Alveg að koma afmæli !

14.11.2008 | 10:56

Það er alveg að koma afmæli

og ég er miklu rólegri en ég var síðast þegar þessi afmælisdagur rann upp. Síðast svaf ég ekki og var komin með bauga niður á höku. Skalf af þreytu og vanlíðan og sá ekki glaðan dag í eitt augnablik. Ég endaði á að gera það sem ég hafði aldrei gert fyrr, ekki viljað gera fyrr. Ég fór til læknis og fékk svefnlyf. Mér hefur alltaf verið bölvanlega við róandi lyf og svefnlyf en þarna játaði ég mig sigraða. Ég fékk nokkrar töflur og enn í dag hef ég ekki lokið við skammtinn sem ég fékk. Ég þurfti þess ekki. Um leið og ég náði að sofa í nokkrar nætur þá losnaði ég úr þessum vítahring sem ég var komin í.

Hérna er mynd sem tekin var á síðasta afmælinu hans sem hann lifði. Greinilega höfum við haldið afmælið hans degi of seint það árið og eins og myndin ber með sér þá hafði ekkert okkar grun um að þarna væri hans síðasti afmælisdagur upp runninn.

Hérna kemur slóð á kertasíðuna hans .

Ég hef enn ekki ákveðið hvort ég ætla að gera eitthvað sérstakt í tilefni afmælis hans. Samt ætla ég að færa honum rauðar rósir, tákn ástarinnar.

Þeir sem vilja leggja blóm á leiði hans um helgina fá hér slóð á hvar hann liggur og sefur sinn síðasta blund.

Angakallinn minn..ég ætla að ljúka þessari færslu með uppáhaldsmyndinni minni af honum.

Menn verða ekki mikið sætari en þetta - gæðablóðið hennar mömmu sinnar

Athugasemdir

[Jórunn Sigurbergsdóttir , 14.11.2008 kl. 11:25]

Ég man að ég sagði þér að það væri í lagi að fá eitthvað í smá tíma og það hefur reynst rétt. Þú þurftir svo sannarlega á því a halda þá.

Guði sé lof fyrir að þú ert sterk kona elsku Ragga mín. Ég sendi þér mínar bestu kveðjur og ég veit að þetta er erfitt. Guð veri með ykkur. 

[Sigrún Jónsdóttir, 14.11.2008 kl. 11:27]

[Ásdís Emilía Björgvinsdóttir (IP-tala skráð) 14.11.2008 kl. 11:27]

Æ elsku Ragga mín! Ég held að ég geti nokkurn veginn gert mér í hugarlund hvernig þér líður. Ég bið góðan Guð um að vera með þér og gefa þér styrk og vonandi verður afmælisdagurinn hans Hilmars ljúfur og notalegur. Ég kveiki á kerti fyrir hann.

Ps. Mér finnst ég kannast eitthvað svo við umhverfið á myndinni af Hilmari, er hún nokkuð tekin hér í Vestmannaeyjum?

Kær kveðja

[Ragnheiður , 14.11.2008 kl. 11:29]

Jú ég held að þessi mynd geti verið tekin þar. Hann fór þangað einusinni á ævinni sinni. Gaman að fá að vita það.

Kærar þakkir fyrir kveðjurnar

Já Jórunn mín, það reyndist rétt vera enda gat ég ekki verið svona lengur....

[Kidda (IP-tala skráð) 14.11.2008 kl. 11:35]

Núna er ég svo tóm eftir alla hina færsluna. En sem betur fer þá eru gleðifréttir sem hjálpa til með sunnudaginn elsku vinkona.

Sammála með myndina, þessi og hin eru mínar uppáhaldsmyndir af honum. Mér líður alltaf svo vel að sitja og horfa á þessa elsku.

Knús og klús

[Hrönn Sigurðardóttir, 14.11.2008 kl. 11:43]

[M, 14.11.2008 kl. 12:52]

[Jenný Anna Baldursdóttir, 14.11.2008 kl. 15:11]

[Dísa Dóra, 14.11.2008 kl. 15:11]

[Hugarfluga, 14.11.2008 kl. 17:38]

Gott að eiga góðar minningar í myndum.  Ómetanlegt í rauninni.  Yljaðu þér við þær, bloggvinkona. 

[Guðrún Ágústa Einarsdóttir, 14.11.2008 kl. 17:49]

Knús og klemm

kv Gunna.

