steinsofandi starri og ein spurning

Í gærkvöldi fórum við, gamla settið, í löngu fyrirhugaðan bíltúr. Planið var að skoða sig um í nýju Kórahverfi og Þingahverfi. Hér er lenska hjá bifreiðastjórum að ætlast til að ég viti allt um allt og þess vegna fer ég og skoða ný hverfi. Það má kalla þetta starfskynningu. Hundar fóru með. Við fórum á gamla bílnum og þar er bekkur frammí. Kelmundur sat frammí, milli "foreldranna" og skoðaði þetta allt með miklum áhuga.

Við komum heim um miðnætti. Þá var gríðarlega fallegt um að litast á nesinu heima, alveg kyrrð og allar tjarnir spegilsléttar. Þá urðu sumir auðvitað að fá að skreppa út fyrir nóttina. Upp í tré steinsvaf starri. Hann svaf alveg grjótfast og vaknaði ekki þó Keli hlypi utan í tréð og hristi það allt. Við eyddum góðum tíma í að horfa á fuglasnann en auðvitað endaði með að hann vaknaði og hentist burt stórmóðgaður.

Spurningin er þessi ; hvað er til ráða fyrir krabbameinssjúkling sem þjáist af ertingu í slímhúð vegna aukaverkana lyfja ? Einhver ráð eða svoleiðis sem þið getið komið með ?

Athugasemdir

[Gunnar Helgi Eysteinsson, 3.6.2008 kl. 09:58]

Ég get því miður ekki... eða réttara sagt; Guð sé lof get ég ekki svarað þessari spurningu þinni.

[Jenný Anna Baldursdóttir, 3.6.2008 kl. 10:05]

Ég veit ekkert um svona en luma hjúkkurnar ekki á einhverju?

Kveðja inn í þennan fallega dag.

[Ragnheiður , 3.6.2008 kl. 10:06]

Jú hún ætlar að tala við þær á eftir

[Birna Dis Vilbertsdóttir (IP-tala skráð) 3.6.2008 kl. 10:38]

Tala við grasalæknir.Grasalæknar hafa góðar lausnir við flestu,

[Linda litla, 3.6.2008 kl. 10:51]

Veit engin ráð.... er ekki bara best að hafa samband við lækni eða hjúkrunarfræðing ?? Stundum er líka hægt að hringja í apótek, þar fær maður stundum ágætis ráð.

[Heiður Þórunn Sverrisdóttir, 3.6.2008 kl. 11:20]

sé fyrir mér Kelmund kóng í framsætinu...

Ég veit ekkert um spurninguna en dettur bara læknar og hjúkrunafræðinga...

kveðja inn í daginn Ragga og skilaður kveðju til Öldu frá mér. 

[Helga Magnúsdóttir, 3.6.2008 kl. 11:26]

Átti heima í Ferjuvogi sem er gata með bara fjórum húsum. Lenti iðulega í orðaskaki við leigubílstjóra sem vildu keyra mig í Ferjubakka. Samt var mín gata miklu eldri. Gott hjá þér að kynna þér ný hverfi.