Takk fyrir kveðjurnar

Hér kom ljómandi fallegt afmælisbarn í heimsókn áðan og fékk pönnsur. Ég fékk viðbótarfólk, lítinn Hilmar og Jón Berg tengdason, yndislegt fólk allt saman.

Ég gaf Sollu pening og hún mátti ekki kaupa neitt nema fyrir sjálfa sig. Hún fór alveg eftir þessu en hún keypti eitt sem var alveg á mörkunum. Ég lagði gátu fyrir Steinar og hann gat það ekki.

Meðal þess sem hún keypti voru umbúðir utan um matinn hans Hilmars, eitthvað til að gleðja augu Jóns. Hvað keypti hún ?

Bjössi bróðir sló alveg í gegn í dag.Hann arkaði í snyrtivörubúð og keypti rosaflott baðdót og líka maskara og augnskugga frá Dior. Fyrst kom konan með einhvern nóneim maskara en það hentaði ekki Birni. Ég vil fá eitthvað flottara , sagði hann við konuna. Solla himinsæl og alveg hissa á því hversu kláran lítinn bróður hún á....ég náttlega ekki hissa, Bjarndýrið er flott eintak.

Ég ætla samt ekki að hrósa mér fyrir það. Að vera foreldri snýst um að gera sitt besta og það reyndi ég að gera. Svo er það ákvarðanir afkvæmanna sem setja kannski strik í reikinginn og það hef ég reynt.

Kastljós fjallaði um undirbúning fyrir kistulagninu áðan, ég horfði með hjartað í hálsinum en það var óþarfi. Umfjöllunin var afar vönduð, smekkleg og falleg. Ég reyni að missa aldrei af Kastljósi, öðru vísi mér áður brá.

Nú ætla ég að reyna að hvíla mig aðeins, ég er að brasa með versta gigtarkast ever...þvílíkt og annað eins vesen.

Athugasemdir

[Guðríður Hrefna Haraldsdóttir, 6.3.2008 kl. 20:34]

Ekki get ég ímyndað mér hvað dóttlan keypti ... erfið getraun! Vona að þú lagist fljótt af gigtarkastinu, ljósið mitt.

[Guðrún Emilía Guðnadóttir, 6.3.2008 kl. 20:42]

Ragga mín enn og aftur til hamingju með Sollu þína þetta hefur verið gleðilegur dagur hjá henni og ykkur öllum, Bjössalingurinn er flottur.
farðu vel með þig .
                                   Kærleikskveðjur Milla.

[Birna Dis Vilbertsdóttir (IP-tala skráð) 6.3.2008 kl. 20:42]

Góðan bata ljúfust.Sá þáttinn líka og var mjög forvitin og sátt við umfjöllunina

[Hrönn Sigurðardóttir, 6.3.2008 kl. 20:50]

hahahah brjóstahaldara!!!

Hvað er í verðlaun? 

[Hulla Dan, 6.3.2008 kl. 21:02]

Ég hef nú alltaf kallað það "spenastatív" en það þjónar sama tilgangi.

[Guðrún B. (IP-tala skráð) 6.3.2008 kl. 21:05]

Ég vona að hún hafi keypt : ilmavatn, nærföt, baðslopp, inniskó, buxur og skó.    Það hefði ég gert !!

[Hrönn Sigurðardóttir, 6.3.2008 kl. 21:09]

Fínt hjá Kastljósinu að vera með þáttinn um kistulagninguna. Það er svo mikið af fólki sem veit ekkert hvernig og/eða hvert það getur leitað. Kannski sem betur fer......Svo vilja sumir sjá um þetta sjálfir - en það er nú kannski meira þannig úti á landi.

[Huld S. Ringsted, 6.3.2008 kl. 21:23]

Brjóstarhaldara! Ég sá ekki Kastljós en ætla að horfa á það á netinu.

[Kristín Katla Árnadóttir, 6.3.2008 kl. 21:39]

Ég horfði á kastljós en í fyrstu brá mér en það var óþarfi hvíldu þig elsku Ragga mín

[Dísa Dóra, 6.3.2008 kl. 21:53]

Auðvitað keypti Solla brjóstahaldara og eru það vonandi bara þrælflottar umbúðir fyrir mat litla snáðans

[lady, 6.3.2008 kl. 21:57]

ég er sammála þér að ég reyni alltaf að horfa á kastljós,,,þetta var fallegt hvernig hann talaði útfarastjórin ,,mér var hugsað til þeirra sem hafa misst sína ástvini þar á meðal þig elsku Ragnhildur ,,,óska þér og fjölsk góða helgi kv ólöf jónsd

[Jenný Anna Baldursdóttir, 6.3.2008 kl. 22:08]

Aftur til hamingju með Solluna.  Það er nokkuð ljóst að þetta hefur verið brjólli sem hún keypti.

Treysti mér ekki til að horfa á kistulagningarumfjöllunina, er enn með martraðir yfir þeirri sem ég þurfti að vera við síðast.

Knús inn í svefninn.

[Jórunn Sigurbergsdóttir , 6.3.2008 kl. 22:23]

Æ Ragga mín ég vona að þér batni gigtarkastið sem fyrst.

til hamingju með Sollu.

[Ragnheiður , 6.3.2008 kl. 22:24]

Hrönn fyrst með rétta svarið, kaffi og pönnsa í verðlaun

[Bergþóra Guðmunds, 6.3.2008 kl. 22:32]

Guð gefi þér betri heilsu sem fyrst

[Heiður Þórunn Sverrisdóttir, 6.3.2008 kl. 23:04]

Til hamingju með sollu Ragga ..hann Björn er bara lang flottstur ...

kveðja til þin og þinna kveðja Grinvíkinar. 

[Hjördís (IP-tala skráð) 6.3.2008 kl. 23:12]

Auðvitað brjóstahaldara ;) Ég reyni líka sem oftast að horfa á fréttir og Kastljós, það er reyndar það eina sem ég horfi á í sjónvarpi  Patreki til mikillar ánægju. Ég náði svo aldeilis að hneyksla barnið áðan þegar ég sagðist ætla að horfa á Gettu betur líka. Í hans augum var það ekki til fyrirmyndar að ég myndi voga mér að yfirtaka sjónvarpið lengur en einn Kastljós þátt. Hann hafði sko "ekkert" að gera. Það er ekki grín að vera 5 ára í dag

[Tiger, 7.3.2008 kl. 03:01]

  Ehh... *huxa mikið eins og sannur karlmaður - ljóshærður* keypti hún kannski gjéstreing?

Okok, so it was tvíburahúfa. Flottur á því bjarndýrið þitt, sannur heiðursmaður og genin leyna sér greinilega ekki - beint í æð frá konu með stórt og fallegt hjarta.

  Ohhh man .. ég vil pönnsur, ég vil pönnsur - og kanelsnúða.

Guð gæti þín Ragnheiður mín og vonandi linast gigtin fljótt.

[Fjóla Æ., 7.3.2008 kl. 15:48]

Þeir geta verið svo sætir í sér þessir bræður. Til hamingju sem stelpuna í gær og vona svo innilega að gitarkastið líði fljótlega frá.

Farðu vel með þig vinkona. 

[Sigrún Óskars, 7.3.2008 kl. 17:10]

Flottur hann Björn að fara í snyrtivörubúð og kaupa handa systur sinni. já til hamingju með dótturina.

Farðu vel með þig Ragnheiður og vonandi linast gigtin - það hlýtur líka að fara að hlýna úti.