[Svanhildur Karlsdóttir, 14.11.2008 kl. 18:10]

Knús

[Sigrún Óskars, 14.11.2008 kl. 18:23]

 og kveðjur

[Daggardropinn, 14.11.2008 kl. 21:29]

þessir dagar eru alltaf svo erfiðir, ég kannast við það að hafa misst manneskju frá mér á þennan hátt, guð gefi þér og þínum góðan dag.

[Linda Linnet Hilmarsdóttir, 14.11.2008 kl. 22:36]

Knús og hlýjar kveðjur og von um frið í þinni einstöku sál

[Birna Dis Vilbertsdóttir (IP-tala skráð) 15.11.2008 kl. 00:02]

Æi já afmælisdagurinn hans.

[Jóna Kolbrún Garðarsdóttir, 15.11.2008 kl. 00:25]

[Huld S. Ringsted, 15.11.2008 kl. 09:10]

[Tína, 15.11.2008 kl. 12:48]

Guð geymi þig og þína elskan mín.

[., 15.11.2008 kl. 16:44]

Guð gefi þér frið og gleði í sálina, hrossið mitt góða.

[Matthilda M. Eyvindsd Tórshamar, 15.11.2008 kl. 17:39]

Þessi mynd er tekin hérna í eyjum, á horninu Vestmannabraut-Kirkjuvegur. Hann hefur líklega verið á leiðinni til Kristjönu, en hún átti heima við hliðina á græna húsinu þarna á myndinni. Það var Margrét sem tók hana.

[Margrét Birna Auðunsdóttir, 15.11.2008 kl. 19:13]

Algerlega æðisleg afmælismynd. Minnir mann á hve augnablikið er dýrmætt Og kannski ekki síður hve mikilvægt það er að eiga góða myndavél til að skrásetja það

[Gurrí (IP-tala skráð) 15.11.2008 kl. 19:31]

Ekki skrýtið að þetta sé uppáhaldsmyndin. Hann er svo blíðlegur og fallegur á henni, elsku strákurinn.

Sendi þér risaknús af Skaganum.

[Fjóla Æ., 15.11.2008 kl. 20:42]

Ég skil þig ofurvel. Púff. Vona að morgundagurinn verði þér sem bestur.

[Guðrún Emilía Guðnadóttir, 15.11.2008 kl. 21:34]

Guð gefi þér og þínum frið og ró það er það sem er mest um vert.
Elsku Ragga mín þú sterka duglega kona,
frá mér færðu ljós og kærleik
Þín Milla

[Matthilda M. Eyvindsd Tórshamar, 15.11.2008 kl. 22:55]

Ég spurði Margréti út í myndina. Þau voru að bíða eftir Fanney fyrir utan Glitnir, en hún þurfti að fara í hraðbanka. Þau voru búin að þanta sér pizzu og borðuðu hana í bílnum og notuðu pizzakassana fyrir diska. Mér finnst augnaráðið sýna, hversu vænt honum þótti um hana Margréti mína, enda voru þau mjög góðir vinir og ætlar hún að heimsækja hann á morgun. Vonandi verður morgundagurinn ekki allt of erfiður fyrir þig.

[Ragnheiður , 15.11.2008 kl. 22:58]

Já það er nákvæmlega málið. Honum þykir greinilega afar vænt um hana, það sést alveg langar leiðir.

Takk fyrir innleggin kæru vinir

Takk Matthilda mín, ómetanlegar upplýsingar fyrir sára móðurhjartað. Ég ætla að fara til hans á morgun og hitta fólkið mitt líka, þá sem koma.

[lady, 15.11.2008 kl. 23:13]

Til hamingju með daginn hans Hilmars heitinn,já maður veit ekki hvað er að missa  barnið sitt nema sá sem hefur kynnst því eins og þú,Ragga mín,ég var meir að lesa hjá þér gagnvart afmælinu hans Hilmars og sjá myndina af ykkur öll svo hress og brosandi eins og þú segir maður veit ældrei hver er næstur ,blessuð se minning Hilmars heitin sendi til ykkar stórt knús og kærleika með bestu kv Ólöf 

[Ragnheiður , 15.11.2008 kl. 23:18]

Takk Ólöf mín

[Lísa Björk Ingólfsdóttir, 15.11.2008 kl. 23:50]

[Tiger, 16.11.2008 kl. 00:18]

---------------------->  <---------------------

Til hamingju með strákinn þinn elsku Vinkona!

