Flett ofan af óhroðanum

Það er best að ég geri almennilega og endanlega grein fyrir því hversvegna ég setti alla bloggvini mína út. Sagan er auðvitað ekki glæsileg.

Fyrir nokkru bættist hér við fítus í stjórnborðið sem heitir senda skilaboð, allt í góðu með það hélt ég. Þetta notaði ég nú ekki mikið, aðallega til að fíflast eitthvað í mínum andlegu tvíburum (Önnu og Hrönn)

Þegar ég var krakki þá unnu fæstar mæður okkar nágrannakrakkanna úti. Þær settust inn í kaffi hver hjá annarri og slúðruðu um hina nágrannana. Ég man að mér leið oft illa þegar ég rambaði inn á þessar kaffisetur kellinganna, enda ýttu þær okkur krökkunum eins hratt út og hægt var svo slúðrið kólnaði ekki við borðið.

Moggabloggið hefur tekið við þessu hlutverki

Ég hef verið að fá slík skilaboð hér í gegnum kerfið, ógeðsleg slúðurskilaboð frá ákveðnum bloggvinum um aðra bloggvini. Mestallt undir rós en það er sama, tilgangurinn er skýr.

Þessu helvíti neita ég að taka þátt í og eyddi öllum bloggvinum, saklausum sem sekum. Ég er uppkominn þolandi eineltis og einelti tek ég alls ekki þátt í.

Slík skilaboð eru ykkur sem þau sendið til skammar. Hér eiga allir að eiga sinn tilverurétt og það hefur enginn það vald að geta dæmt um hvort þetta eða hitt bloggið sé réttmætt.

Það getur enginn dæmt líf annars .

Þarna hafið þið það !

Ef einhver veit hvernig ég get lokað fyrir þessi innan kerfisskilaboð þá yrði ég þakklát fyrir að fá leiðbeiningu þar um. Þau virðast nefnilega virka enn í þessu bloggvinaleysi.

 

Athugasemdir

[Ragnheiður , 7.10.2008 kl. 17:03]

Ég fylgist líka með öllum bloggvinum en bara í gegnum annan fítus. Ég ætla ekkert að missa af helling af góðu fólki sem ég hef verið í vínáttu við.

[Guðríður Hrefna Haraldsdóttir, 7.10.2008 kl. 17:12]

Vá, mikið er ég heppin að hafa ekki lent í þessu. Er sammála þér, svona slúður er bara ljótt og mannskemmandi fyrir alla aðila. Ég er viss um að þegar þetta skilaboðakerfi var sett upp var ekki ætlunin að það yrði notað á þennan máta.

Ég veit líka hvar þú ert, elskan, og kíki alltaf reglulega í heimsókn til þín þótt ég kommenti ekki alltaf, fer eftir flýtinum á kíkkinu. 

Knús yfir hafið!

[Ragnheiður , 7.10.2008 kl. 17:26]

Einmitt Auður mín

Já Gurrí mín kæra, knús yfir hafið til baka. Ég er svo aðeins á síðunni minni hinni.

[Sigrún Óskars, 7.10.2008 kl. 20:19]

slúður og einelti er algjörlega ólíðandi- punktur.

kíki á hina síðuna  knús yfir girðinguna

[Ragnheiður , 7.10.2008 kl. 22:55]

Knús til baka yfir girðinguna

[Brynja skordal, 8.10.2008 kl. 01:26]

úff ekki gott að fólk skuli voga sér að vera í svona sandkassaleik auðvitað hafa allir tilveru rétt hér á moggablogginu en sem betur fer hef ég ekki fengið svona skilaboð og vona að svo verði aldrei skil þig vel Ragga mín held áframm að fylgast með þér á báðum síðum knús inn í nóttina Elskuleg

[Hrönn Sigurðardóttir, 8.10.2008 kl. 09:47]

Ég var í nágrenni við þig í gær! (Sænsku kjötbollufabrikkunni) Hefði kíkt á þig hefði ég verið ein á ferð.

