Myrkur

úti og í sálinni suma daga.

Gleðin birtist á yfirborðinu..brosið nær ekki til augnanna

Það er eins og einhver hafi farið með ljósið, peruna í lífinu

Þetta breyttist úr lífi í bið, biðsal...ég bíð farmiðans

Stundum finnst mér eins og ég geti séð farmiðasalann en hann fer sífellt annað áður en hann kemur til mín.

Hann er leiðinlegur

Margir vildu eiga gjöfina sem lífið er

Ég vildi að ég gæti gefið það áfram

Skipt um hlutverk við einhvern annan sem hefur áhugann

Ég held bara áfram að bíða

Öll bið tekur enda, er það ekki annars öruggt ?

Athugasemdir

[Jóna Kolbrún Garðarsdóttir, 14.1.2009 kl. 00:34]

Það er víst það eina sem er öruggt í lífinu að biðinni líkur einhverntíma, þegar tími manns er kominn. 

[Anna Einarsdóttir, 14.1.2009 kl. 00:43]

Yndislega kona.  Þínu hlutverki er ekki lokið.  Þú ert að gefa svo mikið af þér.  Þú ert að hjálpa fólki og gleðja fólk.   En ég veit..... þetta er erfið ganga.... lítur stundum út fyrir að vera ókleif..... en það er alltaf leið.   Reyndu að láta þér líða betur vinkona.

Smjúts. 

[Daggardropinn, 14.1.2009 kl. 00:43]

öll bið tekur enda, en við verðum að reyna að njóta ferðarinnar, ekki bara áfangastaðarins. Mikið skil ég þetta myrkur mín kæra, alltumlykjandi og blindandi.

Ég stóð sjálfa mig að því fyrir nokkru að ég er steinhætt að horfa í augun á fólki, er hálf hrædd um að kannski sjáist akkúrat að brosið er ekki þar alltaf. 

frá mér til þín

Daggardropinn.

[Einar Indriðason, 14.1.2009 kl. 08:46]

Hmm.... Veit ekki alveg hvort mér líkar þessi hugsun hjá þér um biðsalinn.

Þú færð *LOPAPEYSUKNÚS* núna, stelpa, og það ýtir hitanum upp á við hjá þér.

Ég ætla líka að svona.... mantra til Steinars, um að hann knúsi þig læf á eftir eða í kvöld.... (og kitli þig alveg pínulítið, til að svona hressa þig örlítið við!)

En *LOPAPEYSUKNúSIÐ* færðu núna!

[Einar Indriðason, 14.1.2009 kl. 08:48]

(og... til að forða hugsanlegum misskilningi... það að "mantra" og það að "tantra" er sko alls ekki það sama!)

"Tantra" ... er hvað helst tengt við það að "Tantra kött" (segja Fóstbræður, eða Tvíhöfði)

"Mantra" er meira svona að segja eða hugsa sama hlutinn oft, með það í huga, að viðkomandi hlutur breytist......

[Einar Indriðason, 14.1.2009 kl. 08:49]

Og hana nú!

[M, 14.1.2009 kl. 10:41]