[JEG, 16.11.2008 kl. 00:29]

[Sigrún Þorbjörnsdóttir, 16.11.2008 kl. 00:33]

[Þórarinn Þ Gíslason (IP-tala skráð) 16.11.2008 kl. 00:36]

[Svala Erlendsdóttir, 16.11.2008 kl. 00:51]

[Jónína Dúadóttir, 16.11.2008 kl. 05:51]

[Helga skjol, 16.11.2008 kl. 07:53]

[María Guðmundsdóttir, 16.11.2008 kl. 08:24]

[Gudrún Hauksdótttir, 16.11.2008 kl. 08:36]

Kærleikskvedja til ykkar allra .

[Ingunn Guðnadóttir, 16.11.2008 kl. 09:33]

Kær kveðja til þín og ykkar allra Ragga mín

[Kristín Katla Árnadóttir, 16.11.2008 kl. 11:25]

[Helga (IP-tala skráð) 16.11.2008 kl. 11:43]

Ragga mín innilegar hamingju óskir með Himma þinn.Þú ert dugleg og góð kona.Vonandi fylgjir ykkur friður og ró í dag sem og alla daga.Kærkveðja

[Kidda (IP-tala skráð) 16.11.2008 kl. 11:47]

Elsku Ragga, Steinar og þið öll sömul, vona að dagurinn verði góður fyrir ykkur öll.

Risaknús og risaklús til ykkar allra

[Heiða B. Heiðars, 16.11.2008 kl. 12:30]

Til hamingju með afmælisdaginn Hilmar og til hamingju með hana sterku mömmu þína ;)

[Sigrún Óskars, 16.11.2008 kl. 13:30]

Megi ljós og kærleikur fylgja þér og þínum í dag Ragnheiður

[Ásdís Sigurðardóttir, 16.11.2008 kl. 14:00]

[Ásthildur Cesil Þórðardóttir, 16.11.2008 kl. 15:16]

Knús á þig Ragnheiður mín.

[Hjóla-Hrönn, 16.11.2008 kl. 15:46]

[Helga Magnúsdóttir, 16.11.2008 kl. 16:13]

 Ég sendi þér stórt faðmlag.

[Líney, 16.11.2008 kl. 19:50]

knús

[Ólína Kjerúlf Þorvarðardóttir, 17.11.2008 kl. 00:02]

[Marta smarta, 17.11.2008 kl. 01:02]

   Reynið að sofa rótt kæru vinir.

[Einar Indriðason, 17.11.2008 kl. 08:48]

Þó ég líti við svona seint.... alveg númer 54 eða svo... þá færðu nú samt knús frá mér.  Í þetta skiptið þá er þetta "bara" flíspeysu knús, og það verður að duga eins og er.

Farðu vel með þig og ykkur.

[Jóna Á. Gísladóttir, 17.11.2008 kl. 08:55]

Ó hvað þetta er falleg færsla. Um fallegan dreng Ragga mín. Myndin af öllu liðinu er svooo skemmtileg. Hlýtur að vera mikils virði að eiga hana. Og uppáhaldsmyndin þín stendur alltaf fyrir sínu og mun alltaf gera.

Innilega til hamingju með daginn hans Himma í gær.

[Ragnheiður Ása Ingvarsdóttir, 17.11.2008 kl. 10:26]

[Jóhanna Magnúsar- og Völudóttir , 17.11.2008 kl. 12:24]

Knús, krús, kjams og blús

[Hrönn Sigurðardóttir, 17.11.2008 kl. 15:59]

Vona að gærdagurinn hafi ekki verið þér mjög erfiður

[Mummi Guð, 17.11.2008 kl. 21:38]

Ég vona að þú hafir átt ágætan gærdag. Sérstakt að hugsa til þess að ég eigi kannski eftir að upplifa svipaðan dag á morgun!

[Ragnheiður , 17.11.2008 kl. 22:21]

Ég vona það Mummi minn, að ykkar dagur verði ekki alveg skelfilegur á morgun. Ég hugsa til ykkar með kærleik og styrk. Þið eruð að upplifa fyrsta afmælisdaginn eftir andlátið, hann fannst mér mun verri.