Ákvörðun komin

ég nenni ekki að vera í dramatískri fýlu. Enda yfir hverju ? Þeirri tilfinningu að standa ein eftir eins og asni yfir að vita ekki það sem ég mátti vita ef ég væri að fylgjast með ? Mér líður náttlega eins og sauði en það er nú eitthvað sem ég er vön. Ég er algjör sauður oftast nær.

Búin að eyða deginum í fundahöld í vinnunni minni, margt spennandi framundan í vetur.

Skottálfarnir mínir voru fegnir þegar ég kom heim. Þeir eru eins og mannabörn, urðu að sjá í töskuna mína og spyrja hvar ég hefði verið. Þegar við komum með innkaupapoka þá skoða þeir ofan í alla poka til að gá hvað við keyptum.

Það eru skemmtilegar hvolpamyndir hjá henni Huld (www.ringarinn.blog.is )

Munið svo öll ljós fyrir alla.

Athugasemdir

[Ásdís Sigurðardóttir, 3.10.2007 kl. 18:58]

Ljós til þin og þinna og elsku Himmans þíns.

[Guðríður Hrefna Haraldsdóttir, 3.10.2007 kl. 19:01]

Kisurnar mínar eru líka voða forvitnar þegar ég kem heim með vörur en oft leynist kattamatur handa þeim og það er alltaf jafnspennandi. Æ, hvað ég hlakka til að sjá krúttin þín þegar ég kem í heimsókn. 

Knús til þín fyrir kvöldið.

[Jenný Anna Baldursdóttir, 3.10.2007 kl. 19:11]

Knúsaðu vóffana.  Hvað vissurðu ekki, ég ein spurning?

Smjúts.

[Ragnheiður , 3.10.2007 kl. 19:18]

Lu Bear ala smoking...Jenný mín

[Huld S. Ringsted, 3.10.2007 kl. 19:29]

Perla mín fer líka alltaf á kaf ofan í innkaupapokana, vonandi endar það ekki í 5 hausum í viðbót!

[Bjarndís Helena Mitchell, 3.10.2007 kl. 19:49]

Mín gera þetta líka, svo er tekið til við að fagna manni heim. Keppst um að fá klapp og knús og mikil læti, Chiquita klagar og röflar mest líka. Knús og gott að þú nennir ekki þessari fýlu, hún lagar ekki neitt.

[Kristín (IP-tala skráð) 3.10.2007 kl. 20:05]

Hæhæ, alveg dáist af þér og þínum skrifum. Sit alveg límd yfir þessu á hverjum degi ;)

 Eitt sem ég var að spá, ég er alltaf að kveikja á kerti fyrir Himmann þinn en veit ekki alveg hvort ég er að gera rétt... er alltaf að reyna að sjá hvort að þeim hafi fjölgað en sé það ekki....

Ekki væriru til í að segja svona tölvuimbum eins og mér hvernig maður kveikir á kertunum :)

Kv. Kristín

[Ragnheiður , 3.10.2007 kl. 20:13]

Sæl Kristín...

Maður velur kerti sem ekki logar á. Svo smellir maður á það. Þá kemur gluggi upp þar sem hægt er að skrifa kveðju og minni gluggi þar sem maður getur sett stafina sína í. Næsti gluggi bíður upp á leiðréttingu ef þess þarf og þá smellir maður á kertið. Svo kemur upp hvort maður vilji senda kveðjuna í email, ég sleppi því venjulega. Aðalmálið er að lesa sig áfram....og bara prufa. Okkur Himma er alveg sama þó það komi einhver aukakerti á meðan einhver æfir sig.

[Kristín (IP-tala skráð) 4.10.2007 kl. 14:22]

ó.... ég sem smellti alltaf á EXIT og hélt aldeilis að ég væri að kveikja á kerti.... humm jæja fer bara í átak að ná upp þeim kertum sem ég hef "kveikt á" en bara í huganum ;)