Í dag hef

ég gert álíka lítið og í gær og ég er bara ánægð með það. Ég hef ekki einusinni lesið blöðin ! Stundum er ég föst í vanafestunni og líður þá eins og rollu fastri í girðingardræsu (geri ég ráð fyrir) nú eða þá blindum froski að elta haustlitina..hehe.

Ég hef samt farið bæði í Bónus og Fjarðarkaup. Það er eitthvað vesen á Bónus, mitt kaffi fæst bara ekki þar ! Náði mér í það í FK, ásamt fiski og dótaríi í kvöldmatinn. Með var dreginn Björn.

Núna er ég á leið í eldhúsið. Birni var troðið í það verk að þrífa ofninn og hann gerði það. Enda ekki hægt að sleppa úr greipum mömmu sem yfir manni stóð.

Mér finnst oft betra að fara ein að versla, þá kaupi ég bara það sem ég þarf að kaupa. Einhvernveginn læðist allur fj með í körfuna þegar húsbóndinn kemur líka með í búðir. Kallanginn minn, svo mikill ljúflingur og heimsmeistaragóður.

Launþeginn minn virðist bara ágætlega ánægður í vinnunni og er bara hinn mesti dugnaðarforkur, ég hafði sko ekki áhyggjur af systur. Hún er seig og hún er bæði dugleg og klár. (Sigga, leggðu bara umsamda upphæð inn hjá mér )

Ég er glöð í hjarta og hef það alveg fínt. Það líða öðruhvoru yfir skuggar en þeir setjast ekki að hjá mér. Þeim er ekki leyft það. Ég hef margt til að gleðjast yfir, ég hef líka margt til að vera sorgmædd yfir en þá er það mitt frjálsa val. Ég nota það óspart.

Við megum búast við erfiðum fjármálavetri, nú þegar verður erfitt fyrir fólk að greiða af erlendum lánum. Fleiri fyrirtæki og eignarhaldsfélög munu verða í erfiðleikum. Þetta er hinn íslenski veruleiki. Það þarf að þola það. Ég hef ákveðið að vera ekki með áhyggjur af þessari stöðu mála. Ég mun samt fylgjast með þróuninni eins og flestir aðrir gera.

Farið vel með ykkur

Athugasemdir

[Birna Dis Vilbertsdóttir (IP-tala skráð) 30.9.2008 kl. 19:03]

Líka frí hjá mér í dag.Skúrað,skrúbbað og bónað og þveigið hér.Enda eru fríin oftast þannig hjá okkur húsfrúm.Knús á þig og snatana þína

[Jóhanna Magnúsar- og Völudóttir , 30.9.2008 kl. 19:07]

Líst vel á þetta frjálsa val, þarf að vera duglegri að nota það.

[Marta smarta, 30.9.2008 kl. 19:26]

Hæ þið.

Var einmitt líka að þrífa ofninn í dag. Tilbúinn fyrir baksturinn. Hvaða bakstur ???

Knús knús.

[Ragnheiður , 30.9.2008 kl. 19:38]

Marta mín, þegar okkur dettur í hug að baka þá gerum við það, það er alveg nóg að láta sér detta í hug annað af tvennu

[Helga Magnúsdóttir, 30.9.2008 kl. 19:44]

Flott þetta með frjálsa valið. Það þyrftu fleiri að tileinka sér.

[Jenný Anna Baldursdóttir, 30.9.2008 kl. 20:34]

Ég hef ákveðið að vera glöð.  Ég hlakka til vetursins, vorsins og sumarsins and on and on and on.

Bara gaman (enda eins gott).

[Helga skjol, 30.9.2008 kl. 20:34]

[Jórunn Sigurbergsdóttir , 30.9.2008 kl. 20:36]

Gott hjá þér að slaka á. Þú átt það skilið. Það er líka gott að heyra að þú ert glöð í hjarta.

Með þessu í efnahagslífinu. við fylgjumst öll með. 

[Brynja skordal, 1.10.2008 kl. 00:45]

[Jóna Kolbrún Garðarsdóttir, 1.10.2008 kl. 01:56]