Í dag ætti að loka öllu

33 dagar til jóla

Færsluflokkar

Eldri færslur

2015

2014

2013

2012

2011

2010

2009

2008

2007

Bloggin mín

Nóv. 2024

S	M	Þ	M	F	F	L
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30

Fyrri

Næsti

Tenglar

Englar á himnum

Fyrirbænirnar

Í dag ætti að loka öllu

22.8.2008 | 10:18

sko vinnustöðum og svoleiðis Tounge

Óheppin þið að ég er ekki merkileg persóna og get haft þau áhrif.

Það er nebblega háspennuhandboltaleikur á eftir.

En til að byggja um spennu þá er ég að horfa á frakkland-króatía. Held mikið upp á króatana, en sá franski Karabatic er minn maður þarna. Það er heimsklassahandboltamaður...

¨¨¨¨¨¨¨¨¨¨¨¨¨¨¨

Ég hef haft þá stefnu hér á síðunni minni að birta aldrei neikvæðar umsagnir um verslanir og þjónustu. Hér virðist lesa fjöldi fólk og flestir einhverjir sem ég þekki ekki einu sinni. Þið getið ímyndað ykkur það tjón sem mögulega væri hægt að baka einhverjum með slíku.

Hins vegar skrifa ég um góða þjónustu sem ég fæ.

Það mega aðrir vera í hinu...

En ástæðan fyrir þessu tölvubúðarápi er að Hjalli er að laga borðtölvuna gömlu. Hann er orðinn klár tölvugúrú og mamman ákvað að treysta honum fyrir þessu. Hann langar að koma sér á námskeið til að læra að gera við tölvur og fá skírteini upp á það. Honum gengur ferlega vel eins og sakir standa og ég er sátt. Rosalega sátt.

Hann lítur að vísu út eins og læknir, eins og komið sé að árlegri endaþarmsskoðun hjá einhverjum..hehe

°°°°°°°°°°°°°°°

En nú er ég að hugsa um að einbeita mér að þessum háspennuleik í sjónvarpinu. En ef þið ætlið að skrópa í vinnunni þá getið þið bara sagt yfirboðaranum að ég hafi sagt að það ætti að vera frí !!!

Hehe hér kemur smáviðbót og það er Jennýu að kenna. Hún skrifar svo skemmtilega um pöpulinn í verkó á glugganum við æfingarnar. Ég las og hló að þessu en svo rann upp fyrir mér ljós. Þegar ég var 5-6 ára þá bjuggum við í kjallara inn í Laugarnesi. Baðglugginn sneri út í tröppurnar. Þegar ég var sett í bað þá brást ekki að neyðarópin glumdu um allt hverfið, sko ég æpti af lífs og sálar kröftum alveg viss um að þetta yrði að minnsta kosti mitt síðasta í þessu jarðlífi. Einhvern tímann var mamma orðin leiðari á þessu en venjulega og rak mig til að kíkja útum gluggann. Sat þá ekki allur krakkaskríll hverfisins eins og í hverju öðru þrjúbíói, í tröppunum, og biðu eftir glæpnum, morðinu á mér ......ég held að ég hafi æpt mun lægra þaðan í frá.

Ragnheiður

Flokkur: Bloggar | Breytt 21.9.2009 kl. 14:11 | Facebook

Athugasemdir

GARG!! Ég er á fullu!! Vinn á þreföldum hraða! Ég ÆTLA að horfa á leikinn á eftir. Það verður lokað hjá mér á meðan....

Tek heilshugar þátt í því hvað þú ert sátt með drenginn! Það er til fullt af skólum og námskeiðum sem hægt er að læra forritun og tölvusnakk ýmiskonar! Það væri kannski ekkert vitlaust fyrir hann að skoða eitthverja þannig bæklinga sem hrynja inn um lúgur landsmanna um þessar mundir!?

Hrönn Sigurðardóttir, 22.8.2008 kl. 11:09

Já hann hefur einmitt verið að skoða það, eitt kostar 230.000 - það er mikill peningur fyrir ungan mann en við skulum sjá til

Ragnheiður , 22.8.2008 kl. 11:17

Ég ætla ekki að horfa á leikinn, þori ekki að taka áhættuna. Hver veit hvað gæti skeð ef ég tæki allt í einu upp á því að horfa. Nei, engin áhætta hér.

En er alveg sammála að allir sem vilja og þora eiga að hafa þann sjálfsagða rétt að fá að horfa á leikinn.

Knús og klús