Að hengja bakara fyrir smið

og það gerði ég áðan í fyrri færslu. Mér fannst ég hafa séð Björn Inga þræta fyrir viðræður í Kastljósinu í gærkvöldi. Það var rangt, það var Dagur sem þrætti. Nú eru sjallar í víðtækri fýlu og skiljanlega. Björn Ingi virðist mér hafa neglt allra síðasta naglann í kistu Framsóknarmaddömunnar. Blessuð sé minning hennar.

Fékk góða gesti áðan, Halli fyrrum mágur leit við með 2 syni, Haukinn minn stóra og góða frænda og litla gorminn Núma Stein. Hundarnir biluðust nærri úr gleði. Lappi ákvað að hann ætlaði að eiga Núma Stein en venjulega vill hann ekki krakka of nærri. Hann meira að segja skammaði Hauk þegar Haukur tók litla bróður sinn upp.

Mont dagsins..; Sollan mín er snillingur !!  Hún gerði sér lítið fyrir og fékk 9.8 í lokaprófinu í stærðfræði. Hún er svo dugleg og það er svo gaman að fá að vera stolt mamma.

Hjalti og Aníta eru að standa sig rosalega vel. Þau eru hrein og ég er svo stolt af þeim, báðum. Hann henti bílnum sínum í dag, í Hringrás og fékk 15000 fyrir hann. Þá getur hann ekki verið að keyra og safna sektum. Hann er duglegur...svo duglegur. 

 

 

Athugasemdir

[Guðríður Hrefna Haraldsdóttir, 11.10.2007 kl. 19:44]

Tek undir þetta með hann Hjalta, frábærlega duglegur, þessi elska! Til hamingju með Solluna, þetta er æðisleg einkunn!!! Knús í bæinn!

[Ásdís Sigurðardóttir, 11.10.2007 kl. 20:20]

Til hamingju með allt þetta góða. Sem betur fer eru sumdir dagar góðir. Knús á nesið

[Heiður Þórunn Sverrisdóttir, 11.10.2007 kl. 20:22]

Frábært hjá Sollu til hamingju með hana....

Við hér erum svo rosalega stolt af Hjalla og Anítu að vera hrein er mjög stórt skref fyrir þau og allir í kringum þau verða svo stollt af þeim..ég er svo ánægð með þau að ég er farin að segja hér við vinkonur mínar upp úr þurru æj ég er svo ánægð með Hjalta og Anítu ...þau eru svo dugleg 

[Greta Björg Úlfsdóttir, 11.10.2007 kl. 21:33]

Til hamingju með allt þetta...og:

KLUKK!

[Jenný Anna Baldursdóttir, 11.10.2007 kl. 21:38]

Til hamingju með þau öll þrjú.  Yndislegar fréttir.  Góður dagur hjá þér, fínt mál, löngu tímabært

[Birna Dis Vilbertsdóttir (IP-tala skráð) 11.10.2007 kl. 21:42]

Til hamingju með krakkana.Þau standa sig vel. Svona er framsókn og Villi uppskar eins og hann sáði til.

[Ragnheiður , 11.10.2007 kl. 21:59]

Ég var búin með þennan klukkpakka fyrr í sumar og nenni tæpast í hann aftur Greta mín (hérna átti að koma vandræðalegur kall en kallarnir virka ekki)

[Halli P (IP-tala skráð) 11.10.2007 kl. 22:06]

Flott hjá börnunum þínum.Ég má til með að segja þér hvað Númi Steinn spurði að þegar við vorum komnir út í bíl,förum við fljótt aftur til hennar í heimsókn.

[Hrönn Sigurðardóttir, 11.10.2007 kl. 22:09]

Til hamingju með þau öll!!!

Frábær árangur hjá þeim hverju fyrir sig

[Ragnheiður , 11.10.2007 kl. 22:11]

Hahaha Halli...þið eruð alltaf velkomnir...ég vissi að það hefði borgað sig að gefa honum nammi !!

[Halli P (IP-tala skráð) 11.10.2007 kl. 22:19]

Það var ekki nammið,frekar að það hafi verið Lappi og Keli.

[Ragnheiður , 11.10.2007 kl. 22:24]

Hehe já líklega..

[Guðrún Jóhannesdóttir, 11.10.2007 kl. 23:00]

til hamingju með þau öll, þetta bara til að gleðjast yfir :)

[Heiður Þórunn Sverrisdóttir, 11.10.2007 kl. 23:09]

Lappi er bara sniðugur hundur frá því að mín börn sáu hann og ef það er talað um hunda þá nefna þau alltaf Lappa hann klappar segja þau

[kidda, 11.10.2007 kl. 23:26]

Frábært hjá Sollu, Hjalla og Anítu

Knús og klús fyrir nóttina