Í dag er 35 ára afmæli gosloka í Eyjum

en í dag er einn svartasti dagur á Íslandi sem ég man eftir. Við, já einmitt hamingjusama þjóðin, rákum mann úr landi í dag. Mann sem mögulega verður sendur í opinn dauðann. Mann sem á hér 6 vikna barn og konu. Við slitum sundur fjölskyldu og við fórum létt með það. Rosalega megum við vera stolt af okkur sem þjóð.

Flottust í heimi !

Afsakið meðan ég æli, fjandinn eigi þá sem stjórna hérna og geta framkvæmt svona hluti. Þetta gæti ég aldrei gert.

 

Athugasemdir

[Jenný Anna Baldursdóttir, 3.7.2008 kl. 20:38]

Já og svo á að koma konunni og barninu úr landi líka skv. Hauki Guðmundssyni hjá Útlendingasofnun.

Ég er hrærð yfir hjartagæsku íslenskra stjórnvalda.

[Ásdís Sigurðardóttir, 3.7.2008 kl. 20:38]

Er búin að vera að fylgjast með þessu máli í dag og er lömuð, aumingja konan, grét í fréttunum. Hvað á að leggja mikið á fólkið?

Kærleikskveðja til þín elsku Ragga mín.  

[Guðrún Emilía Guðnadóttir, 3.7.2008 kl. 20:57]

Sammála bloggaði líka um þetta, fór eitthvað fyrir brjóstið á sumum.
knús til þín Ragga mín
Milla.

[Sigrún Jónsdóttir, 3.7.2008 kl. 21:47]

Skelfilegt mál

[Steinunn Ósk Steinarsdóttir, 3.7.2008 kl. 22:51]

Ég hef tvisvar upplifað það að skammast mín fyrir þjóðerni mitt. Í fyrraskiptið var það þegar ákveðnir aðilar innan ríksstjórnar skrifuðu undir að styða Kana í stríði við Íraka og þar með flekka mannorð okkar íslendinga. Og svo núna.  Það er virkileg skömm að þessu!

[Jóna Kolbrún Garðarsdóttir, 4.7.2008 kl. 01:09]

Mér finnst að stjórnvöld hafi farið offari í þessu máli, og að þessi litla fjölskylda hafi verið beitt órétti.  Ef pólitískur flóttamaður óskar eftir hæli verður að skoða umsóknina, og taka hana alvarlega. 

[Tiger, 4.7.2008 kl. 02:35]

 Og ég sem hélt að við vildum styrkja fjölskyldubönd - og hafa í fyrirrúmi það sem kemur börnunum best. Klárlega vantar manngæskuna og samúðina hérna, það var sko ekki það hlýjasta sem við gátum gert hérna - að slíta sundur fjölskyldu og senda föðurinn kannski út í dauðann. Og ætla svo að senda konu og barn á eftir honum - hvar er hjartað í þessu liði sem þessu ræður?

En, vona samt að þú eigir ljúfa nótt mín kæra og góðan dag á morgun ...

[Hulla Dan, 4.7.2008 kl. 05:30]

Ég hef ógeð á þessu liði. Verð eiginlega hálf veik þegar ég hugsa til þess að þetta fólk stjórni einhverju þarna heima.

Grrrrrrrrrrrrr vona að sem flestir mæti á fundinn í dag milli 12 og 13 og mótmæli þessari meðferð.

Haf þú hinsvegar góðan dag.