Mæðradagur, Alþingi og ýmislegt annað

Mæðradagurinn er nýliðinn en það er einn þeirra daga sem nístandi sársaukinn kvelur mig. Þetta mundi Himminn minn og hringdi eða reyndi að kíkja á hana mömmu sína.
FB vinum fækkaði eitthvað, í fyrra gekk ömurlegur raðstatus um aðbúnað aldraðra og fanga. Bjánanum sem samdi bullið datt enginn annar hópur í hug. Málið er að það á ekki að taka af öðrum til að laga aðbúnað eins hóps. Elliheimilin eru heldur ekki þessar voða stofnanir sem fólk heldur. Fangelsi eru hins vegar mun verri en fólk heldur. Í fyrra barðist ég við fólk - sumir tóku þetta niður en aðrir rifust ofan í r****** . Sumum hef ég ekki fyrirgefið en læt ekki á því bera samt. Núna ákvað ég að hafa annan pól uppi. Þegjandi eyddi ég þeim af FB sem afrituðu og birtu þvæluna. En það fóru kannski bara átta af hjá mér.

Ég hef verið hugsi um Alþingi undanfarið. Þeir kvarta yfir skorti á virðingu almennings. Svo les maður munnsöfnuð eins og þennan eftir Þráinn Bertelsson - og skilur. Ég mun seint bera virðingu fyrir Alþingi leyfi þingmenn sér slíkan fúkyrðaflaum. Margir aðrir þingmenn virðast gera þetta, ausa úr sér stóryrðunum.

*hrollur*

Athugasemdir

[Ásthildur Cesil Þórðardóttir, 10.5.2011 kl. 10:27]

Knús og faðmlag elsku Ragnheiður mín.

[Guðrún unnur þórsdóttir, 10.5.2011 kl. 22:03]

fyrir gefðu Ragga mín ef ég hef sært þig .það var ekki meiniginn elskan mín og ég skil vel að þú hafir eytt mér útaf fesbókinar listanum knús og kram þín Gunna

[Jóna Kolbrún Garðarsdóttir, 11.5.2011 kl. 00:26]

[Birna Dis Vilbertsdóttir (IP-tala skráð) 11.5.2011 kl. 09:22]

þessi status var og er ömurlegur.Ég þekki fólk sem situr inni og það er erfitt.Svo eru það fjölskyldurnar sem þessir einstaklingar eiga sem þjást líka.

Alþyngi og virðing er eitthvað sem fer ekki saman lengur.Þráinn B sér meðal annars um það.

Klem kæra vinkona ,hlakka til að hitta þig í sumar

[Sigrún Óskars, 11.5.2011 kl. 21:11]

knús yfir

[Ragnheiður , 12.5.2011 kl. 16:39]

Takk elskurnar mínar.

Gunna mín mér sárna svo svona statusar enda finnst mér þeir svo arfavitlausir. Það er ekki bara ég heldur líka starfsfólk á hjúkrunarheimilum - það er látið að því liggja að þau vinni ekki vinnuna sína.

Hlakka til í sumar Birna :)

[Margrét Birna Auðunsdóttir, 17.5.2011 kl. 18:11]

Ég sá þennan status einhvers staðar og var hugsi yfir honum. Mér finnst ljótur leikur að stilla föngum svona upp gegn öldruðum, það er eitthvað afskaplega niðrandi við það og kemur engum til góða.