að horfa á heildarmyndina

Fimmtudagur, 6. ágúst 2009

að horfa á heildarmyndina

tekst stundum ekki.

Ég vaknaði í morgun en þó ekki.

En ég tengdi ekki punktana.

Góð vinkona mín og systir í sorginni benti mér á samhengið.

Hið árlega sorgartímabil er að hefjast. Mér líður eins og ég beri ein allar sorgir heimsins.

Þannig er það þó alls ekki.

Ég þarf að skilja það.

Meðan ég hugsa um það þá ætla ég að hafa hægt um mig og prjóna.

Guð geymi ykkur

Flokkur: Bloggar | Breytt 20.9.2009 kl. 22:03 | Facebook

Athugasemdir

Misstu bara ekki sjónar á sjálfri þér

Hrönn Sigurðardóttir, 6.8.2009 kl. 18:28

Knús á þig elsku ljúfa.....það birtir að lokum,ég lofa þér því

Linda Linnet Hilmarsdóttir, 6.8.2009 kl. 18:38

Birna Dis Vilbertsdóttir (IP-tala skráð) 6.8.2009 kl. 19:11

Sigrún Jónsdóttir, 6.8.2009 kl. 19:27

Get lofað þér því að í ár verður þetta ekki eins sárt og í fyrra mín kæra.

Knús og klús

Kidda (IP-tala skráð) 6.8.2009 kl. 19:48

Ía Jóhannsdóttir, 6.8.2009 kl. 20:54

Sæl og blessuð Ragga mín

"Sælir eru sorgbitnir, því að þeir munu huggaðir verða." Matt. 5:4.

Mundu að leita til Jesú með sorgina þína og þú munt fá huggun og allan þann kærleika sem þú vilt meðtaka frá Jesú.

Guð blessi þig og varðveiti.

Kær kveðja/Rósa

Rósa Aðalsteinsdóttir, 6.8.2009 kl. 21:01

Elsku Ragnheiður mín. Mikið skil ég þig. Það er ekki hægt að lýsa því með orðum, bara finna til með þeim sem eru í þannig hugsunum. Þú ert búin að vera svo ótrúlega dugleg alla tíð, með alla þína ævidaga, þú ert ein af hversdags hetunum sem sennilega fá aldrei neinar orður frá forsetanum eða ríkinu. En þú munt fá medalíu hjá Guði. Fyrir allt það sem þú hefur miðlað okkur hinum af sjálfrið þér. Risaknús á þig elsku stelpan mín. Og megi allt verða þér léttara en þú heldur.

Ásthildur Cesil Þórðardóttir, 6.8.2009 kl. 21:26

Þetta verður alltaf sárt, alveg sama hvað árin verða mörg, ferlið sleppur maður aldrei við, ég er með þér í huga og hjarta.

Ásdís Sigurðardóttir, 6.8.2009 kl. 21:35

Guðrún unnur þórsdóttir, 6.8.2009 kl. 22:46

Ragga mín ég ætla ekki að lofa þér neinu um það hvernig sárindin verða eftir eitt ár, tvö ár eða 36 ár.

Engar tvær manneskjur vinna úr sorginni á sama hátt þú ert þú og ást þín er sterk, sterk móðurást sem ekkert fær breitt.

Spurningin er hvernig þér tekst að vinna úr sorginni sumum tekst það aðrir festast í sorginni og trúðu mér Ragga mín það er böl sem erfitt er að bera allt sitt líf, það hef ég horft upp á hjá foreldrum sem áttu um sárt að binda.

Þú hefur sýnt það að þú ert hrein og bein þú ert opin og getur tjáð þig um líðan þinn hverju sinni og þú tekur rétt á hverjum degi.

Engir tveir dagar eru eins, engar tvær mínútur eru eins hvert sekúntubrot er sekúntubrot af lífi þínu og það færðu aldrei aftur.

Spurningin er hvernig líður þér og hvernig tekur þú á því, ég gerði það á minn hátt sem segir þér ekki að það sé eina rétta leiðin vegna þess að við erum með sitt hvort lífið í sálu okkar, líf sem aldrei deyr á meðan við andann drögum.

Elsku Ragga mín Guð gefi þér góða nótt og ró í sálu þinni svo að þú megir hvílast, fyrr gerist ekkert.

egvania (IP-tala skráð) 6.8.2009 kl. 23:45