Taugasterka konan

Hún braut saman tonn af þvotti meðan fyrri hálfleikur var spilaður.

Hún sortéraði annað pússluspil í stað þess sem kláraðist.

Hún rápaði um allt hús og tók til

Þegar tvær mínútur voru eftir af seinni hálfleik þá stóð hún í eldhúsinu

Þegar leiknum var lokið gekk hún pollróleg inn í stofu og spurði hjásvæfuna hvernig leikurinn hefði farið.

Róleg ...ahh....nei....taugakerfið hrundi og svona brýst það út hjá næstum miðaldra konu

Annars leist mér ótrúlega vel á Bjarna Fritsson, leikgleðin skein út úr andliti hans og hann minnti mig á gullaldarstrákana sem var unun að horfa á.

Óli betri en síðast, ekki ragur við að skjóta.

Góður æfingaleikur.....

Farin að elda mat...úff...ég er þreytt af þessum æsingi.

Athugasemdir

[Guðrún Emilía Guðnadóttir, 13.1.2008 kl. 18:17]

Ragga lestu hjá mér, við erum alveg eins með þetta,
bloggaði í hálfleik og svo viðbót þegar leikurinn var búin,
þá var ég líka búin að saxa lauk, sveppi og brocoli í öreindir
þetta getur gert út af við mann og maður er hás af öskrum.

[Kidda (IP-tala skráð) 13.1.2008 kl. 18:17]

Af hverju fattaði ég ekki að láta minn mann fá þvottinn í sófann á meðan leikurinn fór fram Veit sosum ekki hvort það hefði dugað en aldrei að vita.

[Ragnheiður , 13.1.2008 kl. 18:23]

Hahaha já Milla við erum eins með þetta hehe....

Ég veit ekki Kidda...ég meira að segja afþakkaði hjálp við þvottinn, minn svo elskulegur að hann ætlaði að aðstoða mig.

[Jórunn Sigurbergsdóttir , 13.1.2008 kl. 18:26]

Dugleg kona.

[Anna Einarsdóttir, 13.1.2008 kl. 18:33]

Ragga... TONN AF ÞVOTTI ?  Nú ætla ég að vera alveg hreinskilin við þig:  Þú átt of mikið af fötum.  OF MIKIÐ.    Nú koma svo góðu fréttirnar:  Þú ert velkomin hingað að horfa á leik með mér.  Ég á samt bara svona 50 kíló af þvotti en það má bjarga því... leita bara til nágrannana með aðstoð. 

Mér líst þrusuvel á þetta lið, fyrir utan Garcia.  Hann vil ég hafa heima.  Snorri Steinn er mitt aðal-uppáhald þótt allir séu þeir í uppáhaldi.  Petterson, Óli, Guðjón Valur, Logi og markverðirnir, allir þrusuleikmenn.  Bjarni Fritsson kemur nýr inn og bara blómstar með það sama.

Annars er saltkjöt í matinn. 

[Ásdís Sigurðardóttir, 13.1.2008 kl. 18:52]

Ég er aldrei duglegri en þegar ég horfi á leiki, þoli ekki að sitja kyrr í æsingnum.  Mig vantar þvott.   og sól

[Bryndís R (IP-tala skráð) 13.1.2008 kl. 18:54]

Úff já segi það með þér. Ég verð bara þreytt eftir að horfa leiki.

[Hrönn Sigurðardóttir, 13.1.2008 kl. 19:10]

Ónei!! Ég gleymdi að horfa á leikinn!! Hvernig gat þetta skeð??

Nú er ég hissa..........

[Ragnheiður , 13.1.2008 kl. 20:52]

Anna..smá skreytni með þvottinn. Líst vel á að horfa á handboltann með þér. Svona 4 þvottavélar er nóg til að brjóta saman á meðan...eða sko fyrir eina.

Nei Hrönn ? Hvað gerðist ? Æj æj æj

[Guðrún Jóhannesdóttir, 13.1.2008 kl. 21:20]

þið eruð dásamlegar

Næ bmér bara svona á strik þegar Snæfell í Hólminum keppir í körfu, en þá á ég líka til að rífa í hár, sko mitt eigið

[Maddý (IP-tala skráð) 13.1.2008 kl. 22:00]

Er þessi þvottur ekki orðinn úr sér genginn? Mætti kannski bara setjann útí tunnu og kaupa nýtt, það gerur ástæðu til að fara í smáralindina og sjá allt flotta fólkið ......

[Adda bloggar, 13.1.2008 kl. 23:51]

innlitskveðja

[Steingrímur Helgason, 14.1.2008 kl. 00:56]

Þegar kemur að 'strákunum okkar' í íslenska handboltalandsliðinu þá kemur greinilega í ljós að einhver munur er á kynjunum.

Alla vega á þeim heimilum sem að ég þekki eitthvað til á.

Konur nefnilega vita meira um handbolta en karlar...

Einfalt mál,

en samt flókið...

[Ragnheiður , 14.1.2008 kl. 01:01]

Já er það Steingrímur ? Ætli það sé þess vegna sem Steinar spyr mig alltaf hvað þeir heita ? Hehehehe...handbolti eru stelpusport, hálfberir kallar og mikill hamagangur