og svo gengur það bara

eins og ekkert þess á milli. Hef að vísu verið svolítið föst heima, var með hita sem ég losnaði ekki við. Var farin að éta einum of mikið hitalækkandi fyrir minn smekk hehe miklu betra að éta bara mat. En þetta er að rjátlast af. Í dag ætluðum við gamli að skjótast í nokkur erindi, kaupa tunnu undir hænsnamatinn svo við værum ekki að fóðra mýsnar í vetur. Fengum 2 stórar í Ámunni á Háteigsvegi. Vinnufélagi minn stakk upp á að ég væri að fara að brugga og þá vissi ég hvar ég fengi líklega eitthvað nógu stórt ílát. En eitthvað fór illa um kallinn í bílnum og við enduðum með að renna með hann í Brimborg, þeir tóku hann strax og fundu bilunina fljótt. Þetta er rafmagnssæti og mótorinn datt einfaldlega á gólfið hahaha...en svona er þetta. Festur upp aftur og málið var leyst. En dagurinn fór í þetta. Eitthvað búðaráp með og snöfl. Núna er kallinn að setja vetrardekkin á felgurnar og það verður klárt í skúrnum.

Brrr það var kalt í dag.

Það á að loka Orkunni í Skógarhlíð, áður Skell. Okkur líst nú ekki vel á það enda er það hálf tilgangslaust. Húsið er friðað og ekkert hægt að nota það í !! Hvert fara þá eiginlega mínir menn, Guðmundur og Loftur ? Nágrennið rauk af stað með undirskriftasöfnun en ég held að það skili engu. Samt spes..ný búið að stytta opnunartímann í Garðabæ og líka svona - með engum fyrirvara og svo þetta núna ! Svo þykist maður hafa fullan skilning á að fyrirtækið sé að spara en verður pirraður þegar sparað er í manns eigin nærumhverfi.

Mér tókst að eiga afmæli um daginn. Það er eina sem mér tekst að gera nokkuð skammlaust - enda þarf ég ekkert að gera, þetta gerist bara. Við fórum út að borða með pabba, völdum Humarskipið og það var dásemdin ein...mæli með því !

Athugasemdir

[Sigrún Óskars, 19.10.2010 kl. 22:33]

Ragnheiður, ertu búin að láta líta á þig ?? Ekki hægt að vera endalaust með hita - og snæða bara hitalækkandi, það fer svo illa með lifrina þína.

Vona að þetta fari nú að rjátlast af þér - þú ferð bara vel með þig kona

[Ragnheiður , 19.10.2010 kl. 23:07]

já þetta er allt að lagast núna, tók helgina í slökun og náði þessu úr mér.

[Guðrún Emilía Guðnadóttir, 20.10.2010 kl. 07:17]

Batakveðjur Ragga mín
Kveðja
Milla

[Kidda, 20.10.2010 kl. 09:00]

Knús og klús

[Ásdís Sigurðardóttir, 20.10.2010 kl. 11:00]

Faðmlag og kærleikssending til þín dúllan mín

[Birna Dis Vilbertsdóttir (IP-tala skráð) 22.10.2010 kl. 08:31]