Í huganum

faðma ég hann, held honum fast að mér og sleppi aldrei takinu.

Í raunveruleikanum er faðmurinn tómur, hann er horfinn mér og kemur aldrei aftur.

Og það vantar í mig stykki, stórt stykki. Eins og ég sagði DoktorE í gær þá vil ég ekki lifa að eilífu, ég er að flestu leyti ekki mótfallin því að láta gott heita nú þegar en málið er þó þannig að ég stjórna því auðvitað ekki.

En mér finnst það stundum asnalegt að fólk sem hefur miklu meiri tilgang hérna megin er rifið burt en ég hangi hér í ráðaleysi og veit oftast ekkert í hvorn fótinn ég á að stíga eða hvort ég eigi yfirleitt að vera að stíga í einhverja fætur.

Og ég verð pirruð og ég verð sár.

Og ég kvarta og röfla hér.

Eini friðurinn er þegar ég sef, þá losna ég við þennan nagandi verk og endalausar hugsanir.

Athugasemdir

[Linda Linnet Hilmarsdóttir, 11.2.2009 kl. 18:19]

knús knús og kveðjur

[Ingibjörg Þ. Þorleifsdóttir (IP-tala skráð) 11.2.2009 kl. 19:18]

Ertu búin að lesa það sem hún Vilborg Davíðs skrifaði á síðuna sína nýlega. Það er alveg frábært.

Mundu að þú ert óendanlega mikilvæg öllu þínu fólki - stóru og smáu - .

Bros úr Þolló.

[Ragnheiður , 11.2.2009 kl. 19:39]

nú hefði ekki veitt af tengli á það Ingibjörg

Linda mín, knús til baka

[Kidda (IP-tala skráð) 11.2.2009 kl. 19:55]

Veistu Ragga að það er þó nokkuð síðan ég komst á þá skoðun að þú hafir tilgang á jörðu hér. Þú breiðir út kærleika, umhyggjusemi og fleira mín kæra

Þú ert engill í huga mér

Knús og klús

[Ragnheiður , 11.2.2009 kl. 20:07]

Takk Kidda mín  við Himmi sko, ansi lík stundum

Hérna kemur linkur á það sem Ingibjörg minnist á. Við skoðun á síðunni kemur í ljós að bóndi þeirrar sem skrifar þennan góða pistil er bróðir vinar míns og vinnufélaga.

http://www.vilborgd.blogspot.com/

[Ásdís Emilía Björgvinsdóttir (IP-tala skráð) 11.2.2009 kl. 22:24]

Þú ert góð manneskja, Ragga mín og gefur svo mikið af þér. Það er alveg mökkur af fólki sem þykir vænt um þig

Kær kveðja

[Hulla Dan, 11.2.2009 kl. 22:28]

[Guðrún Ágústa Einarsdóttir, 11.2.2009 kl. 23:50]

Það hafa allir einhvern tilgang hér á jörð..en fæstir vita hvað það er ef það er þá einhver sem það veit.

Ég hef heyrt að ef við náum ekki að klára eitthvað visst í þessu lífi að þá reynir maður að klára það í næsta lífi.

Hafðu það gott Ragga mín.

Knús knús.

kv Gunna.

[Sigrún Jónsdóttir, 11.2.2009 kl. 23:54]

Þú ert yndisleg

[Kristín Bjarnadóttir, 11.2.2009 kl. 23:55]

Komdu sæl, greip niður í nokkar færslur á hraðferð.  Þú skrifar svo fallega um hluti sem ætti ekki að leggja á neinn.

Ætla að koma aftur við betra tækifæri og kynnast þér betur ef ég má?

Bestu kveðjur, Kristín.

[Ragnheiður , 11.2.2009 kl. 23:59]

Velkomin Kristín, ævinlega

Takk Sigrún mín og Guðrún Ágústa

[Jóna Kolbrún Garðarsdóttir, 12.2.2009 kl. 01:00]

Hjartahlýjan og yndislegheitin eru orðin sem mér dettur í hug um þig Ragga mín.  Svo er þetta spurningin að vilja lifa að eilífu, ég held að enginn vilji í alvöru lifa að eilífu.  Þá endar maður aleinn einhvern tíma. 

[Einar Indriðason, 12.2.2009 kl. 04:28]

Eitt stutt innlitskvitt, með *LOPAPEYSUKNÚSI*

Og hana nú!

[Sigrún Óskars, 12.2.2009 kl. 11:09]

Ragga mín - þú ert yndileg kona - sendi þér knús yfir

[Birna Dis Vilbertsdóttir (IP-tala skráð) 12.2.2009 kl. 12:31]

Í huga mínum faðma ég minn strák og sleppi ekki en svo vakna ég.Það kemur til með að ganga á með "éljum"þegar sorgin á í hlut.Sumir dagar nokkuð bærilegir og svo aðrir óbærilegir.En þeim góðu fjölgar smátt og smátt.

[Helga Magnúsdóttir, 12.2.2009 kl. 15:00]

Ragga mín, þú veist að þú ert ómissandi fyrir svo marga. Mér varð hugsað til þín um daginn þegar ég las einhvers staðar að börnin sem lifa vaxa og fara frá okkur en þau sem deyja eigum við að eilífu.

[Ragnheiður , 12.2.2009 kl. 15:23]

Já Helga mín, þetta spakmæli er alveg hárrétt. Hilmar mun aldrei yfirgefa mig, hann býr nú innra með mér.

[Jóhanna Magnúsar- og Völudóttir , 12.2.2009 kl. 16:17]

Ómissandi í beinar (kjánahrolls) útsendingar!