrún Emilía Guðnadóttir, 17.4.2009 kl. 13:29]

Gleði og kærleik í vorið elsku Ragga mín, lóurnar eru yndislegar.

Æ, hvað  hann Steini þinn er góður, og maður er heppin ef maður á svona klett fyrir mann.
Knús til ykkar beggja
Milla.

[Kidda (IP-tala skráð) 17.4.2009 kl. 18:44]

Hélt um daginn að ég væri orðin rugluð þegar ég heyrði fyrst í Lóunni. Ljónið á þessum bæ er með 2-3 bjöllur yfir sumartímann.

Knús og klús

[Matthilda M. Eyvindsd Tórshamar, 17.4.2009 kl. 19:35]

Já, vorið er svo sannarlega komið og það birtir til í sálinni.

Varðandi uppskriftina að hringpeysunni sem þú vart að spyrja um, ertu með facebook síðu? Uppskriftin er þar. Láttu mig vita.

Og já, takk fyrir að opna síðuna þína aftur.

[Rósa Aðalsteinsdóttir, 17.4.2009 kl. 21:56]

Vorboðinn er svo fallegur og söngurinn dásamlegur.

Vertu Guði falin

Kær kveðja/Rósa

[Ragnar Emil, 17.4.2009 kl. 23:34]

Skemmtilegt að lesa bloggið þitt og takk fyrir addið um daginn Yndislegar myndir hjá þér og sorglegt að lesa um son þinn sem lést, þú ert mikil hetja finnst okkur.  

Kær kveðja, Aldís og Ragnar Emil.

[Sigrún Óskars, 18.4.2009 kl. 09:38]

Nú eru einmitt lóurnar í Bessastaðatúninu - og þá er pottþétt komið vor.

Ég segi eins og Guðrún Emilía - þú ert heppin að "eiga" hann  Steinar að ( og hann heppinn að "eiga" þig).

knús yfir

[Sifjan, 18.4.2009 kl. 12:29]

Vorið er líka komið hingað á Norðurlandið... loksins :=) 

[Linda Linnet Hilmarsdóttir, 18.4.2009 kl. 20:42]

Knús knús og ljúfar kveðjur :0)