Hugur minn leitar til ókunnrar fjölskyldu

sem þarf að ganga sporin ægilegu í dag. Þau þurfa að jarða drenginn sinn, miklu miklu yngri en Himmi minn var, í dag.

Hversu mikil sorg ! Þessi spor eru svo hræðilega erfið og vond að fara, en maður hefur ekki val. Þetta gerist og þetta gerist hjá rúmum 30 fjölskyldum á hverju einasta ári.

Það er því miður staðreynd málsins. Sjaldan eru þetta þó börn eins og Dagbjartur litli sem er borinn til grafar í dag. Mikið óskaplega hefur hann verið fallegur drengur...það sé ég af myndinni af honum í morgunblaðinu.

Hjá þeim er hugur minn í dag.

Athugasemdir

[Ásthildur Cesil Þórðardóttir, 5.10.2011 kl. 09:51]

Elsku Ragnhildur mín, já þetta eru þung spor.  Blessuð sé minning hans, og ég sendi ættingjum hans mínar dýpstu samúðarkveðjur.   

[Kidda, 5.10.2011 kl. 12:46]

Já, þetta eru þung spor sem enginn getur ímyndað sé hve þung þau eru nema þeir sem hafa þessa hræðilegu reynslu.

Fjölskyldan er í huga mér núna og ég reyni að senda þeim styrk og kærleik

Knús og klús

[Ásdís Sigurðardóttir, 5.10.2011 kl. 13:21]

Get bara ekkert sagt, þetta er svo skelfilegt og ég veit að þú upplifir allt með þeim  hugsa til þín

[Hrönn Sigurðardóttir, 7.10.2011 kl. 18:20]

Já þetta var fallegur drengur með falleg augu

[Guðrún Emilía Guðnadóttir, 7.10.2011 kl. 19:31]

Það er satt hjá Kiddu að maður getur ekki sett sig í spor þeirra sem fá þessa sorg yfir sig, en maður reynir og að sjálfsögðu sendir maður kærleik og orku yfir til þeirra. Ég þekki til fólksins, bjó í Sandgerði í 27 ár það er mikil sorg á þeirra bæum.

Sendi þér einnig elsku Ragga mín ljós og orku

Milla

[Sigrún Óskars, 9.10.2011 kl. 23:41]

hef hugsað til þessarar fjölskyldu

hef líka hugsað til barnanna í skólanum hans.

[Jórunn Sigurbergsdóttir , 15.10.2011 kl. 01:28]

Ragga mín ég hugsa líka til þessara fjöslskyldu og hve erfitt þetta er. Guð veri með þeim.ÉG á engin orð.

Ég sá líka síðustu færslu frá þér og myndina af ykkur Himma. Þið vorðuð bæði svo falleg, þó ég sjái aðeins hárið á þér.

[Margrét Birna Auðunsdóttir, 17.10.2011 kl. 23:15]

Það er bara varla hægt að ímynda sér neitt skelfilegra, nógu erfitt hlýtur að vera að missa barn af slysförum en að ellefu ára barn ákveði að gefast upp á lífinu, það er bara hræðilegt. Og sláandi að hann hafi ekki fengið þá hjálp sem hann þurfti.