Montfærsla

Ég hrökk í þrjóskugírinn í dag, lenti í Leifsstöð með farþega og fór hinumegin og ákvað að bíða. Ég beið í 1-2-3-4 -5 tíma, löngu kominn kvöldmatur og frúin mætti ekki til heimilisstarfa. Loksins klukkan 21 í kvöld gekk rófan og ég slapp aftur til Reykjavíkur með farþega. Þá var húsbóndinn á heimilinu búinn að elda, hann var líka búinn að þrífa eldhúsið glimrandi vel og örbylgjuofninn. Eldhúsið leit út eins og í sápuauglýsingu, ekki hægt að horfa ofan í vaskinn vegna ofbirtu.

Einhver kall hefði orðið fúll við sína en ekki minn kall. Heimsmeistarasnillingur.

Rosalega er ég ánægð með hann !

Ég og einn félagi minn létum eins og asnar við flugstöðina í dag, það hringdi samt enginn á lögguna á okkur. Ég átti bara eftir að draga hann á hárinu um svæðið !

 

Athugasemdir

[Hrönn Sigurðardóttir, 15.7.2008 kl. 22:41]

Af hverju eru svona kallar ekki klónaðir? í staðinn er verið að klóna rollur.....

[Ragnheiður , 15.7.2008 kl. 22:45]

Skilðaðekki..það segi ég satt..

[Anna Einarsdóttir, 15.7.2008 kl. 22:52]

Svona kallar eru snillingar.   Biðaðheilsonum. 

[Guðrún Jóna Gunnarsdóttir, 15.7.2008 kl. 23:49]

Þrjóskugírinn borgar sig stundum

[Brynja skordal, 16.7.2008 kl. 00:02]

Gullmoli er þitt húsband mæli með að allir kk lesi þessa færslu eða þannig Hafðu það ljúft Elskuleg

[Bjarndís Helena Mitchell, 16.7.2008 kl. 00:23]

Gott að fá svona þjónustu stundum. Knús

[Jóna Kolbrún Garðarsdóttir, 16.7.2008 kl. 00:37]

 Flottur karl sem þú átt

[Sigrún Jónsdóttir, 16.7.2008 kl. 00:42]

Vá, það eru sumsé til svona karlar.  Heppin ert þú kona