styð íslenskan heimilisiðnað

en kannski ekki alveg svona ..ég hamast við að prjóna lopapeysur. Aðrir Álftnesingar hafa greinilega aðrar hugmyndir 

En að öðru..forsíða Dv vakti lukku í vinnunni í dag vegna þess að kallarnir vita mun betur en kemur fram í frásögninni, í raun má segja að ekki sé satt orð í greininni enda maðurinn ekki þekktur af sérstakri sannleiksást.

Ég tengdi hér í dag við frétt af stýrivöxtum, í vinnunni horfði ég á CNN. Stýrivextir í USA eru nánast komnir í 0%. Hér erum við með 18% vexti, ég kaupi ekki skýringu einhvers nafnleysingja á síðunni minni. Svo kemur jarnar vinur minn hér inn og segir eitthvað , ég sá upphafið en ákvað að lesa ekki allt komment hans fyrr en seinna.

Ég geri mér grein fyrir að ríkið erum við sjálf. Og vegna akkurat þess þá ætlast ég til að byrðunum verði jafnað betur á þegnana. Þegar hagkerfið fór til fj...þá hefði verið tækifæri til að núllstilla kerfið hreinlega og afskrifa öll lán allra þar með. Það hefði verið mun sanngjarnara en að afskrifa hlutafjárkaup fokríkra einstaklinga.

Geir var spurður um björgunaraðgerðir til skuldara um daginn, spurður nákvæmlega um niðurfellingar...svarið var súper gáfulegt : Hvað á að gera við þá sem ekkert skulda ?

Ég er húsmóðir af gamla skólanum, sparsöm og nýtin, en ég hefði haldið að þeir sem ekki skulda séu bara einfaldlega í góðum málum ?

Hér set ég punkt og ætla að halda áfram að prjóna.

Með kveðju

(já ég kíkti á síðu litlu Emblu Dísar áðan, þessi telpa er mikill baráttujaxl. Þið sjáið link til hennar hér í færslu neðar á síðunni)

ps ég sá svo eins og aðrir þjóðarmeðlimir að IMF bannaði Seðló að hrófla við vöxtunum..þá skiptir greinilega engu máli hvort hér er ríkisstjórn eða ekki..við ráðum ekki neinu hér á þessu útnáraskeri!

Kannabisræktun á Álftanesi

Athugasemdir

[Jenný Anna Baldursdóttir, 29.1.2009 kl. 21:39]

Æi, er þessum karli ekki vorkunn?  Hann lítur ekki út fyrir að vera skarpasti hnífurinn í skúffunni. Hehe.

Prjónaway.

[Anna Einarsdóttir, 29.1.2009 kl. 21:40]

Ertu að segja að maðurinn hafi platað mig ?  Ohhh..... ég hætti aldrei að vera of saklaus.    En samt...... það er þá bara gott ef hann er saddur og sæll.

Varðandi björgunaraðgerðir til skuldara;  Sko !  Búum til dæmi.  Þegar kreppan skall á skuldaði Jón ekki krónu en Siggi skuldaði XXX upphæð.  Núna skuldar Jón ennþá 0 krónur en Siggi skuldar XXXXX !  Það eina sem hefur breyst er að bilið á milli þeirra hefur vaxið geigvænlega.  Hvaða óréttlæti felst í því að jafna það örlítið til baka ?

[Steingrímur Helgason, 29.1.2009 kl. 21:49]

Þezzi hugzun er alveg að ganga upp fyrir mér, líttskuldandi.

[Auður Proppé, 29.1.2009 kl. 21:51]

Dæmi A - Nú er verið að segja að þeir sem skulduðu "viðráðanleg" lán í húsnæðinu sínu og hafa "bara" þurft að þola vaxtahækkun fái enga hjálp á, svo það kemur niður á þeim að hafa verið varkárir í sinni lántöku og eiga ennþá meira í sínu húsnæði en lánið er.

Dæmi B - þeir sem tóku 80-100% lán, jafnvel myntkörfulán, til að kaupa húsnæði haf lent í því að húsnæði þeirra er núna minna virði en lánið fá hjálpina.

Þetta finnst mér ekki réttlátt, því að þegar dæmi A tók lán í húsnæðiskaup var freistandi að fá hærra lán og stærra húsnæði en varkárnin tók yfir.  Á meðan margir í dæmi B eyddu um efni fram þar sem háu lánin voru borin fram á silfurfati.  Ég sé ekki réttlæti í því að dæmi A eigi að sitja uppi með sínar vaxtahækkanirnar á meðan dæmi B fá hjálp frá ríkinu.

[Helga Magnúsdóttir, 29.1.2009 kl. 22:32]

Var karluglan að ljúga þessu öllu saman? Þvílíkur skítakarakter. Mann mátti svo sem gruna þetta þar sem fólk sem virkilega þarf á aðstoð að halda er ekkert ginnkeypt fyrir því að vera í viðtali með mynd. Maður sem klökknaði alveg yfir fórnfýsinni að hann skyldi svelta fyrir konuna sína. Svei attan.

[Ragnheiður , 29.1.2009 kl. 23:14]

Nákvæmlega Helga, ég sendi þér innanhússkilaboð rétt í þessu.

[Jóna Kolbrún Garðarsdóttir, 30.1.2009 kl. 01:21]

Ég þekki Gauta 111 frá gamla vinnustaðinum mínum   Það var Grensásbær Grensásvegi 12.  þar vann ég í 7 ár við það að selja leigubílstjórum kaffi og með því!!!

[Rut Rúnarsdóttir, 30.1.2009 kl. 11:17]

VÁ!

Ég sem fór nærruþví að skæla þegar ég las þetta á dv.is!!!    Ég var alveg miður mín og langaði helst að finna karlgreyið og gefa honum aur.

Vona að hann hafi samt ekki haft mat frá einhverjum sem virkilega þurfti á honum að halda!!!!! 

[Sigrún Óskars, 30.1.2009 kl. 20:27]

Þessi heimilisiðnaður hefur verið í "okkar" götu og ég veit bara ekki neitt. Ég rækta bara aloa vera plöntur og aðrar góðar sem ég get haft í glugganum

Annars er ég með ónotaðan skúr - ætli einhver vilji skúr til leigu