Þá það !

Ég var ein þeirra sem hélt því fram að Þorsteinn Davíðsson ætti ekki að gjalda föður síns við embættisveitinguna. Ég hafði rangt fyrir mér. Þetta var ekki rétt gert segir héraðsdómur Reykjavíkur.

Og þar höfum við það og ég ét skoðun mína ofan í mig aftur.

Árni og ríkið bótaskyld

Athugasemdir

[Nostradamus, 23.4.2010 kl. 13:04]

Auðvitað er það rétt að Þorsteinn átti ekki að gjalda föður síns, en jafnljóst er að hann átti ekki heldur að njóta þess hvers son hann er. En öllum, nema kannski hörðustu íhaldsmönnum og sífækkandi heittrúarmönnum DO, er dagljóst að það gerði hann. Hinsvegar á Árni eftir að þrasa og þræta fyrir þetta eins og annað.. Saklaus af þessu eins og öðru.. Trúlega er og verður leitun að stjórnmálamanni sem fær lélegri dóm sögunnar en Árni Matt...

[Árni Gunnarsson, 23.4.2010 kl. 13:21]

Þér sést yfir það Ragnheiður að enginn hélt því fram að Þorsteinn ætti að gjalda fyrir neitt. En til þess að skipa hann þá urðu nokkrir aðrir umsækjendur að gjalda fyrir það að vera ekki synir Davíðs Oddssonar. Og nú er rétt að taka fram að enga trú hef ég á því að Davíð hafi haft afskipti af málinu.

Flokksmenn voru bara svo uppteknir af því að vinna eins og honum kæmi best og fá svo bein að naga í staðinn. Þetta ástand er okkur öllum minnisstætt og flestir hugsa til þess með skelfingu að það geti endurtekið sig.

Ég held að þú hafir engum gert greiða með þessari athugasemd Ragnheiður. Allra síst þér sjálfri.

[Ragnheiður , 23.4.2010 kl. 14:00]

Árni ég er einmitt að vitna í orð sem féllu um þetta leyti hér á blogginu meðal annars.

Síðan hvernær eru athugasemdir til að gera manni greiða ?

Ég hinsvegar hef þá gleymt að rukka um beinið- best að vinda sér þá í það.

°°°°°°°°°°

Sem fyrrum sjálfstæðismaður þá er ég sammála þér Nostradamus og býst við að þræturnar hefjist brátt.

[Finnur Bárðarson, 23.4.2010 kl. 14:14]

Á Árni ekki að borga þetta úr eigin vasa vegna afleiðinga einstkalingsframtaks síns ?

[Ragnheiður , 23.4.2010 kl. 14:23]

Finnur mér fyndist það nú eiginlega í lagi.

[Árni Gunnarsson, 23.4.2010 kl. 16:11]

Ragnheiður. Ég hef þá misskilið þig og það var slæmt. Ég hef lesið færslu þína yfir á ný og finnst erfitt að skilja þetta öðruvísi en ég gerði. Það er mín fötlun.

Það var einmitt þessi ályktun margra sem vörðu þessa skipun í dómarastöðuna með því að hann væri að gjalda föður síns ef honum hefði verið synjað.

[Ragnheiður , 23.4.2010 kl. 19:37]

Árni takk fyrir að koma aftur. Ég er vog, mér finnst kannski eitt í dag og annað á morgun. Það er mín fötlun.

Ég hélt -áður en ég las hvað þeir sögðu sem gáfu álit- að þarna væri allt vitlaust vegna þess að hann var sonur þess Davíðs. Svo sá ég álitið og kynnti mér málið betur og komst að sömu niðurstöðu og héraðsdómur gerir í dag.

Það er eiginlega inntakið hjá mér- að ég var vitlaus.

Ég skal laga framsetninguna framvegis

Velkominn aftur :)