Vegurinn fór bara í sundur aðfararnótt laugardags

Það er skiljanlegt að menn séu uggandi en mér finnst þessi frétt og viðtal í kvöld við Ferðaþjónustu-Ernu mjög ósanngjörn.
Það var strax byrjað að draga að fyrir komandi brúargerð - en því var frestað í nokkrar klukkustundir meðan verið var að sjá hvað væri að gerast. Eðlilega. Ekki er hægt að stefna brúarvinnuflokkum í hættu þó að þetta sé um hábjargræðistímann.
Það hefur ekki einn virkur dagur liðið. Á forsíðu Mbl er ágæt frétt um leið sem fara má, með trukk yfir með bílana.
Ég skil ekki þetta með áhugaleysi stjórnvalda - ég heyrði viðtal við Ögmund þar sem hann sagði að allt kapp yrði lagt á að brúa Múlakvíslina.

Nú skulum við bara anda með nefinu og sjá hvort þetta gengur ekki bara fljótt og vel.

„Finnst þetta með ólíkindum“

Athugasemdir

[Ingibjörg Guðrún Magnúsdóttir, 11.7.2011 kl. 00:08]

Já það eru ekki góð þessi viðbrögð ferðarþjónustunnar fyrir ferðamanninn...

Það hafa allir eða ættu að hafa skilning á hlutunum og ef ekki svona hlutum eins og náttúruharnförum þá er mikið að hjá fólki...

Það er ekki eins og hringurinn hafi alveg lokast, heldur þarf að fara aðrar leiðir í bili á betur útbúnum faratækjum fyrir þá sem vilja og að einhver leið taki aðeins lengri tíma er ekki það sem á að ráða för finnst mér...

[Kristján P. Gudmundsson, 11.7.2011 kl. 06:13]

Notkun flotbrúa var nokkuð algeng í síðari heimsstyrjöld. Væri ekki ráð að senda Össur til NATÓ og fá eina slíka að láni til að bjarga ferðaþjónustunni ?

Standi erindið í kokinu á Nató-mönnum væri ráð að snúa sér til vina okkar í vestri og bera erindið upp við frú Clinton, sem ætíð hefur verið okkur, Íslendingum, hliðholl.

Með kveðju, KPG.

[Hrönn Sigurðardóttir, 11.7.2011 kl. 23:09]

Ég heyrði ágætis sparnaðarhugmynd í dag um að ríkið greiddi ferðaþjónustuaðilum þarna fyrir austan í grennd við Múlakvíst sem svaraði innkomu þeirra sl. 3ja ára eða svo - í samræmi við virðisaukann sem þau hafa skilað á þeim tíma.

Það held ég væri miklu ódýrara en láta vegavinnumenn vinna nótt og dag.

Mér fannst hugmyndin góð.

[Ásthildur Cesil Þórðardóttir, 12.7.2011 kl. 00:02]

Hrönn hehehe þetta er auðvitað kjarni málsins.

[Ragnheiður , 12.7.2011 kl. 00:59]

Hahaha Hrönn, það er góð hugmynd.

Takk allir fyrir ágæt innlegg :)