Knús á þig yfir fjallið (þau eru svo smitandi þessi knús yfir fjöll og girðingar )

[Hrönn Sigurðardóttir, 8.10.2008 kl. 12:15]

....HÖF og girðingar! Varst þú að nota heilann? Eða var Anna með hann?

[Erna Friðriksdóttir, 8.10.2008 kl. 16:56]

Vildi kvitta fyrir mig.. enþú segir satt........þetta á ekki að líðast .... við þekkjum fólk á svo mismunandi hátt eðlilega..........Kanski gæti góðvinkona mín verið að gera einhverjum skelfilega hluti :(       Bestu kv til þín

[Ragnheiður , 8.10.2008 kl. 22:08]

Anna var að nota heilann, hún var í vinnunni þessi elska (as we weren´t)

Já það er satt Erna en slúður er ekki rétta leiðin til að finna að hegðun annarra

[Hrönn Sigurðardóttir, 8.10.2008 kl. 22:27]

Hvernig virkar þetta RSS eitthvað .......?

Geturðu séð mig þar?  

[Ragnheiður , 9.10.2008 kl. 09:35]

Já ég sé allar nýjar færslur frá þér þar Hrönn

[Hrönn Sigurðardóttir, 9.10.2008 kl. 19:52]

hvernig stillirðu það þannig? Ég sé bara mínar.....

....kannski sjá allir bara mínar færslur? ;)

[Ragnheiður , 9.10.2008 kl. 20:10]

hehe já þetta er kannski of snúið til að útskýra það hér...hmm...sýni þér þegar við hittumst. Þegar verður búið að festa allt á Selfossi svo ég geti komið

[Hrönn Sigurðardóttir, 9.10.2008 kl. 20:39]

jamm við erum rétt að klára.... ;)

[Jóna Kolbrún Garðarsdóttir, 10.10.2008 kl. 00:43]

Leitt að heyra af þessari misnotkun á athugasemdakerfinu, ég vona að þér gangi vel í þessari kreppu.  Ég tel mig vera heppna að skulda ekki of mikið, ekkert bílalán, og engin neyslulán. 

[Guðrún Emilía Guðnadóttir, 17.10.2008 kl. 13:05]

Blessuð Ragga mín, hélstu virkilega að þetta yrði ekki misnotað.
Slúður sem er eigi satt og slúður sem er satt er tvennt ólíkt.
Ég er búin að leita mér upplýsinga um að ef undir rós er talað þá geta moggamenn ekkert gert, en ef fólk er nafngreint og um helbera lygi er að ræða þá er lögreglan næst á dagskrá ef fólk vill.
Ég er með nafngreinda lygi á mig frá konu sem ég hef aldrei séð og hún ekki mig, geymi ég þetta vel því það gæti komið að því að ég yrði að nota þessi skilaboð. Það er nefnilega þannig að sumir halda að fólk trúi þeim og auðvitað gera margir það, en aðrir færa manni allt á silfurfati hver svo sem hvatinn er fyrir því og það vita allir sem ljúga upp á aðra til að upphefja sjálfan sig fá það í bakið seinna meir.
Það er rétt hjá þér þetta með morgunkaffi-kjaftaganginn hér áður og fyrr.
Kveðja
Milla.

[Ragnheiður , 17.10.2008 kl. 13:30]

Ég hef hingað til viljað trúa á það góða í fólki og ég verð hundsár þegar ég rek mig á að það virkar ekki.

Ég á líka það sem mér var sent

En nú er ég laus við þetta. Lokaði á það með aðstoð Moggans.

[Guðrún Emilía Guðnadóttir, 17.10.2008 kl. 13:58]

Það sama hér Ragga mín og mér er sagt að ég sé svo saklaus í þessum efnum, en þegar maður fær svona lagað á sig þá verður maður að gera eitthvað ef þetta snerti bara mig þá væri það öðruvísi en þetta snertir annað fólk líka og mun ég ekki láta það viðgangast ef þessu eigi linnir.