Dagur að kveldi kominn

og ég sit hérna í húminu, þreytt og alveg að sofna.

Eins og þær hafa sagt, hinar yndislegu mæður sem misst hafa börn á undan mér, þá varð hann ekki eins slæmur og ég bjóst við.

Ég sat hér í gærkvöldi og gaut augunum á klukkuna í tölvunni. Ég held að ég hafi búist við eldingu beint í hausinn um leið og miðnætti gekk í garð.

Klukkan sló.

Það gerðist nákvæmlega ekkert.

Ég blikkaði augunum, varfærnislega, en það breytti engu.

Dagurinn ljóti var kominn og hann varð bara venjulegur þriðjudagur.....

nema...ég hitti allt fólkið mitt. Gísla og Heiði og krakkana, þau eru talin með mínu fólki. Siggu systur og strákana hennar. Hjalta og Anítu. Sollu, Vigni og Hilmar. En svo kom rúsínan í pylsuendanum......

Útihurðin opnaðist og björt barnsrödd kallaði með gleðihljómi : AMMA!!

Inn endasentist Patrekur og beint í ömmufang ! Þá komu þau mæðginin óvænt suður og kíktu við hérna í dag.

Enn og aftur sé ég hversu gott er að búa hérna í sveitinni. Krakkarnir geta valsað hér um og allt er í besta lagi.

Við hittumst í garðinum í dag og Gísli og Heiður komu með fallega lugt til að hafa hjá honum, hún er fest á samskonar kubb og engillinn sem ég kom með um daginn. Systurnar komu með tvo fallega engla til hans. Ég setti hjá honum fjórar rauðar rósir. Svo gengum við öll í halarófu til hans Hauks hennar Birnu Dísar, ég fer orðið alltaf til hans þegar ég fer í kirkjugarðinn. Við skoðuðum steininn hans og hugsuðum til strákanna okkar, elsku strákanna sem réðu ekki við lífið. Andlát þeirra bar ekki eins að en ég get örugglega haldið því fram að sorgin sé svipuð.

Kærar þakkir fyrir hlýjar og fallegar kveðjur -hlýhug og stuðning í vonlausum aðstæðum, þetta hjálpar.

En nú ætla ég að fara að vinna, vinna í sjálfinu..sættast við það sem truflar mig. Finna leiðina.

Kínverskt máltæki segir að börn sem verði fullorðin fari að heiman, börn sem deyja fara aldrei burt.

 

 

Athugasemdir

[alva (IP-tala skráð) 19.8.2008 kl. 22:49]

Góða og blessaða nótt mín kæra.

[Maddý (IP-tala skráð) 19.8.2008 kl. 22:50]

Knús á þig elsku Ragga mín ...

[Guðrún (IP-tala skráð) 19.8.2008 kl. 22:54]

Kærleikskveðja til ykkar allra

[Sigrún Jónsdóttir, 19.8.2008 kl. 22:54]

Bestu kveðjur tilykkar allra

[Björg K. Sigurðardóttir, 19.8.2008 kl. 22:57]

Innilegar kveðjur til þín og fjölskyldu þinnar.

[Ásdís Emilía Björgvinsdóttir (IP-tala skráð) 19.8.2008 kl. 22:59]

Bestu kveðjur til ykkar, kæra Ragga

Vona að þið eigið góða nótt, eftir þennan dag

Bestu kveðjur úr Eyjum, 

[Guðríður Haraldsdóttir, 19.8.2008 kl. 23:01]

Yndisleg og hjartnæm færsla. Sendi þér og þínum góða kveðju af Skaganum, elsku Ragga mín. Góða nótt.

[Jenný Anna Baldursdóttir, 19.8.2008 kl. 23:27]

[Hrönn Sigurðardóttir, 19.8.2008 kl. 23:27]

Gott að þessi dagur er að líða hjá þér!

