Afmæli

 Kelmundur knúsibolla á afmæli og hann er fjögurra ára.

Ég vann lengi frameftir í nótt og er eiginlega nýlega vöknuð, þreyttust í heiminum......en ég rakst á þetta. Ég veit ekki alveg hvernig ég fór að því, stjörnufréttir heilla mig yfirleitt ekki. Í fréttinni er hinsvegar meinleg villa og mér tókst að flissa að henni og ákvað að birta hana hérna.

Annars er allt í góðu

Veröld/Fólk | mbl.is | 13.7.2008 | 07:15

Brangelina-tvíburarnir fæddi

Kvikmyndaleikkonan Angelina Jolie fæddi tvíbura í gærkvöldi. Börnin, sem eru drengur og stúlka, voru tekin með keisaraskurði. Eru Jolie og sambýlismaður hennar Brad Pitt sögð hafa nefnt börnin Knox Leon og Vivienne Marcheline. Þetta kemur fram á fréttavef BBC.

Dr Michel Sussmann, læknir á franska sjúkrahúsinu þar sem börnin fæddust, segir að fæðingu tvíburanna hafi verið flýtt af læknisfræðilegum ástæðum en að móður og börnum líða stórkostlega.

Börnin eiga saman dótturina Shiloh Nouvel Jolie-Pitt, sem fædd er í Namibíu árið 2006. Þá eiga þau þrjú ættleidd börn Maddox, Pax og Zahara.

Athugasemdir

[Birna Dis Vilbertsdóttir (IP-tala skráð) 13.7.2008 kl. 13:18]

Knús á Kelmund.Við hjónin vorum einmitt að skoða myndir af honum áðann.Til hamingju með hann.Þetta er góður afmælisdagur.Fáránlega illa skrifuð frétt.

[Sigrún Óskars, 13.7.2008 kl. 13:37]

til hamingju með Kelmund knúsibollu.

[Jenný Anna Baldursdóttir, 13.7.2008 kl. 14:36]

[Ásdís Sigurðardóttir, 13.7.2008 kl. 15:04]

Ég hló líka eins og asni yfir þessari setningu "börnin eiga.." þetta er afleysingar sumar barnið að skrifa.  Hafðu það gott elskan og knús á Kelmund.   

[Ragnheiður , 13.7.2008 kl. 15:57]

Ja það er nú það..ég man ekki hvernig þetta gerðist síðast hjá henni

[Tiger, 13.7.2008 kl. 17:08]

 Hahaha .. góð fréttamennskan þarna sko!

Til hamingju með krúttboltann þinn elsku Ragnheiður mín.

[E.R Gunnlaugs, 13.7.2008 kl. 17:21]

mér fannst líka einkar athyglisvert þegar sagt var að það hefði liðið korter á milli barna... Sérstaklega með tilliti til að þau voru tekin með keisaraskurði. Hvaða svaka dól var í gangi á skurðstofunni??

En gaman að vita að börnin eiga þrjú ættleidd börn... hihi

[Bryndís, 13.7.2008 kl. 22:28]

Til hamingju með Kelmund knúsubollu   Mamma mín á líka afmæli í dag,

Kveðja úr Mosó,

[Guðrún B. (IP-tala skráð) 14.7.2008 kl. 09:28]

Hahaha ... já ég sá þetta líka. Fréttramenn í letikasti .. nenna ekki að skrifa.

Til hamingju Kelmundur með daginn.