Örfærsla

um svolítið sem ég var að velta fyrir mér. Það þarf ekki að vera rétt ályktun en er verið að dæma erlenda karlmenn til mun þyngri refsingar fyrir kynferðisbrot en íslenska karla ? Hefur einhver skoðað þetta ?

Athugasemdir

[Anna Einarsdóttir, 8.3.2008 kl. 11:52]

Ekki hef ég skoðað þetta en mér hefur heyrst á fréttaflutningi að í einhverjum tilvikum séu nauðganir erlendra karlmanna mun hrottafengnari og það hlýtur þá að hafa áhrif á dómana. 

[Mummi Guð, 8.3.2008 kl. 12:03]

Ég er ekki búinn að lesa dóminn yfir Pólverjanum sem var dæmdur í gær. En ég las dóminn yfir Litháunum sem voru dæmdir fyrr í vetur. Sá lestur var óhugnalegur. Lýsingarnar voru slíkar að ég hélt að það væru ekki til svona vondir menn. Þeir menn fengu of væga dóma ef eitthvað er.

Þannig að kannski eru þessar tvær nauðganirnar óvenju hrottafengnar og þess vegna fengu þeir svona þunga dóma óháð þjóðerni eða kannski er bara verið að þyngja dómana yfir nauðgurum almennt.

[Birna Dis Vilbertsdóttir (IP-tala skráð) 8.3.2008 kl. 12:19]

 

Þessar nauðganir voru víst sérlega hrottalegar.Ekki að nauðganir séu það ekki.Það er samt misjafnt hversu mikið og hryllilegt ofbeldið er.

[Guðrún Emilía Guðnadóttir, 8.3.2008 kl. 12:33]

Mér finnst bara að allir nauðgarar eigi að fá þungar refsingar,
nauðgun er nauðgun.
                                    Milla

[Ragnheiður , 8.3.2008 kl. 12:35]

Sammála þér Milla og sama sagði Steinar þegar ég spurði hann um þetta áðan. Það á líka að dæma íslenska karlmenn hart. Nú er ég ekki búin að lesa dómana og þessi fyrirspurn litast nokkuð af því.

[Guðrún Jóhannesdóttir, 8.3.2008 kl. 12:42]

Það hlýtur að hafa áhrif á þyngd dómsins hversu mikill hryllingur er í ofbeldinu og þó nauðgun sé alltaf glæpur er mismiklu ofbeldi beitt ekki satt?

Það á ALLTAF að vera þungur dómur fyrir nauðgun, það er ekki spurning, en eftir því sem ofbeldið er meira og verra á að þyngja dóminn, hvort sem um er að ræða íslendinga eða útlendinga. 

Kærleikur og ljós inní helgina þína Ragga mín 

[Ásdís Sigurðardóttir, 8.3.2008 kl. 13:06]

Sammála Millu,                

[Kristín Katla Árnadóttir, 8.3.2008 kl. 14:00]

Ég er sko sammála Millu líka.

Eigðu góðan dag Ragga mín.

[Katrín Ósk Adamsdóttir, 8.3.2008 kl. 19:59]

Ég tek undir það sem Anna segir hér efst,það virðist vera dálítið um hrottalegar nauðganir,en alveg sama frá hvaða landi þessi ó... eru eiga að vera mikið þyngri dómar heldur en sést hefur.Hafðu það sem allra best Ragga mín

[Tiger, 8.3.2008 kl. 21:22]

  Ég vona nú að sami dómur sé kveðinn upp fyrir sömu brot - með tilliti þó til alvarleika og eðli brotsins. Hugsanlega eru brotin mismunandi alvarleg þó þau flokkist undir sama heitið..

[Eyrún Gísladóttir, 8.3.2008 kl. 21:45]

Já þetta er rétt athugað hjá þér erlendir karlmenn hafa verið að fá þyngri dóma fyrir nauðganir en tíðkast hefur hér á landi, nema að þetta sé það sem koma skal fyrir slíka glæpi hvort sem erlendir eða íslenskir karlmenn eiga í hlut.

[Jórunn Sigurbergsdóttir , 8.3.2008 kl. 21:55]

Um þetta veit ég ekki. það sem maður heyrir í fréttum er þannig að maður heldur að svona brotum hafi fjölgað og séu grófari. Þá eru erlendir karlmenn oft nefndir. En eins og ég segi ég veit þetta ekki.

[Jens Guð, 9.3.2008 kl. 04:14]

  Það er engin tölfræði sem bendir til þess að nauðganir útlendinga séu hrottafengnari en nauðganir Íslendinga.  Ég veit ekki með dómana.  Almennt séð er frekar léttvægt tekið á kynferðisglæpum á Íslandi.  Sifjaspell eru einna algengasti kynferðisglæpur á Íslandi.  Hann er jafnan léttvægur fundinn eða sakfelling felld niður vegna þess hve langt um er liðið frá því að hann var framinn,  eða vegna þess hvað illa var staðið að rannsókn máls,  eða hvað rannsókn og málatilbúnaður tók langan tíma.