[Brynja skordal, 19.8.2008 kl. 23:53]

[Jóna Kolbrún Garðarsdóttir, 20.8.2008 kl. 00:47]

  Gott að dagurinn varð betri en þú hélst að yrði.  Kveðjur til þín kæra bloggvinkona.

[Lilja Guðrún Þorvaldsdóttir, 20.8.2008 kl. 01:06]

[Jóhanna (IP-tala skráð) 20.8.2008 kl. 01:11]

Hjartnæm færsla Ragga mín.Yndislegt að allt fólkið þitt var samankomið með ykkur og dagurinn betri en þú hélst að yrði.GUÐ geymi þig og styrki áframhaldandi.   Kærleikskveðja

                                    Jóhanna Cronin.                              

                              

                            

[Ásdís Sigurðardóttir, 20.8.2008 kl. 01:26]

Þú kannt svo sannarlega að koma orðum að tilfinningum þínum þannig að maður skilur þig svo vel. Hef verið hjá ykkur í huganum í allan dag. Vona að þú sofir vel í nótt, árið er liðið og nú byrjar það næsta, það verður skárra, ekki endilega mikið betra, en skárra. GUÐ geym

[Sigrún Óskars, 20.8.2008 kl. 01:41]

knús til þín Ragnheiður

[Hrafnhildur Ýr Vilbertsdóttir, 20.8.2008 kl. 02:17]

Falleg færsla og gott að heyra að dagurinn var bærilegur. Ég verð fyrir sunnan næstu daga ætla þá að heimsækja Haukinn minn og langar að heimsækja leiðið hans Hilmars..

[Tína, 20.8.2008 kl. 06:17]

Það er ég sannfærð um að hann er alltaf hjá þér og gleðst með þér þegar þú ert glöð.  

Hlýjar orkukveðjur til þín elsku hjartans Ragnheiður mín.

[Dísa Dóra, 20.8.2008 kl. 08:09]

[Anna Margrét Bragadóttir, 20.8.2008 kl. 08:19]

Falleg færsla

[Heiður Þórunn Sverrisdóttir, 20.8.2008 kl. 08:39]

Elsku Ragga.

Takk fyrir gærdaginn held að það hafi verið rétt og gott fyrir okkur að hittast það hjálpaði okkur öllum svo mikið,ég er líka svo ánægð með að hafa keypt þessa lukt hin var ekki nógu góð og bara ekki falleg og það erum við örugglega sammála um að svoleiðins á ekki að vera hjá stráknum okar.

Steinninn sem er hjá Hauk er svo fallegur eins og við ræddum og töluðum við um það á leiðinni heim.

Það var svo gott að hittast í gær takk enn og aftur knús til þín. 

[Kidda (IP-tala skráð) 20.8.2008 kl. 08:45]

Gott að dagurinn er liðinn og að dagurinn varð góður

Knús og klús

[Hulla Dan, 20.8.2008 kl. 08:56]

Fallegt alla leið.

[Ingunn Guðnadóttir, 20.8.2008 kl. 10:01]

Falleg færsla Ragga mín.

Það er mikið til í kínverska máltækinu.

Bestu kveðjur til ykkar allra. Ingunn

[Erna, 20.8.2008 kl. 11:42]

Þú ert einstök Ragga mín. Kærleikskveðja til þín og þinna

[Sigurlaug B. Gröndal, 20.8.2008 kl. 13:12]

Falleg og einlæg færsla Ragga mín. Þér tekst svo vel að koma hugsunum og tilfinningum þínum í orð. Innilegar kveðjur til ykkar allra.

[Guðrún Ágústa Einarsdóttir, 20.8.2008 kl. 13:31]

Falleg færsla Ragga mín, kærleikskveðja til ykkar allra. Kv Gunna.

[Birna Dis Vilbertsdóttir (IP-tala skráð) 21.8.2008 kl. 12:13]

Ég fór með rósir til Himma þíns í morgun.Það er fínt hjá honum leiðið.Minningardagarnir eru svo erfiðir

[Benna, 22.8.2008 kl. 14:22]

Knús á þig Ragga mín